المتزوجات من سنييييين .. بغيت نصيحتكم

حبيبة قلبي أم نونيه .. عسى ربي يوفقج ويكتب السعاده في كل خطوه تخطينها قولي آمين
ربي يريح قلبج دنيا وآخره مثل ماريحتي قلبي

اقسم بالله نفسيتي تعبت يالغاليه .. اقرب الناس لي تعبت منهم ومن كلامهم وحنتهم علي .. انه معاه طول الوقت اعرف ظروفه عدل .. والله يااختي من زود المصاريف اللي علينا والأسعار اللي ناااار احيانا نطلع مع بعض مانقدر نروح نتعشى ف مطعم .. انا وهو مفلسيييين
وااااايد يعور قلبي فديته .. احيانا لما يجي يزورني يجيب لي هدايا بسيطه ورود طبيعيه مثلا أو ساعه أو اكسسوار للشعر .. مايبي يحسسني أو هو يحس انه مقصر معاي .. مع ان هالاشيا بسيطه ومب مكلفه لكن والله كبيييييره بعيوني

العيد اللي راح كان أول عيد لنا مع بعض .. وصادتنا ظروف ماديه صعبه .. ماقدرت اخذ له هديه وهو نفس الشي .. الله وكيلج خواتي قعدو يحنون علي .. يقولون لي بل بل بل اول عيد وماعطاج عيديه .. وخبرج عاد بكلام الحريم ..

ناقشت اختي الكبيره بموضوع المصروف .. قلت لها مابي الأمور الماديه تدخل بيني وبينه .. انا بديت حياتي معاه على مبدأ ( المشاركه ) .. يعني انا احط وهو يحط .. مافي فرق بينا ..
قعدت تحن علي وتقول لي لاتعودينه على هالشي بعدييين بتتعبين راح يعتمد عليج في كل المصاريف وخاصة اذا حملتي وجبتي عيال .

والله ياأختي أم نونيه .. أسمع كلام من البنات اللي توهم متزوجات يشيب له الراس .. وحده تقول لي انا جبرت زوجي يوديني شهر العسل ماكانت امكانياته تسمح .. سحبت من رصيدي من غير مايدري وقلت له اني متسلفه هالمبلغ من اختي ولاااازم نرده لها بعد مانرجع من شهر العسل .. والمسكين زوجها صدق .. قال لها انا راح ارده لها .. تقول خلج ذكيه مثلي .. خليته بعد مارجعنا من شهر العسل يرجع لي المبلغ !!!!
شفتي الأنانيه والخبث ؟ !!!!!!!!!!!

انا من داخلي مقتنعه اشاركه بكل شي وبالذات الامور الماديه .. لكن الكلام وايد يأثر علي ويضايقني .. احيانا من زود التأثير انظر له نظرة انه ( قاص علي وبخيل و مايبي يعطيني مصروف ... إلخ ) مع اني في قرارة نفسي عارفه اني مراح احتاج لل 500 أو ال 1000 اللي بيعطيني اياهم .. وعارفه ان هالمبلغ راح يأثر على ميزانيته خاصة ان عليه سلفيات الدنيا ( سلفة مهري - وملحقي - والعرس ) وراتبي والحمدلله يكفيني .. بس الله يهداهم بعض الحريم خلوني في حيرة من أمري .. خلوني اشك ان كل الحريم اللي في البيوت يمشي لهم مصروف وان آنه غير عنهم .

حبيبتي انا متزوجة من ثلاث سنين وكانت مخطوبة ست سنين وانا انصحك لاحد يدخل بينك وبين

زوجك لانه محد يعرفه قدك وعيوني خلي ها المعلومة في راسك ( الحريم واخوتك وامك) اذا

كانوا متخصمين مع ازوجهم راح يخلون الرجال كلهم انذال وخانين ومن هذا الكلام ويوم ما يرضون

عنهم شوفي الكلام الحلو عن الرجال حبيبتي انا زوجي نفس حالتك مااحد وقف معه خليك معه

وماعليك فيهم هذا حياتك وانت اعلم فيها وابسالك سؤال اذا زوجك وفر لك مصروف راح تتكونين

مبسوطة وهو متدين وما ينام الليل من هم الدين وايش الفايدة صحيح لاصرتي سعيدة وهو تعيس

