جوال الآيميت

السلام عليكم

اختي اي واحد بالضبط اللي انتي تفكري فيه

انا عني استعمل الايميت k-jam

بقول لج المميزات
عربي يعني يقرا ويكتب عربي بس مب اساسه مب معرب يعني كلمة ابدا بتلقينها start

الاتصال بالنت عن طريقة wi fi يعني لاسلكي مع الموديم
تقدري تدخلي المسنجر عن طريقه
تتصفحي الانترنت
تقراي كتب يعني باستعمال الوورد
تشوفي الطقس (ييله اتصال انترنت علشان تحديث الطقس)
غير البرامج الكثيره اللي تقدري تثبتيها عليه
تستخدميه كدرايف تخزني عليه ملفاتج المهمه توصليه بالكمبيوتر وتنقليها عليه
تخزني عليه
صور
ملفات صوت
ملفات فيديو
بوربوينت
قاموس وترجمه
واشياء كثيره
وهو عباره عن تلفون طبعا
واذا كنتي ترسلي مسجات طوال فهذا عجيب حق هالشغلات لانج تقدري تخزني المسجات على مثلا
ملف وورد او text وتسوي نسخ للمسج ولصق بالرساله
.
في كاميرا
يرسل رسائل وسائط
..................................

العيوب
اذا خلصت البطاريه يتفرمت اوتوماتيكيا يعني يطير كل شي عنج لهذا يبيله باك اب كل فترة


ياخذ له فترة لين يفتح اشوفه بطيء ويعتمد احيانا على البرامج اللي تفتح مع تشغيل الجهاز

صراحه ما استخدمه كتلفون بشكل كبير لهذا ما اشوف فيه عيب التلفون

هذي اكبر عيوبه ما اشوف له عيوب ثانيه


..........................................................

طبعا هذا ال k-jam


وهذي طبعا اظن انها الاساسيات بالايميت


مدري الانواع الاحدث يمكن الاضافه الي فيها هذا اذا فيها اللي هو GSM والخاص بتحديد المواقع عن طريق الاقمار الصناعية
مدري انتي على اي واحد تبين المعلومات

مشكورة أختي وانا محتارة مادري وش أخذ ودي بشي يكون فيه خدمة الجيل الثالث وأهم شئ يكون عربي زي باقي الجوالات العربية وما يكون غالي وش تنصحين فيه وبكم وياليت تحطين لي صورته..

بالنسبة للايميت k-jam هذا ما يصنف من الجيل الثالث لانو في كاميرا خلفيه وحده مافي اللي تتصلين بشكل مباشر بالصوت والصوره


اسعار هالاجهزة فوق 2000 درهم ريال

في انواع غير الايميت


http://go.3roos.com/eRaNE0skxQO

مرحبا عزيزتي ..

أنا كنت من فتره افكر اخذ الاي ميت .. لانه موب منتشر وايد مثل النوكيا ..

كنت ابي شي مميز .. و ما ينمل ..

بس في واحد ولد حلال يشتغل فمحل ..

قاللي فكري 1000 مره قبل تاخذينه .. لانه موب عملي وايد ..

و مصنعينه حق البزنس ..

انا عن نفسي .. استخداماتي للموبايل .. حدها مسجات و تصوير و صور ..

فكرت فيها ..

بعدين غيرت .. من الاي ميت .. الى

السوني اريكسسون الجديد w950i

و ان شالله اخذه قريب .. بس على فكره مافيه كام ..



تحياتي ..
عسوله و بس

كلامك صحيح اختي عسوله

الايميت مب عملي للي متعودين على التلفونات العاديه مع انو حجمه صار مقبول بس بشكل عام

مب عملي

انا اعتمد عليه لاني ما استعمل التلفون كثير الا للطوارئ (اطلب عشا من اخواني مثلا ) :)

السوني الجديد اللي تفكري فيه يا عسوله مواصفاته صراحه حلوه والكاميرا احس مالها داعي :)

الايميت والاجهزة الكفيه تعتمد على اللي يستخدمها ودرايته بهالنوعيه من الاجهزه

انا بصراحه كنت افكر اشتري ايميت جديد بس لمن لقيت واحد مستعمل بسعر اوكي شريته

كنت خايفه من اللي قريته عنه من اللي عندهم ايميت بانواعه بس مثل ما قال الاخ الهاوي انه مجرب هالاجهزة وما واجه مشاكل

لهذا اللي يفكر يشتري من هالاجهزه لازم يكون باله طويل وما يمل بسرعه ويستصعبها