كـٍـٍـٍـٍـريـًـًـًـًـمات الأسـٍـٍـٍـٍـاس

حبيبتي موضوعج روعة:
انا من ذوات البشرررررررة الجافة وحالتي حالة معاها
كل شئ جربت وما نفع الا بعد معاناه


اتعرفين حبيبتي قبل المكيااااااااااااج
رتبي وجهزي ويهج للمكياج وكريم الاساس
انا اسوي له تقشير وتنظيف، حطي كريم الليل والنهار هذا يساعد على ترطيبها وهيه بشرة جافة وقاحلة:

:shy:

اشتريت له كريمات من لانكوم، واستي لودر وماك..
الحين توني سويت لي خلطة خفيفة والله احسها نفعت جربيها
سويت شوية سكر بايدي مع ليمون وزيت اللوز,,وتميت افرك بطريقة لطيفة علشان ما اخدش ويهي، وغسلت ويهي تصدقين الزيت كله دخل في ويهي

المهم ما بطول عليج:
انا استخدم هالاشياء بالصور :

واااااااااااااي فديتج وفديت ردج الحين بسجل كل شي وبركض ركض اجرب ... لاني صدق تعبت .. لدرجة اني ساعات اصيح من شكل ويهي ... وبجرب الخلطه مال السكر وزيت اللوز والليمون .. اصلا عامه يوم اطلع من الحمام ادهن جسمي كامل حتى ويهي بزيت اللوز .. تسلمين حبيبتي .. بانتظار الباقيين
اختج
جـ ورد ـوري
:shy:

انا العكس دهنننية

هلا حبوبة

اختنا روعه دبي ما قصرت بصراحة

وافيدك ان في كريمات اساس تكون فيها نسبة كريم مرطب وتنفع للبشرة الجافة
ومنها رويال تكلمت عنه اختنا مجوووووووووودة
وماكس فاكتر بعد

وطبعا الخطوات الي ذكرتها اختنا روعه دبي صح ولكل انواع البشرة

وحبوبة .. ممكن تختاري بيس مرطب وطمان يضي الوجه من مــاك الستروب كريم حلوو

او بيس جيرلاين تجربه شخصية مني لانه يثبت الاساس وما يبهت اللون :shy:

بالتوفيق حبوبة :shy:

عزيزتي بالنسبه لمشكلتك مع الاساس اتوقع وشبه متاكده بعد ان المشكله الاساسيه تكمن في نوع بشرتك وطريقه ترطيبك للبشره قبل الميك او بشكل عام حتى لو ماتحطي ميك اب وبشرح لك اكثر انا زماااااااااااااااااااااااااااااااااان كنت اعاني من هالمشكله كل ماقالو لي شي طرت اجربه اساس بودره بيس كيك فاوندشن كل شي يخطر ببالك من الاساسات ومع ذلك بشرتي كانت تتقشر واذا ما طلعت قشور هذا ك اليوم تكون باهته ومو بالشكل المطلوب فجاء برنامج مره بقناة اجنبيه عن اساسيات الميك اب الناجح وكان البرنامج مدة ساعه وطول الساعه هذي وهم مركزين على العنايه بالبشره من تنظيف وترطيب وتقشير اسبوعي بمنتج مناسب للبشره واكثرهم اهميه قالو الترطيب خاصه البشره الجافه وانا فتحت عيوني واذاني عدل يوم صارو يحكون عن البشره الجافه اللي هي بشرتي ههههه فقالو هي بشره بحاجه الى عمل تقشير مرتين بالاسبوع و ترطيب يومي صباحي ومسائي بكريمات مناسبه لنوع البشره الجافه يعني مو حيالله كريم ونقطه مهمه جداّ للبشره الجافه يستحسن ان مزيل الميك اب اللي يستعمل للبشره الجافه يكون كريمي يعني ميلك منظف ومرطب يعني مايكون جل ولا ماده سائله زي الماء عشان تعطي بشرتك حقها من الترطيب حتى في تنظيف الميك اب ولااخفي عليك شددو وركزو على اهميه تنظيف الميك اب كل ليله قبل النوم عشان تتنفس البشره تمام التمام ويليه التونك المنعش للبشره والقابض للمسام وكل هذي طبعاً منتجات متوفره عندنا بس على الوحده فينا انها تبحث عن المناسب لبشرتها واسفه اني طولت عليك وبعد هالكلام كله من هذاااااااااااك اليوم وانا ماشيه على النصايح بالحرف الواحد يعني صرت يومياً اعمل الخطوات هذي :

