بها الموضوع ، تشجعت واااااايد اكتب فيه، لأنه مهم وايد وانتو مش حاسين بهالشئ..:qaq:
حبيبتي بنت وام عروس:شو بقا ما حطيتي بشعرج________> صار حقل تجارب يا تصيب يا تخيب
كل الزيوت زينة، ما اعتقد انه اغلبيتها مو زينة، لكن كل شعر ونوعيته وغذائه من داخل الجسم يختلف من وحدة لثانية
من الزيوت اللي اسمع فيها واستعملتها:
اول شئ انوب= هالزيت زين ، دابر املا = روعة بتجارب الجميع،زيت الزيتون او زيت العافية مع الحلبة او الفلفل الحار = يقولون وايد مفيد وانا جربته هيماتاج، رتارتاج، زيت يحتوي جميع الخلطات( الحبة السودة+ الخروع ووو...)
الثوم، والخل وهالاشياء اللي ريحتها تلوع بالجبد ، المايونيز والبيض وووو....ما فكرتي كيف بتروح رحيته!!!!!
من قبل ما اتزوج ، كنت حقل تجارب لأي قصة تنزل او اي صبغة والله لدرجة امي كانت تحلف علي اني ما اقص والا اصبغ، والله كنت اكسر حلافها واسوي الي ابيه، شعري كان قسم بالله روووعة روووووووووعة ريلي كان يتخبل عليه ، خلاص عاد من كثر الصبغات والقص اخترب مرة وحدة ..
اذكر من 4 سنوات لما كنت بالجامعة: قصيت شعري لحد اذني والله، وتندمت وايد مع انه كان وااااااااااااااايد وايد جميل جدا على شكل ويهي وطوله علي بشهادة الجميع: اتعرفون شو قالت لي راعية الصالون، قالت لي لا تخافين شعرج بيطول بس اسمعي كلامي وتعالي لي كل اسبوع بحط لج تدليك نص ساعة بحمام الزيت بعدين بشغل لج البخار عليه وبتشوفين شعرج شو بيصير!!!
والله يا بنات ان كلامها صار صدق، كنت اروح لها كل اسبوع يوم الجمعة قبل ما اروح الجامعة وتسوي لي تدليك بحمام الزيت وبعدين البخار، شعري صار اطول بفترة قصيرة مع زيادة في النعومة لا تصدق ..بعدين ما قمت اسوي ونسيت السالفة ورجعت للصبغ والسوالف, الحين من حملت وولدت حسيت وايد بقيمة شعري ما خليت شئ ما سويته، رحت افخم الصوالين وتعبت، دفعت دم قلبي علشان خاطر شعري________>> وآخر شئ والله اني ما شفت احلى وافضل من هالآلة..
هيه والله اسمعوني هذي الآلة روعة للشعر، بخبركم شو آخر شئ قمت اسويه بشعري: احط الزيت اللي ابيه واللي يناسب شعري،واخلي شغالتي( شغالتي علمتها كل شئ بالبيت تدليك وتنظيف القدم واليد، والحمام المغربي، تسألني عن كل صغيرة وكبيرة احطه وقامت لما اوديها الجمعية تشتري لنفسها نفس اغراضي اونه علشان تسوي مثلي خخخ)) يحليلها تدلكني فيه لمدة نص ساعة ، احيانا اخلي البخار على الزيت واحيانا لما اكون مشغولة ما احط البخار على شعري وفيه زيت، بعدين اغسل شعري احسن 3 شامبوهات عجبوني للحين: لوريال للشعر المصبوغ وبانتين والا برت بلاس للأطفال، لا تضحكون بشامبو الاطفال والله ناسبني وايد مو شرط يكون للأطفال
وعلى طول احط حمام الزيت اللي اكثر حمامات الزيت وريحتها روعة وناسبني، اللي من ماركة لوريال قميته 70 درهمم حجمه صغير، مثل ما قلت لكم قبل انه من الميريديان ما ينباع في اي مكان غير الصالونات الفخمة، بس والله ما يغلى على شعري، اخلي بعد الشغالة تدلكني فيه لين ما احس انه شعري شربه حمام الزيت بعض منه واحط البخار
والله ما تتخيلوني كيف اكون فرحانة بعد ما اخلص من حمام البخار واشوف شعري ريحته تهبببببببببل وناعم وما فيه اي تشابك اقول الحمد لله اني طحت على هالآلة العجيبة..على طول احط السيريوم اللي احبه واستخدمه على طول بعد من لوريال وانصحكم فيه..وبعدين شوفي شعرج شلون يصير
الاسبوع الماضي قعدت اسبوع في بوظبي مع مرت اخوي، تميت اخبرها كيف هالآلة وانها وايد روعة ، اتعرفون اخوي قال افا عليج يا ختيه انا بروح ايبها لها بس انتي خبريني وين يبيعونه، خبرته في محلات نزيه او في القرية العالمية ،
الحين مرت اخوي لما كانت بالدوام فترة العصر ، اخوي راح شردة محلات نزيه واشتراه لها ، بس رجعت من الدوام حصلته والله انها تمت فرحانة قالت زين فكيتيني من الصوالين وانتظارهم وانا عندي ولدي وتعبانة حامل الحين
في بيت هلي: خليت اختي تشتريه ، بعد ما قعدت على راسها واقولها اشتريه مو كل شوي اتزوريني بالبيت علشان اسويه لج،:gum: والله وصار معاها واحد، وقامت تسوي فيه وشعرها اصلا حلو والبخار خلاه احلى واحلى ...الحيييييييييين يالله كل وحدة تقعد تفكرانها تشتري الجهاز وتقول تم ما ابي بس تقرون الموضوع ، هذا الجهاز لازم يكون في كل بيييييييييييييييييييييييت
صدقوني والله اني انقل لكم تجربتي وتجارب اللي حوالي بالجهاز وانه كلمة روعة وانه جهاز فعال ما توفيه حقه، اختمي عنايتج بشعرج بالزيوت وتعبج كله ،بعناية فائقة بالبخار مع ريحه حلوة بحمام الزيت.لا تغلين على شعرج هالجهاز انا شاريتنه ب350 درهم من القرية العالمية السنة الماضية،واعتقد بشكرة نزيه ينباع ب600 بسأل اخوي وبرد عليكم .خلي زوجج حبيبج يقول شهالزين يا شها الحلاة كلها انتي اليوم قمر 14:shy:
