حدي محتارة وأبي رايكم يا بنات

الله يساعدج والله مشكله كبيره وان شاء الله راح تلكين الها حل
انا برائي انج تبفين معاه لانج راح ترزقين بطفل ويمكن هذا الشي راح يخليه يتغير من ناحيتج ويخليه يحس بالمسؤاليه اكثر
وبعدين انتي لازم تفكرين بطفلج شنو ذنبه يطلع للدنيا وما يلقى كدامه اب هذي ترى هم مشكله يعني لازم اضحين شويه علشان طفلج وان شاء الله ينصلح حالكم وما تصير بينكم مشاكل بعد انتي بس خلي عينج بعين الله والله ما راح ينساج
تقبلي مروري اختى الكريمه

جوفي يا عزيزتي

يبين انكم توكم في بداية الطريج واحيانا البدايات تكون صعبه لاحد الزوجين

الحين زوجك دام يهاوشك لكن ماعرفنا السبب وخل نحلل مشكلتج

1- زوجك دايم يهاوشك
2- موقفك من الهواش انج تسكتين وتبجين
3- تمادى زوجك وضربك
4- تفكرين بالطلاق

حبيبتي اذا كل وحده جافت اللي شفتيه وقالت ابي اتطلق جان شفتي اغلب الناس مطلقين ولكن انتي تقولين بعد اي هوشه ترجعون نفس قبل ولكن وناستكم قليله

حبيبتي اذا تبين تكون حياتج سعيده :_

1- اعرفي اسباب هواش زوجك يعني على شنو يعصب شنو يحب شنو مايحب ادرسيه بكل تفاصيله وسوي لج قائمه بالامور اللي تزعجه وتعصبه وبعدين حاولي انج اتحاشينها

2- دام زوجك يقول ان دموعك هي سلاحك تخلي عن هالسلاح تدرين ليش لان بعض الازواج مايحبون زوجاتهم تصيح وتكون نقطة ضعف الازواج لكن في حالتج زوجك مايهتم لدموعك وباين انه يحب ان تكون شخصيتك اقوى من جذيه على شان جذيه لا تبجين كل مرة يعني كوني اقوى من الموقف اللي تمرين فيه واذا هاوشك زوجك لا تبكين ولكن سمعيه الى النهايه وبعد مايكمل قولي له بطريقه ذكيه ان كلامه صح وانج مراح تسوين جذيه ولا تزيدين الطيبن بله باي كلمه غلط او دموع

3- زوجك تمادى وضربك وهذا جدا غلط دام ضربك الحين يمكن يتعود يضربك تالي على شان جذيه حاولي انج ماتستفزين زوجك باي شي بالعكس حاولي انج تتدلعين عليه وخليه يحس بانوثتج ونتي حامل يعني خليه يحط يده على بطنج وقولي له باسلوب حلو انج تتمنين الله يرزقكم بطفل يشبهك وعطيه من هالاكلام الحلو اللي يدوخه ولا تحاولين ان تستفزينه للضرب

4- شيلي من مخك فكرة الطلاق لانها بتكون عائق بين التفكير الصح والغلط يعني كوني اقوى من الموقف لا تستسلمين وتحدي نفسك واكسبي زوجك

وعلى شان تكسبينه حسسيه بانوثتك يعني انتي حامل الان لا تخلين الحمل ينسيج زوجك لبسي له وكشخي له فاجئيه بهديه بعشى حلو او غدى احلى طرشي له مسجات حلوة كتبي له رساله وحطيها في جيبه لمن يروح الدوام يشوفها يعن يحركات من هالنوع حسسيه انه ملك حياتك لان بعض الازواج مايجون الا بهطريقه

ولكن اذا اهملتي حالج وخليتي الهواش يعكر مزاجك راح تتعبين انتي وجنينك والله لا يقول يمكن حياتج الزوجيه

على شان جذيه اقري كثير في امور الزواج اشتري كتب عن الزواج الناجح وطبقي امور من الكتب لانها قد تفيدج

