بموووووووووووووووووووووووت

لالالالالالالالالالالالالالاحبيبتي استعذي بالله من الشيطان الرجيم ومن وساوسه . انت كده راح تكفرى " اللطف عليك"

مافي بيت يخلى من المشاكل .لكن بالعقل والصبر وقوة الايمان الانسان بيقدر يستحمل.حبيبتي.ومهما كان هاذو اهلك اقرب الناس اليك هما عايزين مصلحتك ويمكن من خوفهم عليك تلاقيهم بيشدو عليك شوي .يعني مو كره منهم لك بالعكس بس احيانا من كثر حبنا للشخص بنشد عليه شوي زيادة. اكثري من قراة القران عزيزتي والاستغفار وان شاء الله يهدي الامور بينكم. بس ماتفكري في لي انتي كتبتيه .امانة عليك صغيرتي . انا موعارفة طبيعة مشكلتك بس لو حبيتي تحكي معي على الخاص اوكي وان شاء الله تكوني احسن

حبيبتي تعوذي من ابليس

في سن المراهقة انا كنت دوم اتهاوش مع بيتنا وخصوصاً ايام الدراسة الاعدادية

وصدقيني ياعمري باجر تكبرين تضحكين على عمرج

هذي حالة طبيعية اهلج مايفهمونج لان طريقة تفكيرهم غير عن طريقة تفكيرج والي

تشوفينه صح مو شرط يشوفونه صح

انا انصحج تقرين القرآن لانه يفرج الهموم واذكري ربج والله ماينسى عباده

مو تقولين لي بنتحر!!!! لاااااا وألف لا يالغالية

واذا انتحرتي على بالج بترتاحين؟؟ وراج عذاب اليـــــم

صدقيني كنت انا مثلج دوووم اصيـــــح واقول انتوا تكرهوني واقول محد يفهمني وصدقيني

فديتج باجر تكبرين وبتكون علاقتج معاهم احسن بكثـــــــــــــــــــير الا وبتكون ممتازة بعد

هذي افكار واحاسيس سن المراهقة وانا ماقولج انج غلطاااانة يمكن هم فعلا غلطانين

بس مع الوقت يا عمري صدقيني كل هالمشاكل بتنحل ومثل ماقلت لج اقري قرآن وادعي ربي يفرج لج همومج

وتذكري لازم انتي ابد ماتغلطين عليهم حتى لو هاوشوج خلج صابرة وهادية ومطيعة قولي لهم ان شاااء الله لما يأمرونج والله بيحنن قلوبهم عليـــــج

والله يفرج همج يــــــــــارب العالميـــــن

مشكوورين ماقصرتم على ردودكم والله انها ريحتني......

بس يارومانسيه انا اهلي يشكون فيني على اني اكلم شباب انضرب مانا مالي ذنب في شي
هذا غير الاهانات والله اني اسير المدرسه مرات يكتبوني غياب لاني مااحضر ولا حصه
اقعد اصيييييييييييييح انا ثانويه عامه وشكلي مابييب النسبه الله يستر ومشكوره فديتج عالرد...

فديت روحج والله


عادي وانا ياما صارت وياي من اخوي اللي على كل شي يسوي لي عرس

لدرجه انه كان ينبش في زبالة حجرتي تكرمين بس عسب يزخ على اي شي

بس الحمدلله شوي شوي اقتنع اني موب جيه

ولا تلومينهم من اللي يسمعونه هالايام

الله يعينج ويهدي بالج ان شاء الله

شدي حيلج في دراستج وما عليج من اي شي

احستبيه عند الله

الله يعينج اختي ويهدي بالج والله يهدي هلج
وانتي حاولي ماتسوين الشي الي يضايقهم وشوي شوي ان شاء الله يهدون واهتمي بدراستج ومستقبلج وابعدي عنج الاوهام واكثر من الدعاء والله يصبرج

سوري بس انتي شسويتي علشان يعملونج جذي

مشكورييييييييين (ابتسامة طفل وموجه الشرق ودفء الجليد)
والله اني ماسويت شي بس انا من النوع اللي احب الكشخه وعندي اخت وحده بس ماتحب الكشخه ابد فيوم يشوفوني اكشخ يروح تفكيرهم لاشياء ثانيه وغيره وغيره وااايد اشياء سخيفهعالعموم اشكركم لان كلامكم والله يريح وااااايد....