اغسل وجهي بغسول منظف خالي من القلويات وخفيف مناسب للبشره الجافه كل صباح .
بعدها احط الكريم المرطب الخاص بالنهار .
بعد الدوام انظف الميك اب بالميلك المنظف وبعده التونيك واخليها البشره كم دقيقه بعدها احط كريم مرطب .
اقشر بشرتي بمنتج مناسب للنوع البشره الجافه مرتين بالاسبوع واذا كان عندي مناسبه اعمل تقشير قبل الميك اب بساعه .
استخدام واقي من الشمس بشكل يومي لان الشمس تضر البشره وخاصه الجافه .
واخيراً قبل النوم استخدم الميلك المنظف مره ثانيه وبعده نفس الشي التونك المناسب وبعدها الكريم الليلي المكثف الترطيب عشان الخلايا تجدد وقت النوم .

صدقيني الميك اب الحلو وراه بشره صحيه ورطبه وخاليه من المشاكل واهم شي يكون الاساس اللي تستخدميه يكون فيه نسبه ترطيب وخاص بالبشره الجافه وانصحك ببيس قبل الميك اب واعملي الخطوات اللي اقول لك ولاحظي الفرق على بشرتك مع مرور الايام واي سوال انا حاضره

تسلمون حبايبي على ردودكم .. اشكركم والله فرحتوا قلبي وبالنسبه للأخت ساندرا2002 .. شكرا لج من كل قلبي ورجاء خاص تردين علي بالخاص
اختكم
جـ ورد ـوري
:shy:

أختي أنا أقول إن مشكلتج مو في الأساس ,, مشكلتج في ترطيب بشرتج قبل الأساس :) ,,

لأنه حالياً بتلاقين بكل ماركة كريمات أساس تناسب كل البشرات سواء الجافة أو المختلطة أو الدهنية ,

ولذلك أنصحج أختي بترطيب بشرتج بمطرب ممتاز قبل المكياج ,, وحتى لو مو حاطة مكياج ,,

أنصحج بترطيب بشرتج بكل وقت ,, حتى ما تزحف الخطوط والتجاعيد لبشرتج

لأنه للأسف البشرة الجافة معرضة أكثر للخطوط والتجاعيد المبكرة بسبب الجفاف ,

لكن إنت بالعناية والاهتمام ممكن تبعدين شبح الخطوط عنها ,,

لذلك أنصحج بأساس كل البشرة ألا وهو

اختيار غسول للبشرة يكون مناسب للبشرة الجافة ,, لأنه أكبر غلط تستخدمين الصابون العادي ,,

تونيك أو ماي ورد بعد تنظيف البشرة بالغسول ,,

ترطيب البشرة بمرطب ممتاز يكون ماركة جيدة ,,

هذا بالنسبة للعناية اليومية ,,

أما العناية الأسبوعية :

عندج خطوتين بس :

التقشير = سنفرة لطيفة ,

الأقنعة والماسكات ,, أفضّل تكون طبيعية من صنع إيدج :) ,,

أتمنى أكون أفدتج :) ,,

انا استخدم كورلاين

في منه للبشره الجافه و الدهنيه

وكلهم حلوات و ما يختربن

والله البنات يعطيهم العافيه ماقصروا
وأنا بعد استفدت :clap:
انا من جم يوم رحت فيسز وسألتني اللي تبيع هناك عن نوع بشرتي وقلت لها عاديه الى جافه
وشافتني قالت لي انا خبيرة تجميل وخليني اشوف ويهج ولما شافته تقول لي انتي مو جافه بس يبيج تقشير على الاقل مرتين في الاسبوع
لان الخلايا الميته تكون على البشره ولما تحطين المكياج تطلع انها جافه
فبعدها رحت الصيدليه وخذت لي مقشر من T-ZONE مادري اذا زين ولا لا للحين ماجربته
وعندي مرطب من بودي شوب بفيتامين E وبعد غسول للوجه بدون عطور
فعليج بالترطيب والتقشير وخصوصا الحين في الشتا دايما البشره تكون جافه ويطلع الويه وباهت ولونه غامق