بنات قطر ...الولاده في مستشفى الاهلي

اختي حبيت اساعدك لكني اتابع بولادة النساء

مشكوره اختي كوكبه وكفايه انك رديتي علي وعبرتيني :)

أعرف حريم ولدوا هناك ..

مادري شتبين تستفسرين عنه بالضبط ؟

اختي مانصحج تولدين فالاهلي لان لو لاسمح الله صار فيج شي بنقلونج بالاسعاف لحمد

ماعندهم خبره للحين
وحده من هلي ولدت هناك وصادها نزيف وتبهدلت ووايد تعبت

دوحانيه ...انا ابي استفسر عن الولاده هناك ..هل كانت مريحه ...العنايه زينه؟ وايش رايهم ؟


درب المحبه ...مشكوره حبيبتي على التحذير ...بس الدكتوره تقول انهم عندهم بنك دم حق حالات النزيف

دوحانيه ...انا ابي استفسر عن الولاده هناك ..هل كانت مريحه ...العنايه زينه؟ وايش رايهم ؟ وخذوا ابره الظهر ولا لا؟ وولدوا طبيعي ولا قيصري ؟


درب المحبه ...مشكوره حبيبتي على التحذير ...بس الدكتوره تقول انهم عندهم بنك دم حق حالات النزيف

صراحه حبوبه ناس يمدحون وناس يذمون !!!
وانتي استخيري وتوكلي على الله ... دام انج مرتاحه مع الدكتوره خلج عندها احسن ... لان في مستشفى حمد اذا ماعندج واسطه ماراح يمشي حالج ...
انا ولدت بحمد والدكتوره تقربلي من قريب وايد والحمدالله وانا اولد 3 دكاتره يولدوني يعني مو الهنديات !!
والحمدالله كل شي كان اوكي بس لو تسمعين قصص البنات اللي ولدو بحمد ومايعرفون حد هناك صج متبهدلين لان اللي يولدونهم النيرسات حتى لو كانو يتابعون من قبل عند اي دكتور ...
الله يقومج بالسلامه ياربي.

مشكلة المستشفيات غير حمد مافيهم عنايه مركزه لا للبيبي ولا امه ..

صديقتي فيها توائم وولدت في عيادة الدوحة على طول شلوا عيالها وبالاسعاف الى مستشفى حمد وهي تمت في عيادة الدوحة لو تشوفينها تكسر الخاطر 4 ايام بالمستشفى لين رخصوها وراحت لهم سيده..

تيماء ..

اسألي شهد
هي ربت هناك وبتفيدج انشالله



>> مصره ههههههه


الله يقومج بالسلامه يارب ..

انا كنت مفكرة اولد في الاهلي بس غيرت رايي لاني كلش ما ارتحت يوم استخرت خفت يصير شي
مع ان زوجي يبيني اولد هناك عشان مب كل شوي يقولون له ممنوع مثل الولادة
والاهلي يدخلون زوجج معاج غرفة الولادة ويقدر يسهر عندج عكس الولادة بيقبضونه الباب

وبسسسسسسس

مشكوره ياقلبي على الردود

بس وين الباقي ....ارجوكم ردوا علي

ودي اسمع راي وحده ولدت هناك ....يقولون شهد ولدت في الاهلي ...ياليت اللي تعرفها تقول لها ترد على موضوعي

حبيبتي انا كنت حامل من سنة بولدي الثاني وكنت اتابع عند رزفي _ممتازة_ولولا انه فيني نقص حااااد في الحديد ولا كان بولد عندهم بس الدكتورة رزفي قالت لي احنا ماعندنا بنك دم واخاف يصيدج نزيف لان فيج نقص حديد وبعد ولادتي بشهرين ولدت حماتي فيه_ماعندها انيميا_ وتمدح تقول ولاداتي بعيالي كلهم كوم وهاولادة كوم تقول مراعيني والدكتورة رزفي على طول عندي وارتحت كثييييييييييييييييييير وانا باذن الله اذا حملت بولد عندهم
وانتي استخيري وتوكلي على الله

ياعمري ياقطريه ..والله ريحتيني ... وعلى فكره الحين عندهم بنك دم يخدم جميع فصائل الدم ..

وانا استخرت ومرتاحه لهم ...بس كنت حابه اسمع تجارب البنات

مشكوره وايد

حبيبتي تيماء انا جربت الولاده في حمد ..............وآخر ولاده لي كانت في الأهلي طبعا عند روزفي ..بصراحه فرق بينه وبين حمد قمه في الفخامه والعنايه والأهتمام حتى البنج ماأثر فيني واجد مثل حمد .وانا اخذت عندهم بنج عام لأني كنت متخوفه أخذ ابره الظهرلأني ماعرف الدكتور وانا طبعا ولاداتي كلها قيصريه..وبعد تجربتي في الأهلي مستحيل اولد في حمد.ومن ناحية الأهتمام والله كانت بدل الممرضه عندي ثنتين وحده لي وحده للطفل وروزفي كانت تجيني كل يوم وماتمر بسرعه مثل حمد لا كانت تجلس وانا صراحه ارتااااح لها واجد لأنها تحس بالمريض وتداري نفسيته....
الله يهون عليك وتقومين بالسلامه انشالله

أختى تيماء كان بودى أساعدك بس أنا بتابع فى حمد للولاده وما اعرف افيدك فى الأهلى :sad: :sad:


بس يا رب يقومك بالسلامة ويعطيكى ساعه سهلة وتبقى تحكيلنا عنها انتى بقى اذا ولدتى فيها ان شاء الله :smile:


بس اوعى تنسينا من الدعاء لكل اللى لسه مولدووش :ok: :ok:


أختك فجر الأسلام :shy: