ما قادرة اتحمل العيشه مع زوجي...اريد الطلاق

دائما الشي اللي ايي بسهوله مانهتم له ولا نفتكر فيه لان ماتعبنا عشان ناخذه

انتي جذي سويتي رحتي ساعدتيه حتى في مهرج ودفعتي وتسلفتي عشان واحد ماقدر اللي انتي سويتيه

والضرب المفروض ماتسكتين عنه لازم تخلين اي احد من العائله يكلمه ويتدخل في الموضوع لاتقولي انهم بلومونج او بقولون انج انتي اخترتيه انسي هذي الاشياء وفكري في مصلحتج فقط

عشان يعرف ان وراج اهل واللي رباج صغيرة ماراح يعجز عنج وانتي كبيرة خليه يعرف قيمتج عدل وانتي لا تتساهلين في كل شي

يعني حلوة المساعده بين الزوجه وزوجها بس مو في كل شي يعني انتي مو ملزومه تدفعين الاجار عنه خليه طنشيه شوي وجوفي اشلوون يعتدل وياج

لازم ما تتساهلين في كل شي كوني حازمه معاه في امور مثل الضرب

والسموووحه يالغاليه

bluebill:
نصيحتي لا تكبري الموضوع. حاولي تغيريه واستحملي وادعي ربك, ولا تكبري السالفه. وربك بيحلها.

وربي معك

انا من رأيي اتكلمي ابوكي
و اذا ما اتعدل او يبي يطلق هو حر
لانك اذا ما عدلتي الموضوع من الحين راح تصير حياتك لا تطااااااااااااق
و تصيري تقولي يا ريتني ما جبت اولاد ووووووو
وبصراحة انتي مو مسؤوولة تستلفي عشانه
يعني مرة ثانية اي سلفة قوليله ماااااااااا ابي اتسلف

يا اختي السبب يالي انت تعاني منه مع زوجك سببه خجل زوجك منك اكيد هو شاعر بالنقص برجلولته بسبب صرفك عالبيت والزواج من البداية لذلك انت لازم تستوعبي هل الوضع و تساعديه ليحسن وضعه المالي بنفسه ما من مالك ترى بس يتحسن وضعه المادي بيشعر انه فعلا رجل بيستحق يكون عنده بيت و زوجة و بيشعر انه اعلى منك درجة و بذلك بكف عن اثبات رجولته بهل الطريقة الخطأ.

الغـــ كله ـــلا:
اسمحولي يا بنات
شو اصبري؟!

الوحده منا تطلع من بيت ابوها مو عشان تنضب وتتبهدل
اذا الوحده ما لقت الامان والحب عند ريلها وين بتلاقي
اعوذ بالله منها من عيشه!!

الغاليه لازم تاخذين موقف صارم
لازم تقولين عند هذا الحد وبس
لانج لما تبينين لريلج انج مكسورة الجناح راح يدوس عليج خاصه اذا كان من هذا النوع
والرسول صلوات الله عليه قال بما معناه ما اهانهن (الزوجات) الا لئيم!
وقفي الصرف عليه ...ايجار البيت مو مسؤوليتج خليه هو يتحملها
وسيارتج تخيرينه يا اما يدفع جزء من اقساطها معاج بما انه هو يستعملخا ولا ما يستخدمها
كوني صارمه

وانا مع اختي ..الغلا كله

والله انا راي من راي الاخت الغلا كله

شلون تعيشين مع ريال تصرفين عليه

الله يوفقج اختي ويسر لج امورج ان شاء الله

ربي معك
اعتقد جا الوقت الي تحيي بكرامتك
وكفاك ذل
حلي مشكلتك
وقربي من ربك
بتتسهل امورك

ربي معك
اعتقد جا الوقت الي تحيي بكرامتك
وكفاك ذل
حلي مشكلتك
وقربي من ربك
بتتسهل امورك

استغربت من ردود اغلب العضوات بالصبر .. والنعم الله بس من يرضى يصير بهالحاله ينضرب ويسكت

اختي اخذي لج موقف وتكلمي وقفيه عند حده اذا هو متمسك فيج ويحبج بيعدل من روحه

اذا لا الله وياج وانتوا توكم ببدايه زواجكم 6 شهور وهلون !!! من صجج بترضين اتمين هلون طول عمرج

اتمنى ما تسكتي ابد ..

