اختي وزوجي الحل؟؟؟؟؟؟؟؟؟؟؟؟؟

الله يهديها ..

ام اختج تعاند وبصراحة انا لو منج اطقها طق اخليها تتأدب. او قولي حق ابوج او احد من اخوانج الكبار يأدبونها لأنها محترة منج وتسوي جذي علشان اتحرج ديري بالج منها

السلام عليكم ورحمة الله وبركاته..

الغاليه بيني وبينج هذا بيت ابوكم وامكم فهي لها الحق تطلع بدون شيله في البيت ام غرفتج ف لا.. فنبهيها لهاشي..

قصتج نفس قصتي انا تامه ابيت اهلي لان زوجي يدام بمنطقة العين ويمر الويك آند يشيلني مع اليهال.. بس الحمدلله خواتي لما اقولهم زوجي بيدخل على طول كل وحده ادور اقرب غرفه تنخش فيه وتختفي عن النظر.. والحمدلله زوجي ملتزم يعني لسانه يخوف ههههههههههههههه..

وان تمادت خبري اخوانج اذا عندج اخوان اكبر عنج وخلهم يستلمونها..

بس وقفيها عن حدها لان هذي تصرف المراهقات والبنات يسون جيه للفت الانتباه ايضا..

وشكرا..

صح كلام ام سعيدة يمكن ما بتخاف منك ولا من كلام امك بس خلي ابوك او واحد من اخوانك يعطيها كلمتين في العظم وهي بتتأدب
شكلها تبي تلفت الانتباه

الله يهديها

حبيبتي اختج موصغيرة واعتقد انها تعرف ان ها الشي غلط بس تعاند وفي واااايد بنات على بالهم الحجاب بيخرب من شكلهم

انتي خبري حد اختج تخاف منه

وان شاءالله كل مشكله ولها حل

الله يهديها ويصلحها

حبيبتي

انا معهم انك تقولي لاخوانك او والدك

بس هي ما تحب حد يامرها عشان كذا تعاند انصحيها بهد\وء وكلميها بهدوء وصدقيني احتمال تبي الكلمة توصلها بهدووء

او خبريها انك مالك غير ابوك او اخوانك تخبريهم عنها


بالتوفيق

لازم فيه أحد يردعها أب أو أخو كبير,,,,

والله يهديها,,,,

حاولي تكسبينها ...وخلي ريلج يغض النظر مهما كان هذا بيتها وهي تبي تاخذ راحتها وهو ريال غريب لازم تكون حركته فالبيت محسوبه ...أنا ما أدافع عنها بس هذا الصثدق ...

وأعيلها بالهدايه.

اختي لازم تعرفي انه زوجك محرم على اختك طول ما انت على ذمته هذا اولا لانه الجمع بين اختين حرام يعني موضوع التحجب عنه مثل التحجب عن اخوها الكبير !!

وزوجك وانت ما في داعي تخلوا الموضوع كبير لانه كبرها بتكبر وصغرها بتصغر
واختك الظاهر انها صغيرة ومراهقة وما تحس انها غلطانة خاصة انها في بيتها وتعاند بالعمد

خلي والدك يتكلم معاها وان شاء الله بترجعوا بيتكم باقرب وقت

ياعزيزتي اذا كانت اختك بالغة فهذا يعني انه مايجوز تكشف وجها عنده او عند غيرة اما اذا كانت ضغيرة عاد هذا شئ ثاني

وزوجك لايطلع من الغرفة الا اذا عطاك خبر لأن البنات بعد معذورين بيتهم ولازم ياخذون راحتهم فيه

الله يصلح الجميع

العروس سوسو:
اختي لازم تعرفي انه زوجك محرم على اختك طول ما انت على ذمته هذا اولا لانه الجمع بين اختين حرام يعني موضوع التحجب عنه مثل التحجب عن اخوها الكبير !!

منطق غريب

من متى زوج الاخت يكون محرم .. ولا عمرنا سمعنا بالشي هذا

هي اصلا مفروض ما تطلع بنفس المكان اللي هو فيه و لا تقعد معاه .. فكيف ما تتحجب عنه و تعتبره مثل اخوها ؟؟

الحياة صعبة يووم زوج الاخت يعيش في بيت اهل الزوجه
خاصة بوجود الاخوات

السلام عليكم

أول شيء يا أختي إنصحي أختك بهدوء وبمحبة ..يعني شوي شوي عليها لأن مثل ما قالوا الأخوات هذا بيتها ..ومافي داعي تكبرين السالفة ..لأنها بتزيد خلاص طنشيها وقوليلها الله يهديك ..يقلك كثرة النصيحة مو زين ..إنصحيها مرة واحدة وبهدوء ومحبة ....وقوليلها في النهاية على راحتج لكن إعرفي إنه هذا شيء حرام وترتكبين ذنب .....وثاني شيء مافي داعي لزوجك يتمشى في البيت ..في النهاية هذا مب بيته ..ومافي داعي يتمشى على راحته لازم يحمحم قبل ما يسير أي مكان ويغظ نظره
ونصيحتي لا تكبرين السالفة واايد ولا توصلينها لأخوانج أو أبوج ....يمكن يتعاملون معاها معاملة مب زينة ...بعدين تجي تاخذ في خاطرها منج ...هي كم عمرها؟؟؟