بتفرحين ومادام عندك راتب الحمد لله وخليك دائما عند حسن ظن زوجك فيك مو ظن الناس فيك

زوجك هو المهم مو الناس صح والله يوفقكم ويرزقكم

ايد وحده ما تصفق حبوبه...
ويوم تكون الحرمه ساده عمرها من ناحيت مصاريفها الخاصه ... تشيل هالهم عن الزوج مهما كان مستواه المادي... لان تعرفين المصاريف ماتخلص... بس في نفس الوقت عوديه انه هو المسؤول لاتخلينه يعتمد عليج.. في وحده اعرفها مع ان زوجها غني... وهي بعد عندها خير.. قام ريلها شوي شوي يعتمد انها ممكن تسد عنه اشياء وايد... وهي من مستحاها تستحي تقوله لا هذا الشي انت لازم تدفع عنه... لا والقهر يقولها بدفعلج اياهن ويطنش ما جد ردلها شي...
المهم حبوبه تقدرين انتي تقيسين امورج بس لااااااااازم تحسسينه ان هو المسؤول عن كل شي (وبتذكرين كلامي)

وربي يوفقج :)

اختي شوفي كلنا في بداية خطوبتنا ساعدنا ازواجنا واللي تقولك عكس هذي الشي ماعندها سالفة يمكن لانها ماجربت............ عموما انتي حاولي حاليا ماتضغطين عليه في اي شي من مصاريف ثانويه حاولي تركزين معاه على الضروريات وانكم اشلون تبنون صح وبالنسبه عن الديون ترا هذي شي عادي دام انك تقولين ان اهو بروحه قاعد يساعد نفسه مافي احد يساعدة المهم يعني الى تقريبا 4 سنوات بكون اسدد في هذي الديون...........

شوفي بالنسبه عن المصروف انتي تقولين انك تشتغلين يعني راتبك مكفيك نوعا ما ............ بس بعد الزواج انتي عاد وشطارتك اذا مثلا نزلتي السوق عوديه ان اهو اللي يدفع دايما اغراضك الشخصية الضروريه يعني مثلا اذا كان في الشهر نزلتك تكلف من 700 الى 1000 معقول وانتي عاد ماراح تنزلين السوق كل شهر ..........

اما اذا جاك البيبي والله رزقكم فمصاريف البيبي اهو ملزوم بها دام اهو معزم يفتح بيت معناته لازم يتحمل توابع هذا الزواج يعني بتزيد مصاريفكم بعد سنه ونص هذي اذا انتي حملتي على طول.........

اختك الكبيرة خايفة عليك يمكن اهي نظرتها مختلفه عنك فلاتخترب علاقتك معاها لانك مردك راح ترجعين الى نصيحتهم........ اتعرفين اختي شنو المشكله ان فعلا الريايل ماينعطون وجه ........ انتي حاولي ماتتنازلين عن حقوقك تعاملي معاه بطريقة صح وماتخلينه يتنرفز وتحسسينه انك مستغلته ماديا ........ يعني يوم شدي ويوم رخي...........

والله يوفقك ترا هذي تجربتي في زواج عمرة 11 سنه ........... والعمر كله يارب...........

حصوووبهـ حبيبة قلبيـ تعوذيـ منـ الشيطانـ وخليـ عنج كلـ هالخرابيط ومااااعليج منـ أحد

صدقينيـ ياحصوبهـ محد بينفعج غيـــر ريلج [ أبو عيالج ] بسسسـ ،.. باجر إذا لاسمح اللهـ صار

بينج وبينـ ريلج مشاكلـ صدقينيـ محد بيهتمـ ولابيفتكر فيج لا أختج ولا غيرها فكريـ إنتيـ بالعقلـ

كفااايهـ ياحبيبتيـ الليـ قاعد يسويـ لج المسكينـ شتبينـ أكثـر !! مهر وعندج وملحقـ قاعد

يبنيـ لج وعرسـ إن شاللهـ راح تسوينـ وكلـ هذا وتقولينـ [ انظر له نظرة انه ( قاص علي وبخيل و مايبي يعطيني مصروف ... إلخ ) ]

فديتج واللهـ ياحصوبهـ ماراح ألوومج على الليـ تقولينهـ بسـ بسألج سؤالـ وإنتيـ جاوبيـ

عليهـ .. قلبج ماااعورج يومـ قلتيـ هالحجيـ ؟!!