وتخبري اهلج لان هم بالنهاية اهلج ومالج غيرهم

وهمه اللي بيحمونج وبتكونين مكرمه عندهم احسن من هالحاله

الله يسهل عليج ان شاء الله

اختي من رايي انج تخبرين اهلج بس بصوره مبسطه .. علشان تعرفين ردة فعلهم قبل ما يتصرفون ... لان اذا سكتي راح يضربج طول عمرج ... ومابيخاف
او اقبظيه من ايديه اللي تعوره مثلا اذا هو يخاف انج تتركينه قوليله جسمي ما عاد يتحمل ضربني ولا نفسي ترضى ان حد يهيني
واذا انته بتستمر انا مابقدر اتحمل وهذيك الساعه بتخسر كل شي
والله يهديه .. بس لازم تتصرفين لا تسكتين ولا تتهورين بردة فعل
ودوم ادعي ان الله ينزل محبتج في قلبه ويسخره لج

حبيبتي السالفة يبيلها رجاجيل يتفاهمون معه وبعدين انتي بنت ناس مو من بنات الشوارع عشان يضربج وبعدين يوم انج ساعدتيه هذا شي حلووووووو منج والله يهدية لج

حبيبتي بعطيج دعاء قولية اذا رجعتي السلف من الفلوس اللي عليج
بارك الله لك في أهلك ومالك إنما جزاء السلف الوفاء والحمد ".

دعاء من اثقلته الديون

وَعن عليٍّ رَضِيَ اللَّه عَنْهُ ، أَنَّ مُكَاتَباً جاءهُ ، فَقَالَ إِني عجزتُ عَن كتابتي . فَأَعِنِّي . قالَ : أَلا أُعَلِّمُكَ كَلِماتٍ عَلَّمَنيهنَّ رَسُولُ اللَّهِ صَلّى اللهُ عَلَيْهِ وسَلَّم لَو كانَ عَلَيْكَ مِثْلُ جبلٍ دَيْناً أَدَّاهُ اللَّهُ عنْكَ ؟ قُلْ : « اللَّهمَّ اكْفِني بحلالِكَ عَن حَرَامِكَ ، وَاغْنِني بِفَضلِكَ عَمَّن سِوَاكَ».

أختي صدقيني لن يستطيع الاستغناء عنك ... لكن يجب أن تقفي وقفه قوية لا تشعريه أنك مكسورة الجناح وأنك ضعيفة وأنك ستقبلي بهذا الوضع ...



إن هم بضربك مرة ثانية قفي وبكل شجاعة قولي له : مد أيدك عليّ ولن تراني في تلك اللحظة في البيت ... وإن مدها خذي نفسك وأطلعي روحي على بيت أهلك ... ولا يحايلك تتحايلي .. جاء الوقت الذي تستردين فيه كرامتك وتعوضين بعض خسارتك ... إن سألوك فلا تدخلي أحد قولي لهم إنك ستحاولين حل الموضوع بنفسك وإن احتجت مساعدة فلن تلجأي إلا لهم ..


ولما يحاول يعتذر ويوعدك قولي له أول إثبات لحسن النية تعطيني المبلغ اللي أنت شايله كله أسد دين صديقتي والباقي لي ...


الشيء الثاني: تقولي له : إيجار البيت مسئوليتك ما لي خص فيه ...

الشيء الثالث : خليه يكتب لك عدد من الشيكات على نفسه وكل فترة يسدد واحد وتعطيه شيكه ..



بتلك الطريقة سيشعر أنك قوية وأنك قادرة على فعل الكثير وأن عطاءك السابق كان برضاك وأنك ما عدت متقبلة ذلك الآن لأنك لم تشعرني بالأمان من جانب .. ولأنك قادر على الصرف ...


وقولي له: نعم سأصرف على ملابسي وعلى نفسي من مال عملي على الرغم أنه من واجباتك ...


أنا ذكرت كل ذلك لأنه ما سيجعله يتحكم في غضبه ودمه الحار سيصبح بااااااااااااااااااااااااااارد وسيعتاد ذلك بعد فترة .. لأنه يتصرف من منطلق كسر نفسك ولأنه يظن أنك سترهبينه بتلك الطريقة وستستمري في الصرف وتنفيذ ما يأمرك به دون اعتراض ..


شيء آخر قولي له: ما في أطفال حتى أشعر أنني بدأت أثق فيك وأطمئن على نفسي معك ...



وطمنينا أختي عليك ...

ممكن توصفيلي كيف اتعرفتوا على بعض وكيف كانت علاقتكم قبل الزواج لانو اللي فهمتو من كلامك
انك اتزوجتيه عن حب ..انا اسألك عشان انا عمري 18 ومخطوبة وبارسم احلام سعيدة لحياتي لكن
لما قرأت مشكلتك سرت خايفة من اني اتزوج لانو الرجال ماعندهم احساس والمرأة اللي تتحمل دايما
والللي تخبي ارجو انك تجاوبيني كيف كان يعاملك وليش اتغير معاكي ؟؟

الفلوس مساله حساسه بين الزوجين ..