شووفي ياحبيبه قلبي

شغله مااعجبتني فيك تقولين انك مريضه وتتعالجين تدرين ليه

لانك انتي اقنعتي عمرك بهالشئ

بقولك شغله ترى كلنا نعاني من ضغوط نفسيه باي شكل كانت اللي من اهلها واللي من دوامها

واللي من زوجها وووووو لو كل هالعالم على طول انتحروا كان مافيه انسان بيدخل الجنه

عليك بالقران كل ليله شغلي سوره البقره جنبك وانتي تذاكرين

وشدي حيلك بالثانويه عشان تجيبين نسبه ترفع الراس وساعتها وربي كلهم يتغيرون

بيقولون هذا احنا شاكين فيها وووو وبالاخر جابت نسبه معناتها ان مافيه يشغل بالها غير دراستها

والله يوفقك ويرضى عليك

حبوبه البنات ماقصرو معاج كلامهم عين العقل

انتي كل ماضاقت عليج الدنيا تعالي اشكيلنا ولا روحي عند بنات المنتدى سولفي وياهم

ترانا كلنا خواتج يالغاليه

ولا تنسين الصلاه والدعاء

تبين الحل...لا تحاولين تسوين اشياء تثيرين فيها الشكوك حولج... على قولتج تتعدلين...تتكلمين مثلا بالتليفون..او تقولين بروح لصديقتي... حاولي تعتمدين على نفسج الى أن تتضح لهم الرؤيه انج غير ما يتوقعون...وهذا عادي حبيبتي في مثل عمرج شوي يصير نوع عدم التفاهم وسرعان ما يزول...ولا تخلين هالشي يطول...

الله وياج

بدي اقلك شغلة
الام اكثر انسانة تحس....... لو بنتها في الصين بتحس فيها
محد يشك كذا لازم شايفين حاجه
يمكن انك تغيرتي عليهم في تصرفاتك وطباعك
اعطاهم احساس انك عامله شي مو تمام
علشان كذا خفي من حدتك تقربي من اهلك اكثر من اول

السلام عليكم

ماشالله الخوات ما قصروا

ويا غلا الروح سنة الكون ان الامور الصعبه مثل الليل كل ما يشتد الظلام معناته الفجر قرب


الامور الصعبه والمشاكل تبدى كبيررررررررررررررررررررره وتصغر مع الايام

وعلى قولة اختي رومانسية باجر بتضحكي على هالامور

وانا مع الاخت كنوز البحرين

كل الشغلات الي تسبب لج هالمشاكل حاولي تتجنبيها

لا تقولي هذي حياتي وليش يدخلوا فيها وكل البنات يسوون نفس الشي محد يقول لهم شي

ترى هذي الجمله اللي ادمر البنات هالايام

يشوفو تدخل اهلهم على انه نوع من التخلف وسلب الحريه

يمكن بعض تصرفات الاهل فيها قسوة بس غيرج يا غلا من اللي خربت حياتهم يتمنو ان اهلهم

كسروا راسهم في صغرهم


انتي تقولي ان اهتمامج بشكلج والكشخه تسبب مشاكل لج

خليها بحدود المعقول ولا تبالغي فيها واذا يابت لج المشاكل بلا منها

المبايل اعتذري من كل صديقاتج اللي عندج على المبايل وانا نصيحتي انج تغلقينه لين تخلصي

