•°••°•°••°• •°••°•°••°• *بالصور *

•°••°•°••°•[ السلام عليكم ورحمه الله وبركاته ]•°••°•°••°•°



المقادير:

4 أكواب طحين
1 كوب حليب بودره
فنجان سكر
2/1 كوب زيت
1 ملعقه شاي ملح
ملعقتان طعام خميرة فورية
كوبين ماء دافئ
ملعقه كبيره " طعام" بيكنج باودر B.p

والحين نحط كل المقادير ما عدا الماي في الطاسه اللي بنخلط فيها ..




والحين يا دور الماي دافيء.. ونصيحه مني لا تحطون ماي حار او ماي حرورته غالبه على برودته .. يعني ماي عادي مائل شوي للدفوه .. وبعد شي ثاني .. لا تحطون كوبين الماي كلهن .. حطوا اول شي كوب .. عقب تمو زيدوا على حسب ما تحتاي العجينه وتتماسك لين تطلع جيه



وبعد مروووور حوالي الساعه ..



وخلصت العجينه .. نبدا الحين في تحضير السينابون ..

هالعجينه انا قسمتها 3 أقسام .. عاد انتوا والحجم اللي تبغونه ..

خذنا جزء من العجينه .. وفردناها شوي ..




والحين نحظر خلطه الجرفه..


زبده .. سايحه شوي

وجرفه وسكر مطحون وبودره كاكاو .. كل واحد واللي يباه من نكهه ..

الحين فردنا العجينه وقطعنا اطرافها .. ودهناها بزبده .. ( وحده او اوحده ونص )



بعدين نرش خلطه الجرفه ..



وبعدين نلفها ونقطعها .. على اي حجم تبغونه




وبعدين وبعد ما خلصنا العجينه كلها بنفس الطريقه صفيناها في صينيه الفرن



انا بما اني مستعيله ههههه سرت وشغلت الفرن شوي وبندته عسب تتخمر العجينه وتنتفخ .. وهنيه بعد ما انتفخت شوي..



وهنيه بعد ما خليتها في الفرن وشغلت عليها تقريبا على درجه حراره 160 ولمده ربع ساعه تقريبا .. ونصيحه مني بعد .. لاحظوها عن تحترق من تحت .. وهنيه بعد ما خلصت واصبحت جاهزه تقريبا..



والحين بنتعبل وياكم في الصلصات .. وهيه قسمين .. صلصه بيضا وصلصه البنيه او التوفي

بنبدا مع الصلصه البيضا



ومقاديرها تقريبا 5 حبات كيري وحليب مكثف محلى اكثر عن نص القوطي بشوي وربع قوطي ابو قوس وفنيان ماي .. وخلطوه ..

..

والحين بنبدا في الصلصه البنيه او التوفي
ومكوناتها قشطه وسكر وشوي ماي ورشه قرفه وكاكاو

اولا .. نذوّب السكر ونحمره



وبعدين نظيف القشطه ونص فنيان ماي وشويه كاكاو وقرفه .. وهاذي النتيجه



والحين ... أخيراً وليس آخرا .. نصب الصلصه البيضا على السينابون .. مب وايد .. وبعدين الصلصه البنيه .. وهاذي الصوره النهائيه لطبختنا لليوم..