فديتج ترى مو كلـ شيـ الفلوسـ واللهـ ياحصوبهـ الفلوسـ تجي وترووح ،..

لكنـ [ ريلج ] هو الليـ راح يتمـ لج عيشيـ حياااااتج حبيبتيـ عيشيـ فيها كلـ لحظهـ حلووهـ

ولاتضيعينـ على روحج مثلـ ماقالتـ أم نونيهـ عشانـ 500 ولا 1000 وبعدينـ حطيـ فيـ بالج

حبيبتيـ ريلج لو مايحبج ماكانـ أختااااارج منـ بينـ كلـ هالعالمـ ..

حمديـ ربج على هالنعمهـ وعيشيـ حياتج ولاتعطينـ حجيـ الناسـ أيـ أهميهـ صدقينيـ لو بتسمعينـ

حجيهمـ واللهـ بتعبينـ وعلى فكرهـ ترى أنا مثلج واااايد قالوا ليـ نفسـ الحجيـ بسـ واللهـ ماعطيتهمـ

أيـ أهميهـ لأنيـ موو مستعدهـ انكد على عمريـ وعلى ريليـ عشانـ جمـ منـ ريالـ ،.. إن شاللهـ عنيـ

ماقبضتهمـ أهمـ شيـ عنديـ ونااستيـ وونااسهـ ريليـ بسسسـ ...



ماقوووولــ غير اللهـ يوووفقج يالغاليهـ ويهنييييييج ياااااربـ ويجعلـ ايامكمـ كلــها سعادهـ ..

بالنسبة لي أأيد الخوات

ملكة شنط و عالم الهدوء بالراي


التعااااااااون مطلوب والتنازل مطلوب والتفاهم مطلوب


بس بعد ما يعرف كل واحد واجباته تجاه الثاني وبكل وضووووح



يعني العبرة من تشريع الانفاق على الرجل انه يحس بالمسؤلية تجاه زوجته


مهما كانت قيمة هالانفاق



كان 1000 ريال ولا 500 ريال ولا حتى 100 ريال



خليه يحطج بجدول التزاماته لا وبأول الجدول


وبالشهر الي تشووفين ان حالته المادية ما تسمح يعطيج مصروفج مهما كانت قيمته



لا تاخذينه منه بس مب يتعود انج ما تكونين بجدول التزاماته اصلا



لانج موظفة ولج راتبج وقادرة على مصارفيج الخاصة


ويكون عليه هو مصاريف البيت وبس؟!




نصيحتي لج عطيه حقوقه كاملة وبالمقابل طالبيه بحقوقج كاملة


وتناااااااازلي بس مب كل وقت


هذا راي فقط لا اكثر


والله يوفقج حبوبة

انا من رايي انه لو هو بيوفر طلباتك وطلبات البيت ما في داعي تثفلي عليه فالمصروف في بدايه حياتكم ساعديه ما في شي انه المرأه تساعد زوجها وهو شكله طيب واكيد لو صار عنده فلوس ما حيقصر عليج لا في مصروف ولا غيره اهم شي انكم تعيشون سعيدين ولا تفتحي اذنك لكلام الناس لانه قلوبهم مليانه فالغيره والحسد وفالتوفيق يالغاليه.

والله يا أختي .. كلام الحريم وايد و ما يخلص هههه فلا تسمعين حق حد .. حكمي عقلج و قلبج

و توكلي على الله .. و دامه من البداية قرر الزواج و تحمل كل هالمصاريف عشان زواجه .. يعني

هو مستعد إلا بيقدر يشيل مسؤولياتج و قادر إنه يصرف عليج ..

شوفي أنا عندج خذت لي سنة و 3 شهور متملكة .. و الصراحة مب كل شهر كان يعطيني مصروف

و أنا أساساً مب محتاجة .. يعني مخليته على كيفه .. و الحمد لله راتبه قوي ما شاء الله .. تعالي

شوفيه الحين صار يعطي هو من نفسه سواء محتاجة و لا لا ..

هو فعلاً ملزوم إنه يصرف عليج حتى لو كان لج راتب شهري .. لكن هالشي راجع لتقدير المرة

نفسها .. و مراعاتها لظروف الزوج المادية ..

