قصة ولادتي... بسنفورتي الغالية :) :)

بسم الله الرحمن الرحيم...


مشكورات خواتي وحبيبات قلبي على التهنئة بولاتي.. ما تتصورون شكثر فرحاااااااانة ومتشققة وانا اقرأ ردودكم... والحين قصة الولادة المرتقبة مثل ما طلبتون ووعدتكم :shy:



قبل ولادتي بخمسة ايام .. كنت رايحة الطوارئ بس جذي.. اتحجج .. اقول بحلل يمكن فيني التهاب .. عشان يمديني اعالجه خصوصا وانا بالشهر التاسع..
وبس حطوا علي جهاز التخطيط واخذ له كم دقيقة الا واشوف وجه الممرضة منقلب.. :qaq: شصاير شفيه البيبي؟ مافي كلام .. وراحت ركييييض على رئيستهم مسؤلة الممرضات اللي جاتني وعادت التخطيط من جديد ووقفت على راسي... ونفس الشيء.. التخطيط يظهر ان النبض مب منتظم بالمرة... شوي ينقز الى 190 ومرة وحدة ينزل الى 80 !!!

انا تخرعت خصوصا كل ما اكلمهم ما يردون علي ويتصيمخون.. وقعدت ابجي... اتصلت في زوجي كان واقف برا بالانتظار وخبرته... قلت له يدش يحاول فيهم يمكن يقوولون له.. قال اوكي وما شفت اتصال منه...: :(
المهم الممرضات اشتغلوا علي.. حطولي مغذي.. بدل الواحد 3 ... وحطولي كمام اكسجين... وعادوا التخطيط كم مرة.. والحمدلله في المرة الرابعة صار النبض مقبول.. ما فيه ذيك التغييرات الفجائية..
المهم الدكتورة بعدين دشت علي.. وقالت لازم الحين يومياً تشيكين على النبض... واذا رد صار مرة ثانية مب مضبوط ... جهزي حالج عشان نولدج طلق صناعي .. خلاص الاسبوع الياي راح تصيرين 38 اسبوع.. وعادي نولدج...

عاد رديت البيت ومادي شفيني... ما عندي احساس... مع ااني كنت اولد وارتاح من الثقل ... بس سالفة التخطيط هذي خلتني ما بي اولد... انذبحت من المحاتاة.. مو كفاية الم الولادة الا على اخر اسبوع حصلت لي سالفة يديدة !!!!!!

المهم رحت يوم ويوم ثاني... وكان اوكي
اليوم الثالث صار نص نص... حطولي مغذي.. وصار زين.. بس الدكتورة قالت انتبهي.. بعد بكرة وخلاص اذا مو زين راح اولدج...
المشكلة اني ما تنظفت ولا سويت حلاوة.. مادري ليش صادني بروووووود احساس ذاك اليومين !
وعمتي تتحلطم ع الدكاترة .. ما عليج منهم لا تخلينهم يولدونج... باقيلج اكثر من اسبوعين ع موعدج.....

اليوم الرابع ... اليوم الفصل...

حططولي التخطيط.. مدته نصف ساعة...
بس ربع ساعة وسكرت الطبيبة الجهاز؟؟؟

قالت يالله على غرفة الولادة !!!!
التخطيط للاسف انتكس واااااايد :sad:

انا ذيك الحزة كأن احد صافعني على ويهي... توني مستوعبة شصاير...
قلت لها هاااااا؟ بروح البيت اتجهز !
قالت اذا بتطلعين... وقعي ! ما نتحمل مسؤلية !
وقعت وطلعت .. رحت مستشفى ثاني.. عقب ما رجعت البيت وعملت تنظيف ع السررررريع وجهزت شنطتي ووصيت على ولدي...

المستشفى الثاني.. حطولي الجهاز .. وكان فيه دكاترة 2
تهاوشوا في بعضهم... وحدة تقول خلاص نولدها... التخطيط خطير...
والثانية تقول لا حرام.. باقي وايد على موعدها والبيبي صغير ... والتخطيط يمشي الحال...

وانا مبققة عيوني ما عارفة امشي مع منو واخلي منو...

خلوني ذيك الليلة تحت المراقبة.. وربطوني بحبال التخطيط.. انكسر ظهري... :sad:
وبالصبح يات الاستشارية.. سئلتني وهي تضحك.. ها شتبين؟ تولدين ولا مطولة؟؟
قلت وانا ميتة قهر .. والله على الحبسة والبهدلة ما اطلع الا وااااااااااااالدة :angry:

جيكت على بطني.. الا تقول small baby
وكتبت لي على طلق صناعي...

وانا تضجرت.. بمواعيدي ولا مرة قالوا لي البيبي صغير! بالعكس بطني صاير حجمه اضعاف مضاعفة يوم كنت حامل بحسونوه...

