المرضاعه

حبيبتي سالفة النوم بالرضاعه هذا شي طبيعي فيه اطفال يتموا على هالحال الى ان ينفطموا
اما سالفة الماء بالمرضعه اذا ماقبلها جربي العصائر واذا ماقبلها علميه عالمزاز لان في عمره فيه اطفال يعرفوا يشربوا بالمزاز وان شاء الله مايتعبك.

حولي تعلمينه من الحين ختيه بنتي كملت سنه وشوي وما تمسك الرضاعة ومتعبتني معاها

الله يعينج

تسملون ع المرور الطيب اللي اسعدني واااااايد

وشكراااا اع النصااااااائح

علميه من الحين وخففي الطبيعي وعطيه حليب صناعي عشان يقدر يتفبل شوي بعدين مو ماكلها الا انت

تسلمين اختي ع المرور

حتى ولدي نفس الشئ الصغير والكبير..
الكبير لازم احط له بالكوب ماله، حليب والا لبن/ الصغير لالالالالالالالالالا يمكن ينام الا بالرضاعة، واحيانا من كثر ما يتعب ينام بس بمجرد اني الفه

يعني سالفة الرضاعة عادي وولدي قد ولدج باقي اسبوع بيكمل الخامس

تسلمين الغاليه ع المرور والتعقيب

ووين البقية


بلــــــــــــيز

مسكين طيب كيف تشربيه الماء؟؟ هذا معناه أن هو مايشرب الماء.. أهم شي الماء حتى لو كان يرضع على طول طبيعي...

جربي رضاعة Avent لأن الحلمة تشبهه حلمة الأم،، وإن شاء الله يتقبلها...

تسلمين رانيا الغاليه ع الرد الطيب

وبجربهااا ان شاء الله

حبيبتي الطفل في كل شي ما يتقبل من اول مرة ..

بتشوفين الاكل ما بيتقبله من اول مرة هذا مو معناه ان ما يريده لالالا بس لانه شي غريب بلاول بيرفضه وبعدين بيتقبله .. انتي حاولي معاه كذا مرة اليما يتعود يمكن ياخذ وقت معاج اسبوع ولا اسبوعين انا بنتي مع انها توه شهرين وترضع طبيعي من كملت شهر عطيتها الينسون والماي والميلوبا بالمرضعه طبعا اول اسبوع تعبتني لانها كانت ترفضه وبعدين تعودت ...

لا تياسين جدام هالمخلوق الصغير ..

تسلمين الغاليه ع الرد الحلو والمشجع

بس انا مو من اسبوعين لا والله

يمكن اي شهر بس موكل يوم اعطيه

يعني شوي شوي

وعلى الله

اختي العصائر طعمها حلو مقارنة بالماء.. لذا ممكن انه يتقبل طعمها بسهولة.. ابدأي باعطائه العصير بالملعقة.. واذا شفت منه تجاوب وتقبل لطعمه.. حطيه بالمرضعة.. لما يشوف انه نفس الطعم اللي يحبه ممكن يتقبل يشرب مرضعه...

بعض الامهات يحطون سكر نبات على طرف حلمة المرضعة عشان يتقبل المرضعة.. لكن اذا بتحطي عصير يكون وايد افضل..
وبالنسبة للنوم بدون رضاعة.. نعم ممكن تصير... لكنها صعبة... ممكن تصبري لحد ما تدخلي اكل في نظامه الغذائي.. وقتها ما راح ينهضم بسهولة الحليب.. ومكن جداً انه ينام بدون رضاعة اذا كان الاكل مثقل في بطنه...

ربي يوفقج ويعينج... لا تنسين لو صار تحسن في الحال عندج تخبرينا عشان نستفيد من تجربتج

تسلمين جمانه الغاليه ع الرد الطيب والمفيد

راح احاول ان شاااء الله

اما بالنسبة للنوم .... فانا من اياااااام قليله .. يعني ثلاث ايااام احاول ارضع ولدي وارمسه والاعبه

عشان ما يرقد كثر ما اقدر يوم اشوفه خلاص بيرقد .. اوقف الرضاعه ولتم اشوي دقيقتين ولا ثلااث اعطيه شويت ماااي ..

وبعدين اوديه افراشه واحاول اهديه فيه ... واطبطب عليه اشوي وانز فيه اشوي .. بس ما اروح عنه
اتم يالسه عنده .. وشوش شوي يرقد بروحه

والحمدالله ..


ع العموم تشكرون ع المروم الطيب