مثل ما قالت شظايا الماضي ::: نصيحتي لج عطيه حقوقه كاملة وبالمقابل طالبيه بحقوقج كاملة


وتناااااااازلي بس مب كل وقت ..

الله يوفقج .. و خلي عنج سوالف الحريم و تأكدي إن كل وحدة تبدي رايها بناء على تجربتها +

زوجها غير عن زوجك .. و أنتي غير عنها ..

اختى العزيزة نصيحه لازم تحطيها فى بالك لو دخل حد بينك وبين جوزك العلاقه هتخرب لأان محدش فيهم عاشره وعارف طباعه والا ظروفه واللى ياخد على كلام الناس مش هيخلص هتلاقى بنات كتير تخوفك وتخليكى تاخدى موقف من جوزك بدون سبب طالما الراجل شاريكى وبيبنى بيتكم سوا يبقى لا يكلف الله نفسا الا وسعها والراجل لما مراته بتقف معاه مش بينسى ابدا مواقفها الجدعه
ولكن
الحذر مطلوب بمعنى راتبك يخصك انتى ومصاريف العيال ان شاء الله مالكيش دعوة بيهم هو راجل البيت يتكفل بمسؤليه البيت وانتى لانك مقدرة الظروف هتتغاضى عن مسأله مصاريفك الشخصيه
وبعدين حبيبت الفت نظرك لنقطه انا مثلا لغايه سنه مكنش جوزى بيدينى مصروف والا ابدا قلتله عايزة حاجه ووالله العظيم دايما قبل ما افكر انى عايزة حاجه بلاقيها عندى وهو من نفسه من سنه قالى انا هديلك مصروف عشان تجيبى اللى نفسك فيه يمكن تكونى مكسوفه تقولى يعنى المهم مش الفلوس المهم تحسى انك اول اهتمامته وربنا يهديكم لبعض ويتمملكم على خير

[glow=FF0000]أنا مع المشاركة والمساعدة ومع الأخوات إلي قالوهاااااااااا لأن إذا جذي الحال كل شي عليه بكرة راح يستخف ومدام عندج راتب ليش تضغطين عليه حرام ومدام كل ما ييي عندج جاايب لج هديه شنوتبين أكثر وهذا يدل على أنه مب ناسيج ومع كل هالمسؤليات ربي يهديج للطريج الصح ومع الأخوات بعد أن لو تدخل طرف ثالث راح تخرب الدنيا [/glow]

اللي يسمع كلاام الناس يتعب وتتعب نفسيتـــــه

لاتخليــن أحد يأثر عليج أبــد ... انتي عارفه خطيبج وامكانياته ....
وعارفه انه قد ماعنده يعطيج ومااايقصر معااج ....... بصراحه الله يكون بعون شبابنا ...

لان مصاريف العرس عندنا صارت خياليه وهو يعتبر من المكافحين لان اغلب الشباب الي يتزوجون هالايام يكونون معتمدين اعتماد كلي عالأب في المصاريف... بالعكس حبيبتي ارفعي راسج ان خطيبج هو الي يتعب عشانج وبيدفع كل شي عشان هالجوهره المصونــه ... ومن كلامج احسه يحاول قد مايقدر مايقصــر معاج فلاتخلين مسألة المصروف أوكلامهم يأثر عليج ... لوحد قال لج شي قوليله يكفيني عندي رجال بأخلاقه ويسوى الدنيــا عندي ولو بطلب عيونه مابخل فيها وكفايه حبه لج ترى اكبر هديــــــــه ..... بعد الزواج صدقيني هو بيتحمل المسؤووليه وكل شي بتحتاجينها بيوفره لج ومبين من كلامج انج قنوعـــه وماينخاف عليج ...... صدقيني القناعه شي نادر والرجال كل ماحس بقناعة مرته كل ماكبرت بعينه اكثــر... لان المره المتطلبـــه تنقص من قدرها وهي ماتدريـ ... ربي يوفقج ويهنيج ويتمم لج على خيـــــــر يارب ...

ماعليج من كلام الناس وصدقيني اذا مشيتي وراهم بتتعبين
انا متزوجه من سبع سنوات وفتره الخطوبه زوجي ماكان يعطيني مصروف تقبلت الوضع عادي
لان ادري انه عليه سلفه في البنك حق المهر والعرس وتجهيز الغرفه،،تخيلي غرفه مب ملحق
والله اني مارحت شهر العسل وصبرت لمده سنتين
ولما تحسنه وضعه،،والله ماقصر علي في شي ،ماخلى مكان ماوداني واي شي في خاطري اخذه
وكل سنه يفاجئني بأكثر من سفره ويوم اقوله شالمناسبه يقولي شهر عسل
حبيبتي انتي اللي بتعيشين معاه،،ولا تضغطين عليه مدام انتي عارفه ظروفه
الله يهنيج،،ويوفقج،،ويفتح ابواب الرزق لزوجج من كل الجهات

الفرررح كم:
حبيبتي انا متزوجة من ثلاث سنين وكانت مخطوبة ست سنين وانا انصحك لاحد يدخل بينك وبين

زوجك لانه محد يعرفه قدك وعيوني خلي ها المعلومة في راسك ( الحريم واخوتك وامك) اذا

كانوا متخصمين مع ازوجهم راح يخلون الرجال كلهم انذال وخانين ومن هذا الكلام ويوم ما يرضون

عنهم شوفي الكلام الحلو عن الرجال حبيبتي انا زوجي نفس حالتك مااحد وقف معه خليك معه

وماعليك فيهم هذا حياتك وانت اعلم فيها وابسالك سؤال اذا زوجك وفر لك مصروف راح تتكونين

مبسوطة وهو متدين وما ينام الليل من هم الدين وايش الفايدة صحيح لاصرتي سعيدة وهو تعيس

بتفرحين ومادام عندك راتب الحمد لله وخليك دائما عند حسن ظن زوجك فيك مو ظن الناس فيك

زوجك هو المهم مو الناس صح والله يوفقكم ويرزقكم

والله يالغاليه تفكيري نفس تفكيرج .. ادري ان هال 500 أو ال 1000 راح تأثر على ميزانيته بس مثل ماانتي عارفه الحريم وحنتهم .. خلوني أوسوس في هالموضوع وايد ..

تسلمين حبيبة قلبي .. ماقصرتي .. والله يوفقج دنيا وآخره

ملكه_الشنط:
ايد وحده ما تصفق حبوبه...
ويوم تكون الحرمه ساده عمرها من ناحيت مصاريفها الخاصه ... تشيل هالهم عن الزوج مهما كان مستواه المادي... لان تعرفين المصاريف ماتخلص... بس في نفس الوقت عوديه انه هو المسؤول لاتخلينه يعتمد عليج.. في وحده اعرفها مع ان زوجها غني... وهي بعد عندها خير.. قام ريلها شوي شوي يعتمد انها ممكن تسد عنه اشياء وايد... وهي من مستحاها تستحي تقوله لا هذا الشي انت لازم تدفع عنه... لا والقهر يقولها بدفعلج اياهن ويطنش ما جد ردلها شي...
المهم حبوبه تقدرين انتي تقيسين امورج بس لااااااااازم تحسسينه ان هو المسؤول عن كل شي (وبتذكرين كلامي)

وربي يوفقج

هو فاهم هالشي .. لأن دايما يقول لي كل شي يتعلق بأمور البيت انا اللي راح أوفره .. وانشالله بعد الزواج بحسسه اكثر

مشكورة حبيبتي على نصيحتج .. عسى ربي يوفقج ويسعدج دنيا وآخره

عالم الهدوء:
اتعرفين اختي شنو المشكله ان فعلا الريايل ماينعطون وجه ........ انتي حاولي ماتتنازلين عن حقوقك تعاملي معاه بطريقة صح وماتخلينه يتنرفز وتحسسينه انك مستغلته ماديا ........ يعني يوم شدي ويوم رخي...........

والله يوفقك ترا هذي تجربتي في زواج عمرة 11 سنه ........... والعمر كله يارب...........

صدقتي اختي .. انا اعرف حريم وايد رياييلهم معتمدين عليهم في كلللللللل شي كأن هي الرجال وهو الحرمه .. ومن ناحية اني انرفزه الامور الماديه .. مستحيل اسوي هالشي .. لأن مراح يكون في صالحي

الف شكر يالغاليه على نصيحتج .. الله يسعدج ويوفقج ياعزيزتي وانشالله العمر كله مع زوجج

الليازي:
: بسـ بسألج سؤالـ وإنتيـ جاوبيـ

عليهـ .. قلبج ماااعورج يومـ قلتيـ هالحجيـ ؟!!

والله ياحبيبتي الليازي ماتتصورين شكثر قلبي معورني .. مابي اخذ عنه هالفكره .. بس من كثر ماكنت أسأل المتزوجات عن هالموضوع .. قاموا يزنون على راسي .. وكل وحده تسمعني كلام ولااااااكأن اللي قاعده تتكلم عنه زوجها كأن عدوها .. حتى مرت علي لحظات حسيت انهم هم الصح وآنه الغلط .. ولاااااااوحده قالت لي خلي الحال واحد بينج وبينه أو انتي وهو واحد .. والله العظيم محد نصحني نفس نصايحكم اللي تريح القلب ..

تسلمين حبيبة قلبي .. الله يوفقج ويسعدج ف حياتج .. وييسر كل أمورج ..

شظايا الماضي:
نصيحتي لج عطيه حقوقه كاملة وبالمقابل طالبيه بحقوقج كاملة


وتناااااااازلي بس مب كل وقت

كلامج سليم 100 % .. تسلمين حبيبتي على نصيحتج اللي بإذن الله راح استفيد منها بعد الزواج .. بالتوفيق يالغاليه

SHREEFA
:

والحياة مشاركة يالغاليه مو ضروري يمشي لك معاش شهري
وهذا زواج وحياة مو وظيفة ومعاش

نفس وجهة نظري.. دايما اقول ان الزواج مب وظيفه يقابلها معاش شهري .. الزواج مشاركه .. بس اكيد في حدود المعقول ..
مشكورة حبيبتي على نصيحتج .. الله يسعدج ويوفقج

alshegra

:
وهو شكله طيب واكيد لو صار عنده فلوس ما حيقصر عليج لا في مصروف ولا غيره اهم شي انكم تعيشون سعيدين

والله مسكين كل شهر اذا زاد من راتبه شي يشتري لي أي شي حتى لو ورده .. أو أي شي بسيط .. حتى لما فاتحني بموضوع المصروف قال لي انه ادري ان المفروض انفق عليج الحين لكن انشالله بعد الزواج بعوضج عن كل شي ومب مقصر في أي شي .

تسلمين حبيبة قلبي .. ماقصرتي

دوحانية:
خلي عنج سوالف الحريم و تأكدي إن كل وحدة تبدي رايها بناء على تجربتها + زوجها غير عن زوجك .. و أنتي غير عنها

صدقتي والله .. الظاهر النصايح اللي سمعتها من صديقاتي كانت بناء على تجاربهم مع أزواجهم ومثل ماقلتي كل وحده زوجها غير .

الله يوفقج حبيبتي مع زوجج ويهنيج معاه .. ومشكووووره على نصايحج الذهب

توتو وشيكو:
حبيبت الفت نظرك لنقطه انا مثلا لغايه سنه مكنش جوزى بيدينى مصروف والا ابدا قلتله عايزة حاجه ووالله العظيم دايما قبل ما افكر انى عايزة حاجه بلاقيها عندى

تدرين حبيبتي بالفعل الرجال اذا ماطالبتيه هو راح يعطيج بنفسه .. وبالذات اذا ماضغطتي عليه في المصاريف .

الف شكر حبيبتي .. والله يخلي لج زوجج ويسعدكم ببعض

على عيني:
ليش تضغطين عليه حرام ومدام كل ما ييي عندج جاايب لج هديه شنوتبين أكثر وهذا يدل على أنه مب ناسيج ومع كل هالمسؤليات ربي يهديج للطريج الصح

رايج على راسي وعيني  .. الله يريح قلبج ويوفقج دنيا وآخره يالغاليه

بنت الغالي:
صدقيني القناعه شي نادر والرجال كل ماحس بقناعة مرته كل ماكبرت بعينه اكثــر... لان المره المتطلبـــه تنقص من قدرها وهي ماتدريـ

