ساعدوني .. لا تطنشوني ..كيف امنع ؟؟؟

18ولا رد

حرام عليكم انا يالسه على اعصابي

انا كمان زيك مرعوبة من الحمل ثالث مرة رغم انى برضع نضيف بنتى عندها 4 اشهر وعملة قلق لجوزى وخصوصا انى بولد قيصرى ومش بحب الموانع ؟؟؟؟؟؟؟؟؟

:[frame="10 80"]sad: انا كمان زيك مرعوبة من الحمل ثالث مرة رغم انى برضع نضيف بنتى عندها 4 اشهر وعملة قلق لجوزى وخصوصا انى بولد قيصرى ومش بحب الموانع ؟؟؟؟؟؟؟؟؟[/frame]

اختى في طريقة العد بالايام اذا دورتج منتظمة وتقدرين تسالين دكتورة تابع دورتج وايام التبويض وقتها تقولج ايام الحمل متى وانتي بهالوقت حاولي تمنعين زوجج بهالايام وطبعا هالايام ماتتعدي اربعة ايام متتالية

انا في بنتي كنت احسب بعد دورتي وهي 5 ايام كنت اخذ اسبوع عادي وبعدها اقعد 5 ايام ماخلي زوجي يقربني وتميت على هالحال سنه والحمدلله ماصار حمل الا بعد ماكملت بنتي سنتين


والله يعينج ويساعدج

المشكله يا نووور 25 انا يوم ارضع ما اتيني الدورة ..

وما اعرف هل دورتي تغيرت ايامها عن قبل لا اتزوج ولالا

يعني احس العمليه ما بتكون مضمونه وصعبه لانها ما اتيني طوول فترة الرضاعه

هلا بجعه

انا حاسه فيج اول ماولدت على طول خذت حبوب منع الحمل واول شهر كل احس انها مامنعت واني بحمل بس الحمدلله عدت على خير

وكان عندي صديقة تحن علي وايد لاتاخذين الحبوب سوي نفس طريقتي وهي عقب الجماع تقوم على طول بسررررعه الحمام وتسوي غسول مهبلي بماي وملح وبذلك تقتل الحيوانات المنويه وصارت ماتحمل ماشالله الا بكيفها

بس للامانه انا ماجربتها

هلا بجعه

بصراحه انا مشكلتي مثلج ومب عارفه شو اسوي...ماابغي احمل ولدي عمره 4 شهور وانا ما اخذ حبوب لان زوجي مب راضي..يقول لها اثر جانبيه وايد...وبصراحه انا بعد متخوفه منها...وامنع بالعزل واحيانا بالواقي..بس احسها طرق غير مضمونه ابدا...وكل شهر احاتي الحمل ...الحين يتني الدوره مرتين من بعد ال 40 لاني ما ارضع ...بس اول مره يوم يتني طولت 12 يوم و بغزاره...ويتني عقبها ب 35 يوم مع ان دورتي 28 يوم قبل الحمل..والحين المفروض كانت تيني من 4 ايام بس متأخره علي..وانا في رعب...ويتهيالي احساس اول ما حملت المره اللي طافت...
مب عارفه ش اسوي....
اللي تمنع طبيعي و منعت لمده سنين كيف قدرتي؟؟؟

ليش ماتستخدمون الواقي ؟؟

مرحبا بجعه
ليش ماتستخدمين الموانع الطبيعيه مثل العزل او الواقي
انتي صارحي زوجك وخليه يتعاون معاك وفهميه انك منتي مستعده للحمل لمره الثالثه قولي له اني بحاجه للراحه وانشاء الله زوجك راح يقدر ويتعاون معاك

انجل ايز:
ليه الواقي والعزل مو مضمون؟؟ لا تخوفيني؟!

الموانع هي
حبوب منع الحمل
العد مع اني ما احب هالطريقه لانها ابدا مو مضمونه
الواقي
اللولب
الابر >>> انا سمعت ان في ابر بس صراحه ما اعرف كم سنه

السلام عليكم ورحمة الله وبركاته

طيب يا جماعة...أكثر طريقة تريّح الراس...و لا تقلقي بعدها أبدا هي اللولب

هذه الطريقة للي فعلا يريد يمنع الحمل...بدون تفكير...

لكن طريقة العزل و الواقي هذه للي يريد كل شهر يقعد يقول ( يا ترى حامل أو لأ )

و طريقة الحبوب...هذه للي عندها إستعداد تتحمل الآثار الجانبية لها...

أم نتالي:

انجل ايز:
ليه الواقي والعزل مو مضمون؟؟ لا تخوفيني؟!

يقولون مو مضمون العزل لانه ممكن بالغلط ينزل شوي بالغلط..والله رعب...والريال مب دايما يحب الواقي

حتى انا خايفه من الحمال بس اغلب الضن بنستخدم الواقي

مرحبا اخواتي المتخوفات
انا لحد الان ما وصل للخوف مثلكم لاني حامل وهذا اول حمل لي ولكن بعد الولادة اكيد راح اكون مثكم

اللولب مو مناسب للكل انا اعرف نساء وايد حاطين لولب وبعضهم حملو والمصيبه اذا صار حمل احتمال يطيح الجنين مع ازلاله اللولب وهذي حاصله الى قريبتي واذا ما تبين ازالته الاحتمال اكبر انه يطيح الجنين بنفسه. واذا حطيتيه وماحملت يعني يناسبج وبس ضروري كل شهرين تفحصين حتى تتطمنين عدم وجود بكتيريا وفطريات عليه..

اما عن الابر فهي موجودة لمدة 3 سنوات ولمدة 5 سنوات وهذي ما سمعت عنها انها غير مضمونه بس تنفخ وااااااايد ( تصيرين دبه )

وتبون نصيحتي توكلوا على الله وبدون موانع ولا شي لان لو تسوين عمليه ربط والله رازقج بطفل جديد راح تنجبين واذا الله ما رايد يعطيج لو تضلين طول عمرج بالمستشفيات ما راح تنجبين

بصراحه انا هذا ايماني بالله. وما راح ارد نعمته والحمدلله على كل حال

بالنسبه لي انا وتجربتي من بعد ما اقتنعد بتجربة حريم اخواني
اللولب مافي غيره
والحمد انا بعد ما ولدت في وولدي بعد الاربيع يتني الدور وخفت اني احمل وعلى طول رحت وركبت الولب
وانصحج فيه هو الاضمن والاحسن

الله يستر بس!! كلنا ايدنا على قلبنا

بس انا قالولي اللولب يسوي نزيف اوائل الاشهر

وكيف يتم تركيبه ..؟؟

وهل يالم وقت التركيب ..؟

ابا الشرح بالتفصيل ...

bj3a:
بس انا قالولي اللولب يسوي نزيف اوائل الاشهر

وكيف يتم تركيبه ..؟؟

وهل يالم وقت التركيب ..؟

ابا الشرح بالتفصيل ...

على حسب جسمج كل حريم اخواني وخواتهم مركبين ولله الحمد ما له اي ضرر
واناصحج اتركبينه عند اوراس ماشاء الله عليها شاطره وايدها خفيه وماتحسين

اول شي تركيبه يكون بعد رابع او خامس يوم الدوره

وانا كنت خايفه ومتوتره دخلت عندها وراوتني شكله وشرحتلي طريقة تركيبه وكل شي وعطتني ورقته شرح مفصل عنه
وقالتلي يالله قلتلها اعور قالت مابتحسين
وهي اتكلمني وانى انطر قالتلي يالله خلصت قلتلها متى ركبتيه
شوفي لدرجه اني ماحسيت فيه
فأنصحج فيه رغم اني كنت خايفه وبعد ماسألت وعرفت وشفت ماشاء الله حريم اخواني احطونه سنتين ويحملون واردون احطونه سنتين ويحملون ماشاء الله ماله اي اضرار
والدكتوره قالتلي ان الشي الصحي للمرأه ان الرحم لازم يرتاح سنه كامله بعد الحمل ويتهيأ للحمل الثاني يعني لازم على الاقل اتريحين سنه بعد ولادتج
واذا حابه تعرفين اكثر انا حاظره

;كيق يكون تركيبه .. ووين يحطونه بالضبط