ادعولي الله يخليكم

السلام عليكم عرايس
اشحالكم؟؟؟ ان شاء الله مرتاحين ؟؟؟

تقريبا كل يوم ادش هالمنتدى وهاي اول مشاركة لي وشفت اللي ماشفته فباقي المنتديات ان كل وحدة قلبها عالثانية واللله اني حبيت المنتدى عشانكم . وان شاء الله افيدكم واستفيد منكم.

أتمنى انكم تقبلوني كعروسة يديدة فهالمنتدى (~_~)

انا بقولكم قصتي واتمنى انكم تدعولي

أنا معرسة من 10 شهور وحملت على طول بس للأسف الحمل ماكتمل ماتتخيلون شكثر كنت فرحانة بهالحمل وكنت احس ان في روح انسان فبطني بس للأسف ماكتمل . انا ادرس في الكلية وكل يوم سايرة ورادة تقريبا بين الكلية والبيت ساعة الا ربع يعني اقعد في السيارة وماقدر ارقد وغير اني اتم 7 ساعات في الكلية وانا يالسة وعقب نزل علي دم وسرت العيادة وقالت لي الدكتورة الحمل عندج ضعيف وعطتني تثبيت الحمل وتميت على هاي الحالة اسبوعين تقريبا . وقبل مانش للكلية تم بطني يعورني حسيت بتقلصات فبطني ونزل علي دم وايد وقلت لامي قالت لي لاتسيرين الكلية بس انا الغبية قلت لها يمكن يخف وسرت الكلية وفي الكلية ماقدرت استحمل وايد بطني عورني ورديت البيت وسبحت وعلى طول سرت المستشفى . قالت لي الدكتورة خلاص نص الجنين طايح وبنسويلج عملية بس انا من الصدمة ماعرفت شو اسوا قلت لامي واختي شو السالفة يعني الياهل طاح قالولي هيه الله يعوضج بغيره ومكتوب عند الله انج تطيحين الياهل . وعقب استوت مناحة في المستشفى بس يوم شفت ريلي صحت زيادة حليله قعد يواسيني وهو روحه مضايج. ويوم طلعت من المستشفى سرت بيت اهلي وحاولت قد ما اقدر اني اتناسى بس للأسف الضنا غيرز وكل ما ارقد اتم اصيح. وللحين ماحملت وان شاء الله احمل عن قريب واستانس وافرح ريلي وياي وكل اهلي . المفروض اتيني الدورة امس بس بعدها مايت وفيني الام الدورة الله يخليكم ادعولي اني اكون حامل.