ساعدوني برووووح الححححج انشالله

الله ييسر لك الحج

حجا مبرورا وسعيا مشكورا باذن الله

اختي بحاول اساعدك رغم انو ما عندي خبرة

خذي ملابسك الشخصية من

ملابس داخلية
وبيجامات مريحة وبسيطة
وجلابيات بسيطة
وقمصان طويلة وبلاطين واسعة ومريحة وتكون شرعية
وخذي طبعا عبايتين شرعية
ملابس الاحرام
وانت بكرامة حذاء مريح يكون عملي وطبي

واغراض شخصية مثل


شنطة اسعافات اولية
كريم واقي الشمس بدون الوان
فرشاة معجون
مشط
بكلة للشعر
شامبو
وليفة ادوات لفك الاحرام
محارم كلينيكس
فوط صحية
جوالك
ساعة يد
قلم ودفتر ملاحظات صغير
شمسية ( مظلة)
ونظارات شمسية
شبشب مريح للبيت والوضوء وانت بكرامة
شنطة للمؤن من ماء وغذاء تكون محمولة ومريحة
حصيرة صغيرة
حرام


ادوات العبادة:

سجادة الصلاة
مصحف
كتيب ادعية
دليل الحج
خارطة لمكةوالمدينة


وطبعا ارقام تيليفونات مهمة مثل الاسعاف والشرطة والبيت والاقارب

وطبعا مكة والمدينة مليانة اسواق اذا نقص عليكي شيء لا سمح الله

اختي تجنبي الاسراف وخلي الزهد قدام عيونك عسى ان يغفر الله لكي ولنا

ولا تنسيني من دعائك ولو نسيتي معلش :) الله يبارك لكي في عبادتك

ماشالله حج مبــروكـ مقدمــا حبيبتى


والله يكتبلكــ الخيــر وأدعيــلى الله يناولها لى ولى كل من لم يكتب لهم الحــج


حبيبتى كنوز البحرين



أنا ماعندى فكــرة لكــونى ما رحت الله يكتبها لى بس اكيد العرايس ما راح يقصــرون معاكــ حياتى


الله يحفظكــ وتروحين وتردين بالف سلامة حبيبتى


أعــذرينى أختــى موضــوعكــ راح أنقلـــه لركــن أنت تســأل عن السيــاحه ونحــن نجيب :)

لا تنسين المقص لفك الاحرام00<<<<<<<<دايم تنسى المقص:pain:

افضل شي تلبسيه جلابيات مريحة

وللعيد خذي جلابية شوي حلوة (عاد مو شك ودنيا) :bigsmile:

خذي لبس لكل يوم وكمان اندر وير لكل يوم00الحج زهد طبعا فعادي مافيه تكلف00

لامكياج لا عطور لا سشوار :no:

على فكرة منطقة المخيمات مليانة عالم تبيع كل شي 00فلا تشيلين هم شي ينقص عليك

البسي عباية واسعة ساترة هي احرامك 00

افضل تختاري جزمة (الله يكرم الجميع) تكون مريحة جدا وافضل مو شبشب

حتى ماتطيح منك في الزحام وبالنسبة لشنطة اليد مالها داعي في الزحمةعلقي

جوالك برباط خاص والفلوس حطيها في حزام او جيب جوا ملابسك لانه في الحج

يكثر النشالين00واول ما تاصلين خزّني بجوالك ارقام المسؤلين بالحملة

احتياطا 00ولا تاكلين الا من اكل الحملة وارتبطي معاهم بالطلعة000

اسالوا في حملتكم ذوي الخبرة عن الاوقات المناسبة للرمي

ولا تنطلقون مع اول الناس00 وهالسنة شكلها برد مررة خاصة ان منى منطقة مفتوحة

فخذي معاك شراب ثقيل وبجامات داخلية ثقيلة00 ايه ولا تنسين البنادول والكمامات الورق

الصراحة تمنع انتقال الامراض باذن الله 00والحملة اكيد عندهم طبيب وشنطة اسعاف

وخذي مصحف وكتيب فتاوى الحج وكتيب ادعية 00 واكثري من التلبية في الحج

واذا فيه اشياء تبين تدعين الله يحققها لك او ناس موصينك تدعين لهم, افضل

تخزّنين مذكرات بجوالك

والله يوفقك ويتقبل حجك

ياارب يسر الك أختي وييسر الي ان شاء الله ...
ابصرااحه أختي ... لفتة! ... كفت ووفت ماشاء الله ...

بالتوفيق ان شاء الله ويارب نسألك التسهيل والتيسير ....

مبرووووووووووووك الغاليه
الله ييسرلك امرك
اهم شي بعد الي ذكروه الاخوات (الكمامات الورق)
والله يوفقك ويغفرلنا ولك
ادعيلي بالذريه الصالحه
ونتشررررررررررررررررررف بكل زوار الحرم ونرحب فيهم

تقبل الله اختي وحج مبرور وسعي مغفور يارب.

