واللي يسلمكم ..عطوني اراء لهدية عيدميلا صديقتي الغالية

ع

عالية المقام

عروس مبدعة

10-12-2006 | 01:10 PM

السلاااام عليكم
شللونكم وشخباركم بنات المنتتدى؟ ان شاءالله بخير؟؟؟؟؟؟

مابي اطول عليكم بس ....... حدي متضايقه :sad: ومب عارفه .. ومحتاره .. وبغيتكم تساعدوني بفكره جديده حق هديه عيدميلاد صديقتي الروح بالروح ... والله محتااااااره وقلت اكيد بحصل الافكار منكم ... بس ابي هدايا غير الهدايا المعتاده ...مثل العطور والشنط .. ويااااااااااريت لو تذكرون لي المحلات بعد .....

هي في عيد ميلادي يابت لي شنطه وعطر واكسسوار و النبته اللي يظهر فيها happy birthday وماقصرت .. :ok: ولازم ارد لها بهدية حلوه... فديتكم ساعدوني .. عيدميلادها السبت الياي وانا ماخذت الا الله يعزكم صندل حسيته ستايلها وتحب هالاشكال .. ادري طولت عليكم .. بس بلييييييييييييييييييييييييييييييييييييييز ساعدوني .. انتظر ردودكم فديتكم :sad:

ب

بدون_عقل

عروس مبدعة

10-12-2006 | 01:19 PM

كم ميزانيتج

ع

عالية المقام

عروس مبدعة

10-12-2006 | 01:23 PM

يعني بحدود 30 دينار الى 40 دينار ............ عمرنا ترا 21 سنه هههه يعني هديه حق هالسن

ا

الوان سحرية

مشرفة سابقة

10-12-2006 | 01:43 PM

مرحـبــا ..

اختي اخذي لها محفظـة .. ستــايل بناتي ويكون فيها اكسسوارات .. يعني الاكسسوارات مرافقــة للمحفظــة ..
هذه انا حصلتها في قطــر لما رحت لهناك .. يمكن تكون عندكم هالاشكــال .. بصراحــة كثير عجبوني ..
ويكون نفس لون الصندل اللي اشتريتي لها ..

اخذي لها عطــر عربي مع فرنسي .. وغلفي بطريقــة حلــوة .. عند المحل . ويكون مصاحب له دبدوب شكلــه رقيق وحلـو

ممكن تــاخذي لها ذهب ابيض من داماس .. ع شكل قلب) كثير رااااااااااااااااااائع بصراحــة ..

او ممكن تــاخذي لها اكسسوارات حق تلفونها .. او علاقــة هاديــة حق التلفون ..

اشتري لها مذكرة 2007 اذا كانت من النوع اللي يكتب مذكراتها .. مع قلم ستايل فرنسي ..

هذه اقتراحاتي ..

ع

عالية المقام

عروس مبدعة

10-12-2006 | 01:52 PM

مشكوووووره فدديتج .. بس من وين احصل المحفظه؟

ن

نونو قطر

مشرفة سابقة

10-12-2006 | 05:05 PM

ينقل للقسم المناسب وتلاقين الردود الي تعجبج

الف شكر

ا

الحلم الضايع

عروس مشاركة

11-12-2006 | 01:52 PM

بروحي محتاره بعد مثلج ابي هدية حق صديقتي ومب عارفه بس تدرين انا فكرت اني اشتري لها حوض سمك يعني مب عووود يعني مناسب صغير شويه واحط معاه كم شغله وانتي بعد اخذي لها جذي واتمنى اكون فدتج:shy:

أ

أحلام صغيرة

عروس ذهبية

11-12-2006 | 07:50 PM

تقدرين تاخذين لها قميص او بدي او جاكيت مع اكسسوارات تناسب هل الاستايل او تاخذين لها بجايم قطنيه ادفي فس الشتا
عندج لاسنزا, اسرار سارة
او تاخين لها ساعه او خاتم ذهب

H

Hypercool

عروس رائعة

11-12-2006 | 08:03 PM

انا شخصيا احب اقدم الهدية تكون عبارة عن مجموعة هدايا في صندوق حلو مرتب..
في عيد ميلاد اختي مثلا شريت صندوق كبير شوي وفيه حطيت الهدايا: .. وبما انها تحب الاكسسوارات فاشتغلت على سالفة الاكسسوارات

وهذي الاغراض اللي خذيتها:
شنطة من accessorize كانت احدث ستايل نازل..
مع قبعة ستااايل بعد...
ساعة واايد كووول من Next
فشريت لها اكسسوارات من Aldo
بوك ذهبي فننننن بعد من Aldo

بطاقة نعووومة من Me 2 You
وشكلها كان فن وهي تبطل الصندوق وتطلع هدية هدية وهي مستاااانسة...
وكل ما تشوف شي تسوي الله عجييييب..

احسه يشوق اكثر من اني اخذ هدية واحدة بس واقدمها..
تحسسين الشخص انك تعبتي على الهدية من غلاته صر تي تلفي وتختاري....

ووووووبس... ان شاء الله افدتك....
من accessorize

ا

اسيرة قلبه

مشرفة سابقة

11-12-2006 | 11:08 PM

ممكن تروحين لمحل كليرز بتلقين عنده اشياء حلوه وغريبه واسعارهم زينه
عندهم اشياء حلوه مره لحفظ الاكسسوارات
فيه منها اشكال وانواع كل شكل خاص مثلا بالخواتم وفيه للحلق والسلاسل
والأخت هايبر كول ماقصرت

(

((المتغليه))

عروس نشيطة

13-12-2006 | 05:00 PM

انا مثلكم وداخله علشان اسئلكم نفس السؤال
وش اهدي صديقتي وللمعلوميه اول مره اهديها
ومن غير مناسبه بس كذا طلع براسي اني اهديها لانها بنت مخلصه
هي من بعد الله علمتني وشلون احب بيتي ورجلي
واهتمامي بكل شي يخص مملكتي يعني البنت مخلصه
فودي بشي او اشيا تكون حلوه لها
لاتقولونلي ذهب ابي اشيا غيرها

ا

الزنبقية

عروس مشاركة

13-12-2006 | 09:57 PM

هلا اختي ليش ما تاخذين لها كيك وتسوين لها حفله انتي في بيتكم بدون ما تقولين لها ولا تطرشين لها مسج ولا تتصلين فيها تقولين لها كل عام وانتي بخير ووكأنه انتي ناسيتي تاريخ عيد ميلادها أو انج تروحين لها بدون ما تتصلين لها وتقولين لها كا باييج

آدري طلعت عن الموضوع وانتي تبين هديه مب شلون تعطينها اياه بس اختي آنه برايي انج تقدمين لها علبه ميك اب من وجوه أو من الحواج وخصوصاً البنات في هذي السن يحبون ذي الشي وبالنسبة للمحفظه تلاقينها بأي محل اكسسوارات اتمنى اني افدتج ولو بشي بسيط :shy:

تحياتي للجمييع:
الزنبقيـــه