وانتبهى

لا تستسلمين وتنسحبين وتكونين رهينه للزعل وخلي شخصيتج حلوة دلوعه انوثه


والله يوفقك واهم شي ادعي الله في كل صلاه انه يصلح زوجك

سلامي لج

الله يكون بعونج ويصلح زوجج ان شاء الله

الله يكون بعونج الله يهدي ريلج ان شاء الله

بس انا رايي من راي الاخت الانسه ج

بس عندي ملاحظه لا تخلينه يتعود يضربك يعني لو يعيدها مرة ثانيه و ان شاء لله ما يتكرر هالشي لازم تخلين احد يتدخل اهلج او شيخ دين لان اذا سكتي مرة راح يكون هالشي عادي و يضربك متى ما بغى فلا تعطينه فرصه

الله يهون عليج و يعينج و يصبرج ان شاء الله

[B][COLOR="Red"]اطلبي دايم في صلاتك له بالهداية والصلاح
واهم شي في المرءة الصبر
والله يوفقج..[/COLOR][/B]

انتي حامل وحرام تتطلقين تحملي علشان ولدج او بنتج لا اكثر ولا اقل

وان جا يبي يتهاوش اسكتي عنه وطقعي له

مب ضعف الا علشان تكبرين عقلج وتفكرين بولدج قبل كل شيء

الله ييسر امورج ويوفقج ياربي

السلام عليكم ورحمة الله وبركاته

ما شاء الله البنات ما قصروا...

أختي ما تقدري تحكمي على حياتك من أول شهرين بس !

و بعدين أختي خلينا نتفق إنه فكرة الطلاق ما تخليها دايم على بالك...بالذات ربي أكرمك بالحمل

كل شيء ييجي بالهداوة و التفاهم...

و الله يوفقك يا رب...

ماشاء الله عالبنات كفو ووفو

بس نصيحة مني لا تستفزينة لما يعصب او تحقرينة ردي عليه الرد إلي يطفي النار

عشان مايعصب ويمد إيدة مش دائما الصمت أثناء الشجار حل ...بل احيانا يطلع الواحد من طورة

والطلاق شيلية من بالك وركزي على صحتك وصحة البيبي

والله يهدي سركم

الانسه ج:
جوفي يا عزيزتي

يبين انكم توكم في بداية الطريج واحيانا البدايات تكون صعبه لاحد الزوجين

الحين زوجك دام يهاوشك لكن ماعرفنا السبب وخل نحلل مشكلتج

1- زوجك دايم يهاوشك
2- موقفك من الهواش انج تسكتين وتبجين
3- تمادى زوجك وضربك
4- تفكرين بالطلاق

حبيبتي اذا كل وحده جافت اللي شفتيه وقالت ابي اتطلق جان شفتي اغلب الناس مطلقين ولكن انتي تقولين بعد اي هوشه ترجعون نفس قبل ولكن وناستكم قليله

حبيبتي اذا تبين تكون حياتج سعيده :_

1- اعرفي اسباب هواش زوجك يعني على شنو يعصب شنو يحب شنو مايحب ادرسيه بكل تفاصيله وسوي لج قائمه بالامور اللي تزعجه وتعصبه وبعدين حاولي انج اتحاشينها

2- دام زوجك يقول ان دموعك هي سلاحك تخلي عن هالسلاح تدرين ليش لان بعض الازواج مايحبون زوجاتهم تصيح وتكون نقطة ضعف الازواج لكن في حالتج زوجك مايهتم لدموعك وباين انه يحب ان تكون شخصيتك اقوى من جذيه على شان جذيه لا تبجين كل مرة يعني كوني اقوى من الموقف اللي تمرين فيه واذا هاوشك زوجك لا تبكين ولكن سمعيه الى النهايه وبعد مايكمل قولي له بطريقه ذكيه ان كلامه صح وانج مراح تسوين جذيه ولا تزيدين الطيبن بله باي كلمه غلط او دموع

3- زوجك تمادى وضربك وهذا جدا غلط دام ضربك الحين يمكن يتعود يضربك تالي على شان جذيه حاولي انج ماتستفزين زوجك باي شي بالعكس حاولي انج تتدلعين عليه وخليه يحس بانوثتج ونتي حامل يعني خليه يحط يده على بطنج وقولي له باسلوب حلو انج تتمنين الله يرزقكم بطفل يشبهك وعطيه من هالاكلام الحلو اللي يدوخه ولا تحاولين ان تستفزينه للضرب

