جروحي للاسف جت من وراي

السلام عليكم ورحمة الله وبركاتة

بنات انا متفشله منكم ازعجتكم بمشاكلي


انا يوجد لدي عم بالسعودية وله اولاد المهم ابنات انا من صغري وانا العب معهم وبصراحه حبيت واحد منهم يكبرني بعام واحد وكبر وياي هالحب وصار بداخلي ماتصدقون لما ازورهم افرح او هم يزورونا افرح ولما يغيب اشتاقله حيل وحبيته من كل قلبي بس طبعا من طرف واحد والا هو من طرفي انا ماكنت ابين حبي لااهلي او اهله وانا ارتاح له حيل وبعد ما كبرنا وصرت انا بالصف الاول ثانوي تقدملي اخوه الكبير ورفضته لاني توني صغيره وعشاني حاطه الامل فيه هو وصعبه اني اخذ اخوه وانا احب اخوه الثاني

طبعا العلاقات ماصارت مثل قبل انقطعت نوعا ما وخاصتن اني عرفت مؤخرا ان اخوه اللي خطبني يحبني وانا ماادري عنه وانه معجب باخلاقي

المهم درات السنين وجاني خبر عقد قران حبيبي اللي حبيته من كل قلبي وله بداخلي غلا مو طبيعي تعرفون الحب اللي ينشا منذ الطفوله للين تكبرين وفجأه يتحطم قدامك وبعدها سمعت انه على علاقه باللي ملك عليها وانه يحبها بجنون وانه يجهز للعرس وطاااير من الفرحه طبعا انا كانت نفسيتي بالحظيظ ماتصورون شللون كنت محطمه قطعت كل اوراق شعري اللي كتبتها فيه فعلا كانت هذي نهايه حبي المحطمه

بعدها بكم شهر سمعنا انه طلقها وهو توه مادخل عليها بصراحه انا تفأجاة بالخبر هذا وماانكر اني فرحت لاني ظنيت انه بيرد لي ويخطبني
وخبركم بنات هو مايدري عن حبي ابد ابد
وبيوم من الايام بعد مادخلت الجامعه ماعندي سيره قدام رفيجاتي غيره وغير قصتي هذي المحطمه ودايم اقولهم اخباره هو
ومره من المرات جت لي احدي صديقات قالت لي شرايك اتصل فيه واكلمه واصير صديقته واشوف اذا جاب طاااريك او لا ؟ اذا يحبك او لا ؟؟ وشنو سبب طلاقه؟؟

طبعا هذي اللحظه اسوء لحظات حياتي اسميها لحظة الشيطان اني طااوعت البنت وايدتها يمكن شعور الفضول هو السبب

قامت تشجيعني ؟ راح اغير اسمي ؟والرقم رقمي ؟ ها وش قلتي


قلت :توكلي علي الله

ودارت الايام وصديقتي لاتفارق ولد عمي قامت تكلمه على طوول واعرفت كل اسراره اللي بالبيت بس للاسف ماجاب طاااري انا ولا مره وعرفت ان سبب طلاقه ان امه كانت معارضه على هالخطوبه
وعرفت من خلال صديقتي ان طلع ولد عمي هذا صاحب علاقات غراميه وخراابيط وزنا واشياء كثيره
وانه يكرهنا احنا بذات يابنات عمه اللي بالكويت

طبعا بنات انا انصدمت بكل هالمعلومات وخاصتن انه يعني مادرا عن حبي وانه يكره ابوي واخواني ويكرهنا

دامت علاقت صديقتي بولد عمي شهوور وبعدها سمعت ان ولد عمي هذا ملك على بنت عمي وصديقت اختي بنفس الوقت وهي اكبر منه 4سنوات شووفوا النصيب

وبعد ماعرفت صديقتي انه مللك انفصلت عنه وهو يقولها ان زواجي غلط وان اهلي اجبروني وانتي تظلين حبيبتي ومن هالكلام طبعا صديقتي اقطعته وخااصتن لما درت انه يبي يتزوج

كان عرسه بالصيف طبعا انا رحت مع اهلي مجبوره احضر زفافه قبل الزفاف كان يجهز للعرسه قعد عندنا اسبوع كامل انا كنت توني شاريه جهاز تلفون جديد فيه بلوتوث انا فتحت البلوتوث بعرف شلون يرسلون مادريت الا جتني رساله عبر البلوتوث باسم كحيــــلان طبعا انا ضغطت نعم طلع مرسلي صورته وقام يرسل وانا استقبل اغاني فيديو صوره هو كان يرسلي ورا بعض ابي اسكر بلوتوثي مو عارفه شلون توهقت المهم بعدها سكرت البلوتوث ؟؟؟ بعد تعب شديد وخاصتن كان تلفوني جديد

