شنطة المستشفى!!!!!!!!

ان شاء الله البنات يساعدونك لاني

ما حملت ولا ولدت

يعني ما عندي خلفيه

وتولدين بالسلامه حبيبتي

انت مغتربه؟؟

الله يسهل عليك ولادتك ياااارب
بالنسبة للاشياء تكون على حسب المستشفى!! في مستشفيات يوفرون كل شي للبيبي وما تجيبين الا اشيائك انت.
اهم شي لاتنسين تجيبين لك ملابس داخلية لانها تتوصخ باستمرار بعد الولادة.. وشي تاكلينه وقت الولادة بتحتاجين طاقه عشان مجهود الولادة
وشرابات عشان تدفين رجولك وبطانية للبيبي الله يطلعه بالسلامه ويفرحكم بشوفته آمييين
و بجامه مريحة للنوم ولبس استقبال واشياء الحمام وكريم للجسم ومرطب للشفايف عشان ما تتشقق لانها عادة تكون جافة وقت الولادة امممممممممممممم هذا الي اتذكره الحين ان شالله البنات مايقصرون معك..

مرحبا أختي
تفضلي هذه الليسته


اولا تجهيزات البيبي
- سرير لنوم الطفل خلال الاشهر الاولى وغالبا مايكون على شكل سلة مثل اللي في بيبي شوب ويفضل مغطى
- سريــــــر خشبي لغرفــــــه نوم البيبي ويكون كبير نوعا ما يعنى يكفيه لغايه سنتين اوثلاث
- دولاب لملابس الطفل وتلقونها بعد في بيبي شوب وبعضها يكون اعلاها حوض لاستحمام البيبي وانا خذته عملي وايد
- طاولة صغيرة توضع جنب سريرك علشان مراضيع البيبي والاغراض المهمه
- المقص والمشط
- اكياس من القطن
- والكريم الخاص بما قبل تلبيسه الحفاظات
- ممكن بدال الطاولة سلة نحط فيها الحاجيات اللي ذكرتها
- شراشف قطنيه لتغطية الطفل )احنا نسميها المهادات ويفضل تكون ناعمة )
- لحاف او بطانيه
- جهاز مراقبة الطفل
-ملحف ومفرش لحمل الطفل وهذي بعد تلقونها في بيبي شوب اوmother care

اما بالنسبه للملابس فيفضل اخذها قطنيه ولاتكثرون لان البيبي يكبر بسرعة

- قبعات قطنيه وقفازات لليدين وجوارب واحذيه لينه
- ملابس النوم ( ذات اقدام مفتوحه ومغلقه( على حسب الفصل اللي بتولدين فيه
- فنايل بدون اكمام وباكمام قصيره وباكمام طويله (اللي تنلبس تحت الثياب) ويفضل اللي فيها طقطق عشان تمسك الحفاظ
- بيجامات
- صدريات الطعام (علشان لما يرجع البيبي اكرمكم الله ,ماتتوسخ ملابسه)
- حفاضات البيبي
- مناديل تنظيف او فوط صغيرة
- مصاصات عشان لما يصيح البيبي يمصها وينام

وكذلك هناك اغراض ومعدات الرضاعه وهي
- علبة حليب بودرة
- زجاجات الحليب والحلمات( ويفضل ماركة بيجون وتلقونها عند بيبي شوب) والحلمات اللي مقاسها متوسط احسن من الصغيرة والكبيرة
- غلاية للماي اللي بالكهربا
- وجهاز التعقيم
- فراشي لتنظيف زجاجات الحليب

وايضا اغراض الاستحمام وهي

- مستحضرات الطفل من شامبو ولوشن وبودرة واسفنجة الاستحمام اعواد قطنية لتنظيف الاذن وكريم لما قبل تلبيسه الحفاضات وغيره
- وكذلك حوض الاستحمام
- والفوط بس تكون ناعمة وممكن روب
- جهاز لقياس حرارة الماء

ولاتنسوووووووون

- صابون خاص لغسل ملابس البيبي

اما بالنسبة للاغراض اللي بتحتاجينها عزيزتي الام فهي:
- شنطه المستشفى وتضم:
قميص نوم مريح جداا ويكون ثقيل نوعا ما وله فتحه للرضاعه
- قميصان او واحد للمستشفى للاستقبال
- الفوط الصحية
- حمالات صدر مريحه وللرضاعه
- شبشب وانتو بكرامة للتنقل فى الغرفه
- مشط للشعر وشي تلمين به شعرك
- عطر خفيف جدا ويفضل دهن عود عشان لما يسلمون عليج الزوار
- حفاظات للبيبي ومفرش ومهاد وملابس لمدة الايام اللي بتكونين في المستشفى
- منشفه وادوات للاستحمام و فرشاه ومعجون واستشوار اذا حبيتي

اما اغراض البيت خلال النفاس:

- قمصان نوم راقية للي بيزورونج في البيت واحنا نسميها جلابيات وهذي تكون ناعمة وتنفتح ازرتها للرضاعة وفيها دانتيلات راقية او شلش وذي احنا نسميه القمصان اللندنية
- البنطلونات الداخليه القطن
- ادويتك اذا كنتي تاخذين حبوب الرضاعة
- حمالات صدر مريحه للرضاعة
- المناديل القطنية اللي توضع على الصدر واتمنى عرفتو قصدي
- مناشف او فوط بالوان تضعينها على كتفك بعد ارضاع البيبي ومساعدته على التجشؤ
- مفـــــــرش لسريـــــــــرك يكون فخم وانيـــــــــق ومريح للاستقبال
- ضعى عدد من الكتب المفيده تتسلين بها اوقات الفراغ
- شنطه لاغراض البيبي

جهزى صوانى للشوكولا
وللسندويشات للبيت والمستشفى واي انواع اكل للتقديم
والتوزيعات اللي بتقدمينها للضيوف
ودلال الشاي والقهوة للمستشفى مع الفناجين

وفي اشيا اساسية ننساها مثل
- مسجل صغير واشرطة قرآن نحطه عند سرير البيبي ونشغله خلال ارضاعه ونومه
- مصحف يكون على الطاولة اللي عندك
- زبالة وانتو بكرامة خاصة للحفاضات وتتميز بانها ماتطلع ريحة مزعجة

عسى أفدتج بالمعلومات يا حلوه
وربي يسهل عليج
انا بعد فالتاسع وانتظر الولاده لما ربي يريدلي

مشكوريــــــــــــــــــــــن كلكم وخاصة" أم عيوش
تعبتك يالغالية........
عموما" الله يسهل عليك وعلي وعلى الجميع.............

فديتج العفو الغاليه
وعسى ربي يهون علينا ويسهل ولادتنا جميعااا
ولا تنسي ذكري الله دايما وربي سامع للدعاء

شكرا على المعلومات يا ام علوش وايد استفت