بنات ساعدووووووووووووووني

بنات انامن جد جالسه اكتب وقلبي محترق اقرو المشكلة والله يخليكم ساعدوني


بنات انا عندي ثنتين من خواتي خاطبينهم اخوان زوجي وكلهم يصيرون عيال خال ابوي واحد منهم اخلاق زينه بس شوي يحب يفوشر ويسوي انه هو شي هذا مومهم والثاني لاماشالله عليه اخلاق وحده منهم اكبر مني والثانيه اصغر مني

المهم اختي الصغيرة صلت صلاة الاستخارة والحمدالله الله يسر امرها ووافقت على اخوه الصغير

اختي الكبيرة كانت مترددة وتصلي صلاة استخارة وماتحس بشي المهم هي وافقت موافقه مبدئية وقالت انشالله بتعطينا ااذا هي مافقه ولا لا بعد الشوفه الشرعيه

المهم هي شافته وارتاحت .......


عندنا بنت عمي صديقه اختي الرووووووووح بالرووح توأم روحها يوم خطبها اخو زوجي قالت لها

المهم من بعد هي مادرت اقولكم كل يوم جايه تقول كلام عنه وهذا الكلام من عند اخوها والكلام اللي كانت تقوله(انه هو راعي بنات وهو يحب يكذب والخخخخخ)

تخيلو يابنات كل يوم تجي تقولها واللي زاد الطين بله ان بنت عمي الثانيه درت والظاهر اتفقو بنات عمي الثنتين على اختي

كل يووم جايين يقولون لها كلام لدرجة انا يابنات صدقتهم والله العظيم وهم يقولون احسهم شوي وبيصيحون ويقولون لاختي مو هاين علينا نشوفك مع واحد كذا........

المهم اختي تشتت فكرها وعاشت حاله نفسيه مو طبيعيه راحت قالت حق ابوي واخواني قالو انا ماشفنا عليه شي

راحت هي ووافقت قالت خلاص انا موافقه وهذا الكلام كان اخر الليل قال ابوي بكرا بنكلمهم وبنقول لهم

جا يوم ثاني الا بنت عمي الاولى قالت اخوي راسلي مسج وهومسافر وقال خلي بنت عمي تقراه ا(يقصد اختي)كاتب يابنت عمي انا مو هاين علي انك توافقين وانا قلت لاخوانك عن الرجال وانا عارفه زين مازين بس انتي براحتك

اقولكم تتصل علي اختي وعلى طول اجي بيت اهلي واشوف حالتها قال خلاص انا ماابيه تعبت والله تعبت

المهم ابوي كلم ابوه وقاله البنت الكبيره مالها نصيب بولدكم والله يكتبله بنت حلال ثانيه تسعده

المهم جاتها بنت عمي والت لها والله ماتدرين شكثر ارتحت يوم انك رفضتيه

واتصل على اختي الرجال وقالها تكفييييين وافقي انا اخترتك من كل البنات تكفيين اختي قالت له اسمح لي مابيننا نصيب واختي اصلا تقول حرام ليه قلت له كذا

بعد اسبوعين يابنات جانا خبر انه هو تملك وخذا ميييين




تخيلووو بنت عمي هاذي اللي جلست تحن على اختي علشان ترفض
ولا بعد جانا الخبر من بنت عمي الثانيه وكاتبه فيها لايفوتكم فلانه ملكتها اليوم باركولها

المهم اختي ماحطت شي بقلبها على طول ترسل لها كلمة مبروك وقالت اخر شي توقعته منك يابنت عمي ياصديقه العمر


اختي عايشه حاله نفسيه مو طبيبعيه مو علشان الرجال لااااااااااااااااا

علشان بنت عمي سوت فيها الحركة البايخه



انا والله يابنات قلت حق زوجي بنام بيت اهلي كم يوم علشان اختي حتى زوجي يقول ليه اختك رفضت اكيد في سبب بس انا مقدر اقوله علشان مااسوي مشاكل


بنات سامحوني طولت عليكم بس من جد قلبي محترق على اختي