جا وقت العصر قال لخوي ابيكم تثاثون شقتي وابي ذوقكم ورحت مع امه وأثثـت شقته وطول هالاسبوع احس انه مهتم فيني بكل شي يأخذ راي فيه بشقته باثاثه بكل شي تعالي شوفي بس اسمي على لسانه لدرجه ان عماني الثانين شكوا انه يبيني انا

الولد تزوج ويسير الله امره وحظرت عرسه وبعد عرسه كانت نفسيتي زفت بس اقول بقلب دامه فرحان انا بفرح ونسيت همومي وقلت ابي انساه واشوف عمري لمتي وانا ادفن عمري بالحب الاعمي هذا بديت اوعي نفسي

وبحكم ان زوجته بنت عمي فاانا ارسلها وهي ترراسلني وبعد عرسه بعدة اشهر

جاتني ارقام غريبه وارد ويطلعون شباب واسكره
وبيوم من الايام جتني رساله من رقم غريب كاتب
مرحبا انا ولد عمك (فلان) دقي ضروري ابيك بموضوع

انا انصدمت وبعدها قام يزعجني وانا مو راده عليه

وبنفس الوقت قام يتصل على رفيجتي ويقول اكيد انتي من طرف بنت عمي وهي دازتج على انا ؟طبعا رفيجتي تنكر هالشي قدامه عشان ماتخليه يشك فيني ابداا

ومره من المرات كانت امي مسافره وانا وحيده بالبيت المهم هو رقمه نفس رقم بنت عمي اذا تعرفونه بالسعوديه يسمونه الرديف
يعني لما يتصل علي كـأن بنت عمي المتصله

اتصل ارقم كانت الساعه 11 بليل وضايق خلقي
انا رديت علي انها بنت عمي واكيد في شي لما رديت طلع



ولد عمي

انا: الو
هو:متصلين
انا:لا غلطان
هو:لاموب غلطان انتي داقه قبل سبع شهور( يقصد خويتي)
انا : لا مادقيت
هو:ماعرفتيني
انا: اللي اعرفه هذا رقم بنت عمي
هو:انا ولد عمك
انا: نعم شتبي
هو:بصراحه ابي اكلممك بموضوع مهم
انا:انا ماكلم رياجيل وباي حق اكلمك شنو بيني وبينك ولو يدرون اهلي كسروا راسي
هو :اعتبريني اخ وبعدين انا بمشكله محد يقدر يحلها غيرك
وقعد يترجاني ويبين لي انه كلامي وياه مو عيب وكان عنده اسلوب كلام يقنع الواحد مع العلم اني منت جاده معه بالبدايه

طبعا اول شي سالني عن خويتي تعرفين وحده اسمها فلانه قلت لا قال انا احس من طرفك المهم انا انكرت كل هالشياء
وبعدها قام يتشكي عن زوجته انها بارده وماعندها اسلوب ولاحب وقالي اذا تقدرين تساعديني كلميها هي صديقتك
طبعا انا وعدتع اني قد مااقدر احل مشكلته
وبالاخير قام يعترفلي انه يحبني وانه ندمان من زواجه من بنت عمي واني انا الحب الاول والاخير وعرض علي اني اتزوجه للمره الثانيه وانا رفضت هالشي وقلت لافات الفوت ماينفع الصوت وكلن بيروح بنصيبه
مكالمتنا استمرت لين الفجر
بعدها نمت بنات انا لما صحيت ماتحسون شنو شعووري قلت لا اكيد حلم اكيد حلم ؟
لما شفت الجوال طلع حقيقه
ندمت ندمت اني كلمته جتني ضيقه قمت اكلم نفسي شلون انا سمحت لعمري اكلمه
قام يدق الصبح مارديت ويرسل رسايل غراميه
المهم انا ارسلت رساله
ارجوك اتمني انك تنساني واذا عن حل المشكله فانشالله بحلها واتمني ماتتصل ثاني ولاترسل والله يوفقك

طبعا جت ابرسله ارسلت لبنت عمي (زوجته):sad:


أه ياربي هو نفس رقمها اا غلطت ياليت الرساله ترجع ثاني مره

بعدها اتصلت عليه عشان ماتكبر المشكله طبعا تضايق قال هي بروحها شاكه فيك انتي الحين اكدتي شكه المم قال اتصلي عليها وقوليلها انك غلطانه انك بترسلينها لزوج اختك مسوس مقلب معك

