طفلي يناديكم

اعتقد انه لازم يكون سبع شهور و بيبدأ انه يلعب و ياكل

اختي تقدرين تراجعين طبيبة اطفال احسن

:shy: :salam: اعتقد انه لازم يكون سبع شهور و بيبدأ انه يلعب و ياكل

اختي تقدرين تراجعين طبيبة اطفال احسن

هلا ام شوق اخبارج:

احنا كنا رباعة في رابطة امهات يوليو والله ذكريات هالرابطة، ولدج قد ولدي تقريبا بس انتي قبلي باسبوع يمكن ولدتي، انا بتاريخ 17 بيكمل الخامس وبيدش السادس، من خبرتي بولدي اللي فات، ابدي اعطي ولدج الاشياء المهروسة طبعا مع رضعة الحليب، موز مهروس، كوسا مهروسة بطاطا، وتفاح مغلي بالماي وتهرسينه( انا عندي الآلة اللي تهرس الخضروات والفواكه)
طبعا السيريلاك بعد وايد يحبونه الاطفال، اشتري رضاعة ووسعي الفتحة بس مو وايد لأنه صععععععب الحين ياكل بالملعقة حتى ولو كانت صغيرة

مشكورين عالرد .....
اختي هيه صح انا ولدي انولد بتاريخ 14 يعني قبل ولدج بـ 3 ايام ^_* المشكله اني حتى الماي احطه له فالمرضعة وبعد ما يشربه ... بجرب اعطيه اشياء مهروسه مثل ما تنصحيني وان شاء الله انه يتقبله ^_^

اختي ام شوق ولدج ماشالله ريال :)
يعني المفروض يبدا ياكل الاشيا المهروسه.. انا ولدي بديت ااكله وعمره 3 شهور..
كنت فالبدايه بس اعطيه مغذي (فارليز الموز) وسح مهروس مع ماي.. ويوم عمره 4 شهور كنت اسويله عيش مهروس مع كوسا او بطاطا او جزر وبعد تقديرين تعطينه جزر مهروس.. موز مهروس او تفاح مهروس.. بس لما بدا يكبر شوي كان يرفض الاكل لانه يرضع ومتعلق فصدري وايد..
والحين عمره 9 شهور والحمد الله احسن عن قبل بدا ياكل عدل تقريبا 4 وجبات فاليوم واعطيه بعد بسكوته في إيده و قللت الرضاعه عنه وخليتها بس وقت النوم...
وللعلم ترى ما يشرب المرضعه ويرفض حتى يمصها واكله بالملقعه من صغير...
واهم شي للياهل انج تنوعيله...
وسوري طولت عليج....

على فكره ولدج تقدرين الحين تعطينه سيريلاك... جربي وانشالله يعــيبه ...
:)

مشكورة اختى امينه بسوي بنصيحتج وان شاء الله انه يتقبل .. بجرب السيريلاك وبشووووووووووف ^_*

مشكورة اختى امينه بسوي بنصيحتج وان شاء الله انه يتقبل .. بجرب السيريلاك وبشووووووووووف ^_*

هلا اختي انا ولدي اول شي بديت اعطيه ملعقتين من الطعام المهروس واتدرجت فيه لحد ماصار يحب الاكل والحين خلاص ماشالله عليه صار رجال وياكل من اكلنا العادي احيانا

ام شوووق شلونج
اكيد تتذكريني
كنت معاج فرابطة يوليو
ربيت في تاريخ 14-7
يعني بعد كم يوم بتكمل الخمس شهور وبتمشي في السادس
انا ارضعها طبيعي ونادرا ما اعطيها صناعي نادرا
ومن اسبوعين بديت اعطيها عيش مطحون مال اليهال بس كميه قليله جدا يدوب ربع فنيال وماتكمله بعد
انا مره كنت اشوف برنامج مستضيفين فيه دكتوره عالميه متخصصه في علاج الامراض السرطالنيه المتطوره اسمها د.هيام الشاذلي وهي دايما تؤمن ان الامراض اللي تصيب الانسان سببها الغذاء الخاطئ لدى الانسان
المهم
كانت وحده تسألها عن شلون تبتدي تأكل طفلها ؟؟؟
قالت اول شي لازم يكون الاكل صنف واحد من الحبوب مثلا عيش مطحون وتخلطه مع حليب الام بمقدار 1:8 يعني مثلا ملعقه عيش و8 ملاعق حليب الام
بيكون وايد خفيف والسبب انه لازم غلضه يكون يشبه غلظ حليب الام
(((وقبل لا تأكلين الطفل لازم ترضعينه من صدرج نص رضعه وتنتظرين شويه وبعدين تعطينه الاكل المخلوط بحليبج))) وتستمرين تأكلين الطفل شهر كامل بنفس النسبه والكميه ملعقه اكل او ملعثتين
بعد الشهر تقللين نسبة الحليب الى 1:4 يعني كل ملعقة عيش 4ملاعق حليب الام وتستمر شهر
بعد الشهر تقللين الحليب لين مايصير مثل اللبن الزبادي وعقب تبتدين تعطيه اصناف ثانيه مثلا خضار بس بالتدريج يعني تعطينه جزر مطبوخ ومهروس وغلظه مثل الزبادي وتأكلينه لمدة ثلاث ايام وتشوفين مكان الحفاظ سوا التهاب اذا ايه توقفين على طول واذا طبيعي تستمرين على الجزر
بعد الثلاث ايام تعطينه صنف ثاني من الخضار وتتمين عليه 3 ايام وتلاحظين اذا في حساسيه او التهاب توقفين وهكذا...
والللحوم تبتدين تضيفينها على اكل في عمر التسع عشر شهور تقريبا مااذكر بالضبط ونفس الشي بالنسبه للبقول
بس اهم شي اول الايام تعطينه الحبوب والبقول واللحوم لاحقه عليهم...
وقالت بتشوفون شلون البيبي بتصير صحته زينه ماتصيده حساسيات على اقل شي وخدوده مورده...
وتقول ان مره وحده كانت تشتكي ان طفلها مب طبيعي يصيح ماتدري شفيه اكتشفوا انه فيه فشل كلوي واكتشفوا انها كانت تعطيه ربع دجاجه تسلقها وتهرسها وتعطيه كل يوم من عمره اربع شهور....حرام الكلى ماتتحملل لازم شوي شوي وبالتدريج هذا طفل رضيع مايتحمل...