هلا بالطش والرش :) .. تدرين حبيبتي ؟ وايد اختبرني في موضوع القناعه .. طبعا كل رجال مايحب زوجته تكون مسرفه لأبعد درجه .. كلشي بالمعقول
لين اكتشف في الأخير اني من النوع القنوع .. احس اني وايد كبرت بعينه .
وعمري ماقلت له عطني .. احس باحرااااج .. حتى لو كنت محتاجه ماطلب منه ..
احنا الحين على ويه زواج .. والمصاريف مبهدلتنا .. حتى لو تقولين انج بتسوين حق العرس شي بسيط هالشي البسيط هو اللي يكسر الظهر ..
اللي صج يقهرني كلام خواتي .. اقول لهم انتوا ماعندكم احساس .. تشوفوني انا معاه شايلين العرس ومحد معانا .. بعد تقولون لي ( مشى لج مصروف هالشهر ؟ .. عطاج عيدتج ؟؟ .. ياب لج هديه ؟؟ )
بتقولين لي معاليج من خواتج وخلج من كلامهم .. بس والله يالغاليه هالأشيا تأثر .. خاصة اذا كنتي في فتره حرجه وعليج ضغوطات وايد .. ومحد واقف معاج..

الحين صرت اطنش وماقمت اسمع لأحد .. لأن نفسيتي وايد تتعب الصراحه .

مشكورة ياقلبي .. ويوفقج انشالله ويرزقج بالزوج الصالح .

غدران:
والله اني مارحت شهر العسل وصبرت لمده سنتين
ولما تحسنه وضعه،،والله ماقصر علي في شي ،ماخلى مكان ماوداني واي شي في خاطري اخذه
وكل سنه يفاجئني بأكثر من سفره ويوم اقوله شالمناسبه يقولي شهر عسل
حبيبتي انتي اللي بتعيشين معاه،،ولا تضغطين عليه مدام انتي عارفه ظروفه
الله يهنيج،،ويوفقج،،ويفتح ابواب الرزق لزوجج من كل الجهات

الوحده احيانا تتنازل عن أشيا كثيره عشان لاتشوف زوجها متضايق .. حتى هو اذا حس انها مراعيته ومراعيه ظروفه .. مراح يقصر معاها بعدين ... وأكبر دليل زوجج واللي سواه معاج .. عسى ربي يكتب لكم الخير ويسعدكم ببعض ويبعد عنكم عيال الحرام

حبيبتي:
اسمعي نصيحتي، لا تسمعين لحد، انا سمعت وايد نفسج، وصارت خناقات وايد مع ريلي بس انا عرفت الصح من الغلط وعندي ام الله يخليها لي فهمتني ان الحياة الزوجية تفاهم مو خناق، وانا ما اشتغل والحمد لله ريلي مكفيني والله وعيالي وانا نلبس احلى الثياب واغلاها والله اني انحسد على اناقتي واناقة عيالي، خاصة خواتي ومرت اخوي: ما شاء الله كل وحدة ثياب عيالها يقولون الزود عندي

انا مرت اخوي ما كانت تشغل واخوي اصلا ضابط وشغله معاشه وايد كبير وعنده امكانيات ،بس زواجه وايد كلف ويحليلها صبرت وايد لين ما الله حلها ووقفت معاه صدق وقفة زوجة يعتمد عليها، لما اشتغلت ،اول شئ اشترى لها سيارة لكزس روووعة ، تستاهل والله مسكينة البنت طيبة ووقفت مع زوجها وقدرت العشرة ما ثقلت عليه طلعني شقة والا سوي وسوي وووووووووووو.....، ووالحين يحليلها حامل وغرفتها صغيرة شوي عليها وعلى ولدها وزوجها اخوي يبي يطلعها وهي تقول خلني لين اسكن بيتي اليدي ما فكرت تطلع اجار علشان ما تغثه مع انه من حقها!!!! قالها خلي معاشج لنفسج واانا بسوي لج كل شئ خلي فلوسج لج، ما نعرف شو ممكن يصير، حط معاشها على معاشه والحينه عايشين في خير ونعمة، وقسم بالله يحبها موت ما يغلي عليها شئ، يقولنا، تدرون ليش احب حرمتي لأنها بنت ناس واحترمتني وقدرت ظروفي لما كنت مزنوق بالعرس...