طبعا انا اتصلت عليها وتظاهرت اني اضحك وان فعلا انا مرسله هالرساله لزوج اختي

طبعاا عي مامشي الموضوع عليها وتهاوشت مع زوجها بسب هالرساله وهو انكر ان مابيني وبينه شي ومسح الرساله

بنات انا احس اني شتت اسره احس اني ارتكبت ذنب جتني ضيقه وخاصتن ان المشكله جتني بغياب امي وماعندي احد كنت ابكي واصلي بليل اقول ليش هالحب ماطلع الا مؤخرا كنت ادعي ان الله يفكني من هالمشكله ومره من المرات كنت ابكي بغرفتي لحالي بكاء شديد واعتقد اللي حصل لي انهيار عصبي
دخل اخوي علي وسالني سبب بكائي قلت له اني متضايقه وهواصر انه يعرف مشكلتي ووعدني انه مايقولها لحد
طبعا انا قلتله كل السالفه لااني بريح نفسي من هالهم بس طبعا ماقلتله سالفة خويتي لا قلت له انه هو ازعجني وانه يقول انه يحبني طبعا اخو انصدم
وخاصتن ان ولد عمي صديقه ويعزه ويحبون بعض واخوي ياكثر ماساعده بشياء كثيره

اخوي انثدم بولد عمي وقام يهاوش ويقول ماعنده رجوله المفروض يحميكم مو يأذيكم وطبعا قالي المفروض مارديتي علي مكالمته ؟
قالي اخوي انا مااقدر اواجه لاانك انتي الغلطانه قال مافي الا انك تغير رقمك وبنت عمك لاتعرفه
وفعلا غيرت رقمي وارتحت
بس هة قام يزعج خويتي وخويتي مطنشته
ويهدد خويتي انه ينشر رقمها بالنت اذا ماقلتله منو مطرش عليه

واليوم بعد سنتين من هالحادثه هذي وبعد ماارتحت وريحت وقلت هالهم انزاااح
وبعدها ندمت يابنات اني علمت اخوي منعني من زيارة بيت عمي قام يشك فيني وياخذ جووالي ويفتشه

تخيلواا اخوي سافر للرياض كان عنده شغل وسكن عند ولد عمي سرق جوال اخوي واخذ رقمي الجديد:sad:
وقبل امس متصل فيني
جاني اتصال من رقم غريب
انا : الو
هو:هلا شخبارك شلونك
انا منو انت (كنت اخر شي اتوقعه انه يعرف رقمي اخ يالقهر)
هو:افا ماعرفتيني
انا؟؟؟؟؟
انا :شتبي خير
هو:افاااااااا
انا:من وين طلت رقمي
هو:بعد ضحكة صااخبه من الاستعلامات
انا :يالله يالله
سكرته بوجه وانا محتاره من وين طلع رقمي الجديد حسبت انها خويتي
لما رديت للبيت واتصلت علي اخوي تبين انه نايم عنده فشي اكيد سرق الجوال واخذ رقمي
امس مرسل علي يقول كلميني على الماسنجر وكاتب ايميله
بس انا مارديت عليه ابدااا ولاكلمته

بنات انا فكرت اقول لاخخوي بس خفت مايصدقني ؟او يشك فيني ؟او يتهاوش معاه ؟
ومالي خلق اضيق خلق اخوي علشانه واخوي يابنات مريض وعنده مشاكل قلت الحل اني اطنشه
بنات انا ادري اني غلطانه بكل تصرفاتي الجاهله وكنت مااعرف مصلحتي عدل
اللحين اكلتها انا افكر بقدام شسوي اللحين مستحيل اغير رقمي بيشكون الناس؟؟؟
وبكرا لما اتزوج اكيد بيزعجني
بنات انا اللي قاهرني ليش ماحط لخوي قيمه عنده المفروض انه مايزعجني يعني هو يبيني اكلمه وهو متزو ج اكيد لا
يعني لو فيه ذرة رجووله كان ماسرق جوال اخوي انا منقهره انه انتصر علي

الحين اكيد بيزعجني
انا عايشه بجحيم احس هالشي انا اللي سويته باايدي
واحس بيلاحقني طوول عمري
يعني حتي لو بغير رقمي للمرة الثالثه بعد بيعرفه بااي طريقه

ساعدوني بس لاتلوموني :gum:
اللي فيني كفيني
انا حاولت ابتعدت عن المشاكل بس هو للحين يلاحقني ويتصل فيني
انا ماانكر اني حبيت بس للاسف انا كرهته كره العمي
احس بتصرفاته هذي كأن يققلل من قيمتي

اسفه طولت عليككم
بس بجد متضايقه ومحتاره :sad: