كيف اكبت هالأحساس .. سولفوا وياي ..

السلام عليكم يا حوامل ويا امهات ..

والله مادري انا شكلي ابا اكتب في كل قسم اليوم شي :dd: درت على الاقسام تقريباً كلها ..

موضوعي هو تعبير عن مشاعري المكبوته (عاش العربي ) وفي نفس الوقت نقاش واستفيد منكم ..

(الممنـــــــــــــــــوع مرغـــــــــــوب)

يابنات حالتي حاله :sad: ولدي عمره سنه ونص عسى الله يخليه ان شالله ... بعده صغيرون ادري ...

بس لأنه ممنوع اني احمل قبل لا اتخرج اي بعد سنة :bigsmile: فكله افكر ويحز في خاطري كل ما اشوف وحد حامل ..

اشتقت للحمل بشكل رهيب ( الشقا والتعب) واحب اسولف ويا الحوامل وايد واستعيد ذكرياتي .. :cry:

خاطري اعرف منو يستوي لها جي ؟؟؟

وكيف تكبتين (ردينا للعربي) :bigsmile: هالأحساس الجامح هههههه

مع اني متأكده لو اني حملت بأراده الله الحين بتضايق بسبب المسؤوليات والتعب والدراسه .. (صراع مع النفس)

والله اقول انا لو مانعه الحمل من نفسي يعني جي بدون سبب ما بفكر هالكثر .. لكن لأني ادري اني ما اقدر متبهدله جي ..


احساس الأمومة قتلني :cry: :dd: والله متضايجه واضحك على حالي ..

وحسيت بأحساس كل وحدة ماعندها اطفال .. ودعيت لهم من قلبي والله :shy:

وصايره احب ولدي بشكل كبيييييييير الحمدلله عسى الله يخليه .. كله احس انه مالي غيره
: او احس اني ما بيب غيره بسم الله علي ..

خبروني لو اتييكم هالحاله ..

تراني حبيت افضفض لكم (r)