اختي انصحك بالاتي ..

الدعااااااااااااااااااااااااء ثم الدعااااااااااااااااااااااء في اوقات اجابة الدعاء
انتبهي لا تخبري اهلك ابداااااااااااا لانه راح تتغير نظرتهم لزوجك للاسوا ..حتى اذا تحسنت علاقتك فيه مارااااااح ينسووووووووو ابدا وهو كمان راح تكبري في عينه ويستحي منك وان شاء الله يتعدل سلوكه..

حاولي دائما تمتصي غضبه بطريقتك ..وحلو مشاكل الفلوس من جذورها عشان ترتاحي ويرتاح

الله يهديه ويوفقك ..شيلي من بالك الطلاق لانه ابغض الحلال وتخيلي يهتز له عرش الرحمان .
كمان انصحك انك تاجلي الانجااااب لحد مايتحسن الوضع ..عشان مايتشتتوا الاولاد
عليك بالاستغفار 1000 مره باليوم لان الاستغفار 1000 مره باليوم يحقق الامنيات ..200 بعد كل صلاة ......

لا حول ولا قوة الا بالله ....

الضرب شي مو هين ولا ابشي سهل حتى الواحد يسكت عنه

لانه اولا يقلل من قيمة الشخص ثانيا .... الي يمد ايده مره يمدها الف مره


شوفي حبيبتي .... سكووتج مامنه فايده .. و ممن حقج تدافعين عن كرامتج .... عندج حل من الحلين


يا انج تدخلينن احد له تاثير عليه من العايلة يفهمه انج بنت ناس و عيب الي يسويه و انج انسانة لج كرامة و مشاعر و يغير من تعامله معاج ..لانه عقب بيكون عندكم عيال مو معقوولة تبين عيالج يشوفون الضرب .. جي هم بيتعقدوون


يا انج انتي تكلميينه مره و مرتين و فهميه انج تبيين حياة هادية معاه علشان تستمرون و انج مستعده تسامحين بس لو يتغير


اذا ماتغيير في كلا الحالتين خلاص حبيبتي ولو انه ابغض ماعند الله الطلاق .. بس الزواج حياة هادية و استقرار و اسرة و عايله اذا اهو من الحين يضرب و مو قاعد يقدر مشاعرج .. و مو متحمل مسؤولية شي .. الله بيعوضج خيير .... تطلقتي لانه لو شنو الي ما يحترمج و يهين كرامتج قدامج و مايحس فييج ماظن انتي بعد مستعده تتحملين


بس استخيري قبل كل شي و شوفي حبيبتي .. و اتمنى الامور ماتوصل لدرجه الطلاق و تتفاهمين وياه و يتغير

اختي قبل لا تفكرين بالاطلاق حاولي وياه هدي نفسج كلميه انسي الي سوالج وتكلمي معاه بلطف حسسيه انج تحبينه وانج ماتقدرين تعيشين من غيرة وان الضرب راح يفرقكم اذكري ربج ادعي لزوجك بالهداية اقري سورة البقرة خبري انسان زوجك يحبه ويسمعله خلي اخر تفكرج هو الطلاق اذا ماقدرتي تسوين شي

زالله يوفقج ويهدي زوجج يارب

ما بدك أياه مادام صار أكثر من مره
الزوجه مو حيوانه مع أحترامي للجميع عشان الزوج يعمل معها هيك أذا ما كان فيه سبب قاطع

السلام عليكم ورحمة الله وبركاته
رغم ان الموضوع قديم ولااعرف ان كانت المشكلة حلت ام لا
لكن اساس المشكلة انك يااختي المرأة والرجل في البيت
حتى للعرس انتي استدانيتي فلوس لأجل ان تساعديه والمفروض هو يعمل المستحيل ويستدين فلوس للعرس
وهو يشعر ان لاقيمة له
فلايوجد دور يؤديه بالبيت
فغضبه من سيطرتك على كل شيء يحوله الى ضرب
هو عرف اكثر شيء يحطمك واستنتج من اول ضربة انه الضرب
لأنه يشعر داخله انك حطمتيه
بالوقت الذي تنتظرين منه الشكر
لذا لاتعطي شيئا من فلوسك وقولي اخي تسلف كل مااملك من فلوس
وعيشي معه على قدر امكانياته
وشجعيه على العمل
المهم ارجعي له مكانته الحقيقية(المنفق على البيت)
وسترين بأذن الله تحسن في تعامله سيبهرك
سلامي