واختي الكبيرة نفس الشئ،
يعني السالفة انج تتفقين مع ريلج وبسسسسسسسسسس لا تسمعين كلام اهلج ولا خواتج باجر ما حد بينفعج بعد الله غير ريلج وبس

ماااشاء الله على البنات ماقصرو بالردود قريت اول ثنين او ثلاث ردود بصراحه عين العقل , اختي الغاليه بقولج شي ترى الناس ماوراها غير عوار الراس وعلى فكرة كل وحده تتكلم من منطلق حالتها اهي يعني يمكن تشوف زوجها اناني او بخيل او او اوا .....الخ انتي اتبعي قلبج واهم شي بالزواج هو الاستقرار والراحه .

وربي يوفقج ويسر لج امورج .
وربي يتمم لكم على خير.

روعة دبي:
حبيبتي:
اسمعي نصيحتي، لا تسمعين لحد، انا سمعت وايد نفسج، وصارت خناقات وايد مع ريلي بس انا عرفت الصح من الغلط وعندي ام الله يخليها لي فهمتني ان الحياة الزوجية تفاهم مو خناق، وانا ما اشتغل والحمد لله ريلي مكفيني والله وعيالي وانا نلبس احلى الثياب واغلاها والله اني انحسد على اناقتي واناقة عيالي، خاصة خواتي ومرت اخوي: ما شاء الله كل وحدة ثياب عيالها يقولون الزود عندي

انا مرت اخوي ما كانت تشغل واخوي اصلا ضابط وشغله معاشه وايد كبير وعنده امكانيات ،بس زواجه وايد كلف ويحليلها صبرت وايد لين ما الله حلها ووقفت معاه صدق وقفة زوجة يعتمد عليها، لما اشتغلت ،اول شئ اشترى لها سيارة لكزس روووعة ، تستاهل والله مسكينة البنت طيبة ووقفت مع زوجها وقدرت العشرة ما ثقلت عليه طلعني شقة والا سوي وسوي وووووووووووو.....، ووالحين يحليلها حامل وغرفتها صغيرة شوي عليها وعلى ولدها وزوجها اخوي يبي يطلعها وهي تقول خلني لين اسكن بيتي اليدي ما فكرت تطلع اجار علشان ما تغثه مع انه من حقها!!!! قالها خلي معاشج لنفسج واانا بسوي لج كل شئ خلي فلوسج لج، ما نعرف شو ممكن يصير، حط معاشها على معاشه والحينه عايشين في خير ونعمة، وقسم بالله يحبها موت ما يغلي عليها شئ، يقولنا، تدرون ليش احب حرمتي لأنها بنت ناس واحترمتني وقدرت ظروفي لما كنت مزنوق بالعرس...

واختي الكبيرة نفس الشئ،
يعني السالفة انج تتفقين مع ريلج وبسسسسسسسسسس لا تسمعين كلام اهلج ولا خواتج باجر ما حد بينفعج بعد الله غير ريلج وبس

حبيبتي روعة دبي .. والله كلامج اروع من الروعه .. مشالله تبارك الرحمن على مرت اخوج كفو والله والنعم فيها وفي امثالها ..
تدرين يالغاليه ؟ .. قبل ماأنخطب كنت حاطه ببالي ومقتنعه ان المره لازم توقف مع زوجها وتساعده .. بس لما سألت الحريم المتزوجات .. عطوني كلام الصراحه عكس اللي كنت متصورته .. لكن الحمدلله ردود خواتي هني في المنتدى ريحني واااااايد أكدوا لي ان الحياه الزوجيه مشاركه مب بس هات وهات .. عكس اللي سمعته قبل ..

الله يجزاج الف خير اختي روعه .. ويوفقج دنيا وآخره

rose2006:
ماااشاء الله على البنات ماقصرو بالردود قريت اول ثنين او ثلاث ردود بصراحه عين العقل , اختي الغاليه بقولج شي ترى الناس ماوراها غير عوار الراس وعلى فكرة كل وحده تتكلم من منطلق حالتها اهي يعني يمكن تشوف زوجها اناني او بخيل او او اوا .....الخ انتي اتبعي قلبج واهم شي بالزواج هو الاستقرار والراحه .

وربي يوفقج ويسر لج امورج .
وربي يتمم لكم على خير.

هلا حبيبة قلبي روز .. اسمج يجنن :) انشالله اذا تزوجت وربي رزقني ببنت بسميها روز :)

الحمدلله البنات فديتهم ماقصروا وانتي زدتي عليهم .. ريحتوا قلبي واااايد الله يريح قلوبكم ويسعدكم وييسر لكم اموركم كلها ..