وعن موضوع السيريلاك
انا حاليا في امريكا
تدرين ان السيريلاك مب موجود عندهم الا في السوبرماركتات العربيه مادري ليش؟.
احس انه مايفيد الطفل علشان جذيه مايبيعونه هناك
بس عندهم حق اول الشهور رز مطحون وشوفان وشعير وكله مخصص للشهور الاولى
وحتى دكتورة الاطفال هناك انصحتني ان اول شهر اعطيها رز ناعم وبس وبعدها اعطيها شعير وشوفان وبغدها ادخل الخضار وبعدين الفواكه....


بس انا بعد اواجه معاها نفس مشكلتج
اول ماابتدي ااكلها تصيح وتتفل الاكل وتفرك عيونها تبي تنام مع انها تكون توها قاعده من النوم ومزاجها اوكيه وانا لما اشوفها بدت تصيخ مااجبرها عالاكل اقول مب اجباري اخاف تكره الاكل اذا جبرتها غصب..بس يلا نستمر كل يوم نحاول معاهم لين مايتقبلون الاكل..


ليش احنا متسرعين كله نبي نأكل البيبي بسرعه لاحق على الاكل وبعدين الاكل اللي احنا نعطيه اياه من عمر الاربع شهور مب عشان يتغذا لأ علشان نعوده على الاكل الصلب
الحليب هو الغذاء الاساسي لين عمر السنتين وهو اللي بيكبره!!!!



تره راده عليج بهالكلام عبالج انا وايد صحيه؟؟؟يارييييييييت والله
انا احاول التزم بكلام الدكتوره هيام الشلذلي احس انها وايد فاهمه ...احنا نسوي اللي نقدر عليه مب لازم بالضبط





وأتأسف منج لأني مصختها
طولت عليج

ما شاء الله رابطة حوامل يوليو كلهم متجمعين هني :)

ما قصرن البنات معاج.. لا تستسلمين بسرعة له... صبري اكثر عليه ..

مشكورين والله انكم خواتي واكثر بعد

كتوكوته يعني ولدي وبنتج نفس اليوم ولدو .........صح كلامج الحليب اهم شي بس لازم يتعود على الاكل اخاف بعدين ماياكل شي .....لاني حتى ملعقه ماياكل اقولج الماي اعطيه يظهره من حلجه ومسكر حلجه ويصيح هههه معاناه والله اشوف الناس يعطون عيالهم من 3 شهور وانا ولدي 6شهور مايطيع ياكل الله يهديه ههه

هاااا كتكوته ماتفكرين تحملين وهاي بنتج الوحيده وله عندج عيال بعد ؟؟؟


والبقيه لكم الشكر على نصايحكم لي وجمانه اشكرج على مرورج لي........

لا توالناس عالحمل
عندي بنوته عمرها 3 ونص
وهذي الثانيه
بس الاولى لعبت عليها لعبه كله خرابيط من جبتها لين الحين دايما البجر يكون حقل تجارب بس الثانيه احاول اكون غير

هههههههه مسكينه والله
انا ماافكر الله يخلي حمداني وبس خخخ

اليوم عطيته تفاح مهروس مايرضى ياكل يعصبني والله شو اعطيه مااعرف اليوم بسير بشتري له سيريلاك يمكن يتقبل بس مااظن لانه الماي بعد مايتقبل بصيح والله

هو فيه اكزيما اقول يمكن هاي ماثره عليه والله اعلم:(

عطوني نصايحكم بعد .................... :)