بنات أبوي ما يشتغل ....... أعطوني حل لمشكلتي

ليش ابوج ترك الشغل ؟

حبوبه نصيحتي لج
1- لا تتركين وظيفتج في الوقت الحالي

2- استغلي وقتج في هالفتره في انج تاخذين دورات و تدرسين و تطورين قدراتج الوظيفيه

3- تدورين على وظيفه بدون علم الناس اللي معاج بالشغل

4- سويلج شغله جانبيه بالاضافه لوظيفتج اي شغله مو عيب لو بالتعاون مع احد بس المهم تساند راتبج

5- ممكن تفكرون في مشروع انتي و اخوانج بتوفير شهري بسيط يتجمع لكم مبلغ اخر السنه تسوون فيه مشروع استثماري بسيط يدر عليكم دخل اضافي


و دعواتنا لكم بالتيسير و التوفيق من رب العالمين

انا مع الاخت سحايب دبي

اختي قمري الحزين
الله يكون في عونكم .. الكل عارف الظروف الصعبة الي تمر بها كل اسرة حتى لو كان معيلها يعمل في ظل الغلاء وارتفاع اسعار كل شي في حياتنا
فمابالك اذا كان معيل الاسرة لا يعمل

اختي نصيحة خليها ترن في راسك دايما
لا تتركي وظيفتك لو ايش ما كان تمسكي فيها وحاولي تتغاضين عن كل مساوئ العمل ... كله عشان اهلك وبيتك
ما شاء الله عليك باين انك حاسة بالمسؤولية تمام
طيب ما عندك اخ كبير يشاركك في تحمل جزء من المسؤولية ؟
هل الوالد بصحة جيدة ؟
كيف صرفكم ؟
هذا كله مهم في حل مشكلتكم
لو كان الوالد بصحة جيدة ويقدر يشتغل لازم تحاولون تجمعون له راس مال لمشروع بسيط على الاقل يتسلى و يصرف على البيت منه
ولو كان عندك اخ او اخت تقاسمك المسؤولية يكون افضل
وصرفكم خلوه في الفترة الحالية على قد مدخولكم على الاقل للأساسيات مو اكثر ... عشان تقدروا تدخروا مبلغ بسيط للزمن وللحالات الطارئة
اكيد الحمل عليك كبير .. لكن جزاك عند رب العالمين اكبر بكثير لانك حاسة بأهلك وحابة تساعديهم

طيب ما تقدري تسوي لك مشروع صغير في البيت ؟ او وحدة من خواتك تسوي لها مشروع بسيط ما يكللف مثل انها تدرس الاطفال في الابتدائي او البيع عن طريق النت وغيرها من المشاريع المفيدة هاليومين

لو حاسة ان شغلك صحيح تاعبك نفسيا دوري على غيره بس لا تتركيه الا وفي يدك وظيفة ثانية الى ان تتحسن ظروفكم ان شاء الله .. وفيه الوقت لو فيه مجال تطورين من نفسك وتاخذي دورات مفيدة مثل الكمبيوتر واللغة والادارة عشان تلاقي وظيفة احسن براتب افضل

ربي يفرجها عليكم وعلى كل المسلمين

[frame="5 70"][grade="00BFFF 4169E1 00008B 4169E1 00BFFF"]**حبيبتي :
*ومن يتق الله يجعل له مخرجا ويرزقه من حيث لايحتسب
*اكثري من الاستغفار تنهال عليك البركات
*تصدقي من راتبك ولو قليلا فيقول المللك اللهم اعطي منفقا خلفا ويقول المللك الاخر اللهم اعط ممسكا تلفا..
*استخدمي قاعدة ((ركعتين و دمعتين الساعه ثنتين)) وبتشوفي المعجزات ان شاء الله.
* اقراي سورة البقره كل يوم فان اخذها بركه وتركها حسره..والقصص كثيره حتى بالمنتدى في بنات بدائو يقرائوها كل يوم وسبحان الله حقق الله الي كان ببالهم واكثررررررررررررررر..والله.
*استعيني بالصبر والصلاة ولا تعجزي..
*ان الله قريب منكي مدي يدكي اليه حبيبتي فهو ارحم الراحمين..[/grade][/frame]

اختي نصيحتي لاتتركي شغلك ابدا

وحاااولي تاخذي دورات تدريبيه في مجال تخصصك وبهالحالة بيكون معاج شهادات اكثر

وبعدين شوفي لج شغلة ثانية بس بدون ماتتركي وضيفتك الاوليه وبدون علم الموضفين معاج حتى لو صديقاتج.

