بنتي عمرها 9 شهور وما تبغي تاكل

هلاا حبيبتي انا ولدي كبر بنتج فديتها ووزنه 8 كيلو وانا بعد ملااحظه عليه من فتره شهيته منقطعه يعني هب شراات قبل بسم الله عليه قالولي عسب الاسناان يمكن الياهل مايشتهي الاكل.
ان شالله بنتج مافيها الا العافيه واتمنى البنات يفيدونج اكثر لاني انا بعد ابغي استفيد ويااج


تحيااتي لج
اختج ميهوده

السلام عليكم والرحمه

الله يحفظ عيالكم امين انا ولدي عمره 10 شهور الحمد الله ياكل لأني معودتنه ياكل من يوم هو عمره 4 شهور فأعتقد بالتعود
بنت اختي عمرها 9 شهور بعد نفس الشي ترضع على الصدر ما تتقبل المرضعه إن شالله يفيدونج إلي عندهم خبره

ياقلبي انا ولدي عمرة 9 شهور ووزنه 7 و200 الحمد لله على كل حال

والله انك موداريه عني مثل المجنونه في الوزن معاه ونفس الحاله ماياكل ولا يرضع

نحنا عندناولد سهري وعمرة 9شهور ونفس الحالة اول كان ماشالله ماتقدرين تشيلينة من صحة والحين مثل الريشة رغم أمة تعملة كل شي ومهتمة بصحتة بس مااااااااياكل أبد وبالعاغية يشرب الحليب يمكن هذا السن كذا عشان التسين

مرحبا

بنتي عمرها سبعة اشهر وما تاكل عدل بس الي يعجبها... حتى المرضعة ما تعودت عليها بس رضاعة طبيعية... شكلهم اكثر الاطفال ما ياكلون عدل .. الله يكون بالعون ....

معظم الاطفال جدي
اني بنتي عمرها سنة وخمسة اشهر وزنها 7.300كيلو
الحين ماترضى تاكل اي شي وحتى الحليب ماتبيه
يمكن لانها في فترة التسنين (من 10 ايام وياها اسهال) وامس توه مبين اليها رابع سن

خففي الرضاعة وزيدي الاكل

انسب حل


واذا استمرت لعمر السنه افطميها

حاولي تنوعليها في الاكل وقدميلها الصحن وخليها تاااكل بس لا تغصبيها

ماا عليهاا شر

و ترى كل الأطفاال اتجيهم فتراات ماا يحبوون و لاا يرضوون يااكلوون

و غاالباً ماا اتكوون فترة تسنين

بس انتي حااولي ويااهاا و لاا تتركينهاا

نفس مشكلة بنتي.. كانت تاكل عادي.. بكمية معقولة وترضع حليب طبيعي وصناعي.. وتدوخها المرضعة( تقند راسها!)! لكن الحين بعد ما كملت السنة ما ترغب للاكل الا بصعوبة ومو اي شي يدخل مزاجها ورافضة الرضاعة الصناعية تماما.. وكل اشوية صاحت تبي حليب من عندي حتي لما تنام كل ساعتين تقعد تبي حليب كأنها رجعت بعمر الشهور الاولى! شسوي يعني افنش واقعد ارضعها! اتمنى يفيدوني الاخوات..

مثل مشكلتي بنتي كلش وزنها ناقص

وماترضى تاكل الا الحلاوة

عمرها 2

الله يهديهم

الغالب بسبب التسنين.. وعشان الم اللثة يبون اي شي يحكون فيه ومافي جدامهم الا العضاضة أو صدر الأم.. فترة وتعدي... بس حاولي شوي شوي مع الأكل يعني جوعيها عن الحليب وبتضطر تاكل...

رو و و و عة يسلم و و و