وعلى سالفة الأخت ليلكم شمس ..هو صح لا يجوز الجمع بين الأختين ...ومحرم على الرجال يتجوز أخت زوجته طول ما هي على ذمته ...بس مو يعني إن الأخت ما تلبس حجاب جدام زوج أختها وتاخذ راحتها معاااه لا ....مهما يكون يعتبر رجل أجنبي عنها ..وما تاخذ راحتها معاه

والله يهدينا ويهدي أختج يارب:clap:

عمرها الله يخليج 20 سنة مب صغيرة وزجي ما يطلع من الغرفة أبدا إلى إذا عطاني خبر

اختي وزوجك لحد متى بيظل عند اهلك
اقول انتبهي حتى على زوجك الشيطان مامات
وحاولي انك ماتجيبين طاري اختك يم زوجك عشان مايحطها في باله ولا يقول في خاطره انها (اختك ) تتعمد لأنها تحبني
تدرين هالرياييل مايصدقون من على الله اذا عرفو ان في وحده تحبهم ,,,,, يتشققون :mad2:
انا ما اقول اختك تحب زوجك ولكن سوء الفهم يخلق الشي اللي مو موجود

العروس سوسو:
اختي لازم تعرفي انه زوجك محرم على اختك طول ما انت على ذمته هذا اولا لانه الجمع بين اختين حرام يعني موضوع التحجب عنه مثل التحجب عن اخوها الكبير !!

وزوجك وانت ما في داعي تخلوا الموضوع كبير لانه كبرها بتكبر وصغرها بتصغر
واختك الظاهر انها صغيرة ومراهقة وما تحس انها غلطانة خاصة انها في بيتها وتعاند بالعمد

خلي والدك يتكلم معاها وان شاء الله بترجعوا بيتكم باقرب وقت

مين قال ..؟؟

لا يا اخت سوسو هذي احكام شرعية..يعني مو تقولين مالا تعلمين وعلى فكرة المحرم هو اللي يكون محرم عليها طول العمر حتى لو حصلت وفاة للاخت او طلاقها لا سمح الله..

مثل زوج البنت (محرم.).لأنه حتى لو ماتت او تطلقت البنت.. راح يبقى محرم لأم زوجته ..ولا يمكنها ان تتزوجه..

وابن الزوج (محرم) لأنه حتى لو مات الزوج او طلق زوجته.. ابنه راح يبقى محرم لزوجة ابيه ولا يمكنها ان تتزوجه..

اما زوج الاخت( ليس محرمـــــــــــــــــــــاً)..لأنه بموت الاخت او طلاقها يمكن لأختها ان تتزوج زوج اختها او طليقها..

وعلى فكرة حتى على السفر لا يعتبر زوج الاخت من المحارم لأخت زوجته حتى مع وجود الاخت معهما..يعني لازم يكون معها اخ بالغ او زوج او أب محرما لها..

وبعدين قال صلى الله عليه وسلم: (الحمو الموت)..وهو اخ الزوج..

فمابالك باخت الزوجة..

الله يستر علينا وعلى المسلمات..

وبالنسبة لصاحبة الاخت الاساسية..حاولي انك ما تتصادمين مع اختك وكلمي رجال كبير اخ او اب يكلمها كأنه هو شافها..ما كأنك انتي قلتي له..او كأن امك اللي قالت له..لأنه اي تصادم بينك وبينها راح يبقى طول العمر بينكم..
وبالنسبة لزوجك حسسيه انك فخورة فيه وفي ردة فعله وحسسيه بالثقة..وقولي له انه كبر بعينك وانك مبسوطة انك خذتي رجال عاقل ومتزن وفيه شهامة وحميه..علشان يشعر بعظم المسؤولية ويتمسك بالمبادئ هذي مهما صار..
لـــــــــــــــــــــــــــــــــكن..

احذري انك تتطمنين وتنامين على اذانك..

انتبهي رغم موقف زوجك من اختك الا ان كثر الدق يفك اللحام ..

انتبهي ليجي يوم وتأثر بزوجك وتجيب راسه مع حركاتها ..حتى لو كانت الحركات هذي اللي تسويها اختك بدوون قصد او من باب المراهقة..

وحاولي انك ما تتركين مجال لتصادمهم(زوجك وختك)..

وصدقيني دامك على حق ربي راح يوفقك..

اختكم:
نـــــــــــــــــــــــــــــــــــــــــارا..

اختكم:
نـــــــــــــــــــــــارا...

احرجيها في وجود حد من اخوانج او ابوج

قوليلها فلانه لحفي شعرج ريلي ياي

و اكيد حد من اخوانج بياخذ موقف و بيكلمها
و لو ما فاد مره ثانيه
قوليلها جدامهم كم مره و انا اقولج لحفي شعرج هذا محرم عليج شو ما تفهمين

بيحسون انه الموقف فيه شي و بيتصرفون وياها

السلام عليكم
أختي أنصحيها بالاول و اذا عندج اخ كبير يجولها
والله يهديها