الجزء ال21 من تجهيزات عرايس قطــ2006-2007ــــر

عيـون الريم:
يا بنات .. يعطيكم الف عافيه .. بصراحه نصايحكم اتشجع الواحد يستفسر ما شاء الله كل وحده خبره .. طلعنا مب هينات .. هذول بنات بلادي ..

نزين .. السالفه وما فيها انه عرسي قريب .. وانا حضرتي للحيني ما منزله وزني .. محتاجه انقص 10 كيلو <<< بل تو الناس .. زين لما صحيتي من النوم !!!

المهم .. سمعت عن مركز سلم اند لايت اللي صوب وكاله الفردان للسياااييير .. و رحت لهم .. وحسب حجيهم اني بانقص 4 كيلو بالشهر !!

عاد انا متشجعه اشترك وياهم بس ابي اعرف في حد جربهم ؟؟ وشلون النتايج ؟؟ بللليييييييييييز خبروني

و اذا في وحده منكم اتعرف اشلون ممكن اخس بسرعه ؟؟

ابي اطلع حللللللللوه .. الحقوا علي يا بنات ..

نور الدوحه:
مساء الخير يا احلى عرايس

بنات شجعوني :(
احس اني متوترة حدددددددي لاني محتارة وماعرف متى بابدأ احط الاغراض في الشنط :(

لان الصراحه غرفتي صارت كئيبة كلها اكياس وملخبطة
وايد اشياء وماعرف ارتبها شلون
:(

شنطة السفر ارتبها من الحين؟ ولا متى
انا بسافر ثاني يوم على طول باذن الله :( :( :(

عيون المها -ماخذني مني- مدار قطر

فديتكم ياعرايس ديسمبر ^_^
عسى ربي يوفقكم ويسهل اموركم وتطلع اعراسكم مثل ماتبون واحللللللى





~0< باقي من الزمــــــــــــ23 يوم ــــــــــن>0~

شمعه جلاس قطر:
بنات اش رايكم بالهحركه

كوشتي واااايد ستايل الحمدلله وتميزها النعومه واللمعه في التور ..

انزين الحركه وين>> ههههه



صبروا





الحركه 1

في حاله الانتقال من الغرفه في الفندق لين القاعه شي طبيعي بمر على اللوبي .. تدون اش سويت؟؟



اجرت لي مثل العربه تغطيني من فوق لين تحت .. وحتى ريحه العطور والبخور .. تنكتم ولا حد يقدر يشمها من المتواجدين في اللوبي








الحركه 2


لما بيدشون اهل المعرس اخوانه ومدري من ؟؟



بتنزل ستاره سميكه من الكوشه .. بحيث انها تغطي الكرسي اللي انا قاعده فيه .. فبكون ما ابين وبنفس الوقت .. ما افطس.. لا يقل الاوكسجين حوالي .. واقدر اخلي اي وحده من هلي تجلس حذاي تسليني لي ما يطلعون الرياييل.



ها اشرايكم .. شي والا موشي ؟؟