4- شيلي من مخك فكرة الطلاق لانها بتكون عائق بين التفكير الصح والغلط يعني كوني اقوى من الموقف لا تستسلمين وتحدي نفسك واكسبي زوجك

وعلى شان تكسبينه حسسيه بانوثتك يعني انتي حامل الان لا تخلين الحمل ينسيج زوجك لبسي له وكشخي له فاجئيه بهديه بعشى حلو او غدى احلى طرشي له مسجات حلوة كتبي له رساله وحطيها في جيبه لمن يروح الدوام يشوفها يعن يحركات من هالنوع حسسيه انه ملك حياتك لان بعض الازواج مايجون الا بهطريقه

ولكن اذا اهملتي حالج وخليتي الهواش يعكر مزاجك راح تتعبين انتي وجنينك والله لا يقول يمكن حياتج الزوجيه

على شان جذيه اقري كثير في امور الزواج اشتري كتب عن الزواج الناجح وطبقي امور من الكتب لانها قد تفيدج

وانتبهى

لا تستسلمين وتنسحبين وتكونين رهينه للزعل وخلي شخصيتج حلوة دلوعه انوثه


والله يوفقك واهم شي ادعي الله في كل صلاه انه يصلح زوجك

سلامي لج

:clap: :clap: :clap:

كفت ووفت اختي العزيزه

بارك الله فيها وفيك


سفيرة فوق العاده

اختي الغاليه ما شا الله الاخوات ما قصرو وعطوك الحلول الصحيحه انا بعد مب مع فكره الطلاق لان اي حياه زوجيه فيها مشاكل انتو لين الحين ما تعودتو على طباع بعض نصيحه حاولي تتقربي منها وتفهميه ولو صار خلاف تكلمي معاه بعقل ولا تحاولين تشتفزينه ولو غلط عليك حاويه وناقشيه الموضوع ما ينحل بالهواش بس في شويه صبر وحمكه كل شي بيصير اوكي انشا الله وبالتوفيق

انتوا تزوجتوا عن حب؟؟؟

اعتقد هذي هي المشكله.......... إذا كانت الإجابة بنعم..............

وإذا لأ.......... قعدي معاه وتناقشوووا....... ليش وصلتوا لها الدرجه؟؟

مشكورين يا بنات وما قصرتو على هالنصايح وان شالله بسوي اللي تقولون عنه واشوف النتيجة وان شالله خير والله يعطيكم الف عافية .
وراح اشيل فكرة الطلاق من بالي :)

معلش اصبرى واستحملى هى اول سنه جواز بيكون فيها مشاكل بس لما يتخانق معاكى مترديش عليه وخلى بالك لو اتعود يضربك كتير هتبقى عاده عنده فالاحسن انك تتجنبي الصدام معاه وتحاولى معاه باسلوب تانى ويمكن لما ربنا تولدى حاله يتغير اما حكايه الطلاق دى شيليها من مخك لو كان الطلاق ببساطه كده مكنتيش لاقيتى واحده متجوزة بما فيهم امهاتنا البيوت ياما فيها مشاكل وربنا يهديهولك

معلش اصبرى واستحملى هى اول سنه جواز بيكون فيها مشاكل بس لما يتخانق معاكى مترديش عليه وخلى بالك لو اتعود يضربك كتير هتبقى عاده عنده فالاحسن انك تتجنبي الصدام معاه وتحاولى معاه باسلوب تانى ويمكن لما ربنا تولدى حاله يتغير اما حكايه الطلاق دى شيليها من مخك لو كان الطلاق ببساطه كده مكنتيش لاقيتى واحده متجوزة بما فيهم امهاتنا البيوت ياما فيها مشاكل وربنا يهديهولك

انا من رايي انج تشيلين فكرة الطلاق من بالج لانج حامل وحاولي تعرفين شنو اللي مزعل ريلج بطريقة هادية وبدون بجي وسمعيه للاخر وحالي تغيرين من نفسج والله يوفقج ويهنيج