قصة ولادتي تصيح وتضحك

السلام عليكم


قبل كل شي حبيت اشكركل الي باركولي عل ولاده والله يسهل على كل حوامل المنتدى

قبل اسبوعين من ولادتي كان عندي موعدتلفزيون شافتني الدكتوره اله تقول البيبي وايدكبير

ولازم انشوف السكرعندج لازم تترقدين بكره وفي لج كل اسبوع تخطيط وموعدوتلفزيون بعداسبوعين

وفي اليوم الثاني رحت عشان اترقداله مافي سرير وتميت على هل حال لين يوم موعدالتخطيط

سويت التخطيط طلع زين قالو لي الممرضات مافي داعي ترقيد تخطيطج زين

المهم يا موعدالتخطيط الثاني والتلفزيون سوو التخطيط اله التخطيط كلش مب زين والتمو علي الممرضات وانه فيني الصيحه ومنقهره عليهم لان اهمه الي قالولي لاتترقدين

المهم دخلوني للدكتوره سوت لي تلفزيون اله تقول البيبي وايد كبر خلاص انرقدج المهم قالت لي خل افحصج من تحت يمكن فيج ولاده لان كان ينزل علي ماي شوي

جيكتني اله تقول منفتحه 2 سانتي خلاص بتولدين وانه متدودهه مادري شلسالفه اقول في خاطري ولاده ماحس بالم الاااي ماتوقعت جذي وفي نفس الوقت في احساس بلخوف

دخلوني غرفة الولاده وانه بكامل كشختي اله الممرضه طايفه وفي يدهه مقصات كلهم دم جان اختكم تشردمن الباب الثاني واقول لريلي ياالله قوم يقول شلسالفه اقول له خلاص مابيولدوني

انت تعال خل نروح طلع المسكين وياي اله الممرضات لاحقينه بثياب العمليات تعالي ماما مايسير

وانه اقول لزوجي ماعليك منهم بعدين سحبني ورددخلني عرف السالفه اني خايفه وقعديهديني وانه ميته من لصياح

المهم شافتني الدكتوره جذي قالت تقدرين تروحين البيت بس بشرط تردين اربع العصر لان مافيج الم

رجعت البيت وانه مادري مب مستوعبه الي صار ابي اصيح ابي اضحك رجعت لهم اربع العصر

رقدوني في الجناح وماشوف اله ممرضه ماخذه دم وممرضه مجيكه ضغط لاعت جبدي قعدت على هل حال لعشر اله زوجي قال لهم هي اشصاير تقولون المره بتولد وانتو بس دم وضغط اله الممرضه تقول لاااا مافي ولاده بس تجييك سكر شنووووووووووووو

زوج قالهم السالفه اتصلو للدكتوره اله مشغوله يات لي دكتوره ثانيه شافتني اله تقول ماندري انج ولاده ومانقدرنسوي شي الحين بس بنحط التخطيط وانه تمللت لاعت جبدي قلت ياريت ماييت شكلي مابولد

المهم زوجي رجع البيت وتميت هناك طول الليل وانه يارايحه الحمام ياراده وايد وايد صار عندي تبول عل ساعه سبع الصبح قعدت عشان اروح الحمام اله اشوف نفسي مب قادره اسيطرعلى نفسي وفكرت اني سويتهه في روحي وتفشلت اله اشوف الماي جنه شلال ومب راضي يوقف

جان ايودالجرس ولاهديته الممرضه دخلت وانه اطق الجرس ههههههههههههههههههه
وابتدى المشوار شافتني الدكتوره تقول 2سانتي ونص ولاده الحين بييج الطلق وانه اتنافض

يه زوجي وقلت له وقام يتنافض وياي بعد نص ساعه ياني الالم وااااااااه من الالم دخلوني غرفة الولاده وتميت ساعه وشوي وانه اصرخ من دبوس راسي الم فضيييييييييييييع

الدكتوره قالت مافي فايده ثلاثه سانتي وهلون لازم ابرة الضهر خلاص ماتقدر وقعدنه ننتضر الدكتور عشان ابرة الضهر يمكن ساعه وطول ماانه انتضر كانو يعطوني استنشق مخدر عااااااد

تعالو شوفو المخدر اشسوه فيني يقول لي ريلي سكرتي قمتي تهلوسين حتى شفتي على قميصي مكتوب حجي تقولين لي قميصك وصخ فصخه خل اغسله هههههههههههههههههه

وقمت اقول له الدكتورتاخر سو له رنه هههههههههههههههههههههههههههه

المهم وصل الدكتور وانه متخدره شافني انه خب كنت في غيبوبه اسمع بس ماارد يقول الدكتورمااقدراسوي شي هاذي خلاص ميته قامو يصفقوني ردي ردي بعدين رديت وضربني الابره اول ربع ساعه ارتحت بعدهه رجع الالم ورجع لصراااخ اففففففففففففف

وخلوني سكتو عني وانه طايحه طيح في المخدر لين وصلت عشره سانتي وقالو خلاص ولاده طردو زوجي

اهني انه ارتحت وقمت اعصر ربع ساعه وبعدهه طلع ولدي بس مسكين ماصاح لان تخدرمن المخدرالي استنشقته والحبل السري كان ملتف على رقبته بس الحمدالله طلع بلسلامه

ادري طولت عليكم بس لان بطلع حرتي الي كاتمتهه
مع العلم وايد اشيه اختصرتهه ههههههههههههه

الله يسهل على كل حامل يارب والله يرزق كل عروس