ثانويه عامه
واذا بغيتي تتصلي طلبي من الوالد او الوالده واتصلي من تلفونهم

ترى نكلمج واحنا اكبر منج ومرينا ببعض هالامور خاااااااااااااااااصه

العناد والحساسية الزايدة والصوت العالي

ريحي قلبج وهذا اهتمام حتى لو كان قاسي من اهلج

تنازلي عن بعض الامور اللي انتي تحبيها علشان تريحي قلبج وقلب اهلج

ركزي على تصرفاتج انج تراعين الله فيها قبل لا تراعين رغباتج واحلامج

ومافي احلى من قربج من ربج علشان يشيل الهموم وشيلي من بالج انج مريضة نفسيا

بسم الله عليج من المرض النفسي

النفس لي تعبت يا غلا الروح دواها في كتاب الله وسنة نبيه


وان شالله ندعيلج ان الله يوفقج وييسر امورج ويفرج همومج وينجحج ونشوفج عروس

بسم الله عليج يا الغاليه

حبيبتي لا تنسين انهم والدينج يعني جنتج ونارج ..............و صدقيني كلنا انمر في هالأمور و

صدقيني ما لج غيرهم اهلج هم سندج الوحيد في الدنيا ...............سوي الي يبونه ولا تعانديهم

وصح انج بنت و البنات يحبون الكشخه انا مع البنات الي قالوا لج اتكشخي بس بشكل معقول

و بعيد انتي لاحقه على الكشخه خلي كشختج لزوجج ان شاء الله والحين دامج معاهم سوي الي

يبونه مهما صار فحق الوالدين وااااااااااااااااايد علينا وان شاء الله ...الله يسهل امورج و شدي حيلج

وفرحيهم بنتيجتج الله يوفقج يارب و يسعدج معاهم وخلج عاديه وكوووووووووووووول دايما

غلا الجروح والله عورتي قلبي...

لا تشردين ولاهم يحزنون اذا شردتي بتزيدين الطين بله والشك ماله حد...

وانتي حاولي ان ما تتطلعين برع البيت وايد هاي سنه وبتعدي وانشالله بتسيرين الكليه واغلب الوقت بتكونين بعيد عن اهلج..

ولاتنسين ان تدعيلهم بالهدايه حاولي لو فالاجازه اتنشين الفليل وتصلين ركعتين او قبل لا ترقدين صلي ركعتين وادعيلهم واايد...

واحنا وياااج ما بنتخلى عنج

فديييييييييييتكم والله واااااايد ارتحت بكلامكم ياحبايبي انا اتعالج عند الدكتوره والله وستخفيت ههههههههه تدرون اني مااطلع من البيت الا وانا ويه اهلي وبعدين لو اقولكم شو هي كشختي بتضحكون علي وعلى قولتكم خلي الكشخه حق ريلي واااااااااااااايد ابرك :shy: ههههه تسلمون عالردود فديتكم......(w) (w) (w)

حبيبتي البنات ماقصروا بس حبيت اضيف انو لما تشدين حيلك وتجيبين نسبة حلوة مثلك راح يتأكدون انو مو اي وحدة تتعدل وتلبس معناتها انها سيئة بالعكس الا ممتازة ومجدة بدروسها وتثبتين لهم العكس

وشغلي قرآن عندك بالغرفة حتى وانت تسرحين شعرك خاصة انو فيه قراء رووووووووعة مثل الشيخ ياسر الدوسري وناصر القطامي ومحمد اللحيدان ومشاري العفاسي

اسمعي لهم قراءات متميزة وان شاء الله تصيرين متميزة بكل امور حياتك

وطمنينا

FF0000

فديتكم ولله مشكورين عالرد
والله ماعرف شو اقول.......
تسلمين حبيبتي....

شوفي الغاليه
انا لما كانوا اهلي يشدون علي كنت مافهمهم وكنت اعتبرهم يكرهوني بس والله من يوم اللي صرت ام وانا صرت مجنونة كله اخاف من المستقبل عاد ان عيالي صغار ولين الحين تحت جناحي وما طلعوا للعالم الخارجي

ومع ذلك اخاف عليهم لدرجة اني احاتي اليوم اللي بيستقلون فيه عني وبيروحون للناس تعلمهم وتربيهم

تدرين ان الاهل لما يمنعون بناتهم من الخروج من البيت ترى من اللي يشوفونه ويسمعونه

وصلنا زمن يخوف يالغاليه

وانتي بنفسج تقدرين تخلين اهلج يثقون فيج باسلوبج وحركاتج وعقلج وكلامج وحركاتج

خليهم يحسون ان بنتهم ولا الف راجل على قولة اخوانا المصريين

وطمنينا عليج