والله يوفقج اختي

هلا وغلا بأختي

خنفورة

الغالية أبوي الله يحفظه كبير في السن وما شاء الله عليه ما قصر معانا من صغرنا فالواجب إن نريحه

عند كبره ونرد له جزء من فضله علينا

فقلناله يا يبه خلاص ارتاح في بيتك كان دوامه من الصبح بدري لآخر الليل

فلازم هذا الوقت يرتاح في بيته

متسيبيش الشغل بتاعك لكن مفيش مانع تدورى على شغل احسن ولما تلاقى سيبى لاشغل

وياريت تكلمى والدك وتفهمية انة ياريت يساعدك فى مصاريف البيت وقتها هتحسى ان الحمل خف شوية

وربنا يهديكم ويسرلكم امركم

هلا وغلا بأختي

سحايب دبي

أختي جزاك الله خير ع النصايح الحلوة وربي لا يحرمني منكم

بالنسبة لمشروع دورات ما عندي وقت أبدا والوقت اللي يناسبني أكون في دوامي

وبالنسبة لتجميع المبلغ بسيط لعمل مشروع

فأبوي دخل في أكثر من مشروع وقصوا عليه للأسف إنهم من عائلتنا ومن قرابتنا

قال أبوي الواحد يشارك مع هله أحسن من الغريب

وللاسف أعتقد إن الغريب بيكون أفضل

فكل مشاريعه راحت عليه

وكثر ما أبوي طيب ما قال حق أهلنا اللي باقوه ليش قصيتوا علي

قاعد يلتمس لهم الأعذار ويقول يمكن كانوا محتاجين وما عليه عند رب العالمين إن شاء الله ما في شي يضيع:sad:

هلا وغلا بأختي

روح البحرين

جزاك الله خير غاليتي وما قصرتي

هلا وغلا بأختي

RoOoOmy

إن شاء الله يارب يكون في عون الجميع

جزاك الله خير يا أختي وما قصرتي من كلامك الطيب ومعاك حق في كل كلمة قلتيها

لكن والله حاسة إني جسديا ً تعباااااااااانة غير أذية الموظفين تقعدين معهم يضحكون في وجهك ومن داخلهم

الله أكبر على نفاقهم ما أقدر أتخيل إن في ناس بهالأشكال

وعندي 3 إخوان الكبير يساعدنا لكن أيضاً هو عنده أسرته والله يعينه

وال2 الباقيين يدرسون بالخارج ودراستهم مكلفة

وإخواتي المتزوجات يساعدون لكن تعرفين يتم هالشي بقدر وبحدود

كل له ظروفه

والحياة الحين غير عن أول بواااااااااااااااااااااااااااااااااااااااااااااااااااااايد وبكل مكان

ويلا إنت شرايك

هلا وغلا بأختي

*فراشة الاسلام*

جزاك الله خير أختي الفاضلة ع النصايح الحلوة

وربي يجعل كل كلمة قلتيها في ميزان أعمالك

وإن شاء الله أطبق المكتوب من الحين:shy:

هلا وغلا بأختي

طوق البنفسج

تسلمين عزيزتي وما قصرتي من النصايح الحلوة

هلا وغلا بأختي

*فراشة الاسلام*

مرة ثانية جزاك الله خير ع المرور والدعاء الطيب أسأله تعالى أن يستجب

هلا وغلا بأختي

حبيبة خطيبها

تسلمين عزيزتي ع الرد وأبوي عارف وحاس فينا وبالمسؤولية لكن هو بعد ظروفه وصحته ما تسمح

له يرجع للشغل مرة ثانية

عزيزتي قمر الدين عليج بالدعاء والصبر ترى ربج ماينسى حد ابدا



صدجيني بيجي يوم والله بيفتح لج رزقج انشاء بدعيلج من كل قلبي

الصبر ثم الصبر والدعاء والله يفتحها عليج دنيا واخرة:salam:

هلا وغلا بأختي

شجون عمان

جزاك الله خير الجزاء ع النصايح الحلوة

ولا تقطعينا من الدعاء

ما في مانع من مشاركة الغريب يالغاليه بشرط انه يكون في عقد واضح و صريح
على اساس لو صار تلاعب تلجأون للقانون يقضي بينكم


يا ريت تفكرون في مشورع بسيط لانه الحياه الحين مستحيل تمشي على الراتب مثل ما قلتي في ظل الغلاء اللي نحن عايشين فيه