المهم ركبوني فوق غرفة الولادة على الساعة 7 الصيح وبدل

وني وكل شيء... جيكت علي الدكتورة ويالمفاجأة... طلعت منفتحة 2-3 سم !! بدون شيء.. وسعت لي.. وفتحت كيس الماي..

يت الممرضة عشان تعطيني الطلق... الا انا بالحمام.. مشت...

يت مرة ثانية ... الا انا راقدة... كسرت خاطرها خصوصا وانا راقدة من قبل يوم ومربطة بالحبال مال التخطيط فخلتني ,

قعدت من رقادي الا المغرب... :qaq: وينه الطلق اللي بيعطوني اياه...
الممرضة نستني !!!!!!!


ما اقدر اقوم من جهاز التخطيط.. وعفست عليهم المكان... اضرب الجرس واصارخ واللي بيدي رميته على الباب... هههههههه يتني هستيريا والله ...

يت الممرضة تقول ها شفيج؟ ياج طلق؟
قلت لها اي طلق وانتي ما عطيتيني شيء؟!!!!!!!
ما شفت الا ركضة صارت عندهم.. وبربرة بالهندي ..اتاريهم طلعوا كل وحدة ترمي المسؤلية ع الثانية..

لو صار بالبيبي شيء.. والله كنت رفعت عليهم قضية..

المهم بعد كل هالمعاناة والمحاتاة.. حطولي الطلق الساعة 10الليل... بالمغذي على اساس ان الرحم مفتوح وايد

طبعاً ومن واقع خبرة مع الطلق الصناعي بولادتي الاولية.. عرفت انه راح ييني متتابع وعلى بعض.. وبسرعة يطلع البيبي...
بس بحسون .. نص ساعة وخلاص..
بنوتتي بدا الالم معاي عشر وعشر..
قلت في قلبي.. حدها الى 12 اذا ما طلعت.. بنوتي اكيد مب صاحية.. :gum: (n)
وكانت فيه وحدة معاي تطلق بعد.. عرفت بعدين انها بكر وعطوها الطلق بنفس الوقت.. صناعي بعد...

كانت مزلزلة المستشفى من الصراخ.. وانا اتألم بس ما سكة عمري .. ووقت الطلقة اخذ نفس عميييييييق واوّن بس بدون ما اصارخ .. قلت بنفسي... بيه عيل اكيد توني 4 سم وهالبنية وصلت 7 او 8 سم...

شبسوي لين وصلت قدها... :(
شوي ويتني طلقة حارة... والممرضة كانت تتابع الجهاز ,, ,جيكت علي.. الا تقول يالله يالله جمانة وصلتي 7 !!!!
كانت الساعة 11 ونص.. :)
راحت تتجهز .. تلبس المريلة وتفتح في هالاكياس ومدري شنو...




سبحاااااااااان الله... نفس ولادتي بحسووون بالضبط...
حسين على الاقل صرخت 3 صرخات...

زينب ما احتجت غير صرختين... وطلعت !!!!!

كانت الممرضة ملحفتني.. وكل ما تشوفني ما اصارخ تقول باقليها وقت...
لما حسيت الراس بيطلع خذيت اللحاف ورميته... سستر البيبي بيطلللللللللللللللااااااااااااااع :confused:
لما طالعت تحت الا الشعر طالع... !
صرخت على الممرضات وضربت جرس الانذار,,, ويوني يتراكضون...
كالعادة محد لبس مراييل.. ولا شالوا لي نصف السرير.. ولا سووا شيء... مثل ولادتي بحسين .. !
عيالي الظاهر كلهم جذي .. حار بحار !

بس الدكتورة طالعت وقالت... ما يحتاي نشق لج... البيبي صغير... احسن خل يستوي الشق بروحه...

انا ذيك الحزة ما عندي غير الموافقة... لأن صرخت وطلعت الى الدنيا احلىىىىى زينب :shy:

عاد كم تتخيلون وزنها ؟!!!! اكيد تقولون كيلوين او كيلوين وشوي....

بنوتي طلع وزنها 3 كيلو و10 غرامات... وطولها 50 سم !!!
شلون سمول بيبي للحين ماني عارفة...

اهم شيء .. انها طلعت صاحية وسالمة.. والمشكلة كانت في المشيمة ما توصل الدم والاكسجين لها عدل.. وارتاحت نفسيتي..

الجرح الحمدلله خيطوه لي احسن ما يكون.. والالم فعلاً احسه اقل بواااااااااايد من جرح ولادتي بحسين اللي شقوني فيها...

خلاص انا من اانصار الطلق الصناعي ... شكلي بطلبه بالاسم بولاداتي الياية :)
ان شاء الله احط لكم صورها قريب... ولدي يزنزن على راسي الحين ما يبييني اجيس الكمبيوتر.. :D

واي استفسار حاضرة لكم بجاوبه .. :)



ملاحظة... ما نسيت بنات رابطتي من الدعاء.. الله يهّون عليكم الطلق يارب وتفرحون بشوفة نونواتكم بصحة وسلامة ياربي..