ودعواتج لا خواتج بنات عروس

حبيتي اخذي معاج والاهم جيب كلوت الشلحات اللي جنها بنطلون للمشي اهم شي واخذي معاج

بمنى ومزدلفه شال يمكن يصير برد وخاصه منى تكييفها بارد واخذي معاج عبايه او اثنين احتياط

والله يتقبل منج وانشاء الله انا بعد راح اكون اهناك والله يسهل علينا والمسلمين

حجا مبرورا وسعيا مشكورا باذن الله

انا العام رحت للحج ,.. بس مو مع حملة ..

بقولج شنو تااخذين واذا حملة بتوفر كل شئ .

اهم شئ : ملابسج قطنية .
مثل شيله قطن ووثوب قطن وملابس داخليه قطن ..لان والله هناك من الزحمه تعيفين عمرج من الحر فالقطن يساعدج .. واخذي صيدليه صغيره لج : بنادول ومسكن الالام للرجوول .ومسحه طبيه ولزق جروح , ومنظف البكتيريا حق اليدين .
وشامبووو الصغير مع صابونه صغيره ..
وجواتي خفيف لج ..
واخذي عبايتين ووشيله 2 او 3
وترا الحج سهل وكل شئ ميسر ....
وبلتوووفيق

وادعي لنا بلذريه الصالحه ....

الله ييسر لك الحج

حجا مبرورا وسعيا مشكورا باذن الله

ومثل ما البنات قالوا تري كل شيء متوفر بالحملة اهم شيء انك ما تلتهين بالناس والزحمة والسوالف والتعارف والسووووووووووووووووووووق واهم شيء تاخذينه بالنسبة لي جنطة تكون معاك على طول وكبيرة اشوي تحطين فيها كم غيار تدرين الحمامات هناك اشوي لك عليها وزحمة وصعب تحصلين حمام نظيف واخذي علبة ديتول او اللي على كلينكس هم ديتول علشان تمسحين الحمام قبل لا تستخدمينة وانتي بكرامة انتي ان شاء الله لارحتي بتعرفين ليش ههههههههه واخذي لم العلبة اللي تغسلين فيها ايدينك بدون ماي ما ادري شنو اسمها بس تكون سائلة وشفافة وعصار ان شاء الله يكون شرحي واضح هذا الله يسلمك وايد زين لانه معقم وبنفس الوقت تكونين نظيفة ومن غير ما تروحين الحمام كل اشوي تغسلين ايدينك ولاتنسين السجادة الخاصة فيك وطبعا ثوب الصلاة واخذي كيس علشان تحطين فيه نعالك او الجوتي لا رحتي الحرم واخذي بعد ملابس داخلية وفيها مثل المخبات على الصدر فيها سحاب علشان تحطين فلوسك تري هناك زحمة واهم شيء تخلين فلوسك معاك وعلشان ما يضيعون او تنسين وين حطيتيهم خليهم بمخباة مخفية في صدرك بالملابس الداخلية وفيها سحاب علشان تسكرين عليهم ولبسي شورت لحد الركبة علشان ما تتزلق فخوذك وطبعا فازلين وفكس ودلاقات على فكرة تري بمني الجو عادي بس بمزدلفة عقب ما تنزلون من عرفات وبتروحون مزدلفة هناك بيصير برد صج فاخذي ملابس دافية يومها اما باقي الايام لا عادي جو مكة وايد دافي واشوي برد في المدينة
وبعد اخذي لك الكتب الدينية والادعية وطبعا اهم شيء اخذي قرآن المجزء وكل يوم اقري لك اكثر من جزء بالباص بالطيارة قبل صلاة الفجر وبعد صلاة العصر وبالليل وبمني وبعرفات وبكل مكان لا تخلين على طول اقري قرآن وختمي وانوي قبل القراءة كل مرة بالنية اللي تبينها وابتدي اقري وان شاء الله ربي ييسر لك كل امورك ويغفر لك ذنوبك


بس امانة

امانة حبيبتي ادعيلي اروح السنة الجاية ادعيلي بالحرم ولارحتي عند قبر الرسول ادعي ربي يغفر لي ويستر علي ويبعد عني وعن اختي شر خلقة ويستر علينا ويرزقنا بالازواج الصالحين ... اللهم امين

نسيت اقول لك اذا تحبين لبسي عباية كتف وخمار (تعرفين اللي يلبسونه المصريات تري وااااااااااااايد زين ومريح وحلو وساتر )علشان اذا تغسلتي بماء زمزم وتدمرت عباتك بالماء او العرق ما تتلزق عليك ويكون الخمار فوقها صدقيني وايد مريح وماشاء الله اغلب الخليجيات قاموا يسون جذي بالعمرة والحج لانه مريح ... وهم لا تنسين تدعيلي انا واختي