دكتوره في جدة

انا سمعت عن د/ سمية العاصي بمستشفى بخش

كثير يمدحوون مستشفى المستقبل ياليت اللي تعرف من الاخوات تفيدنا :)

سحر ملودي
في سليمان فقيه وبس ماشاء الله عليها

انا بعد سمعت عن مستشفى المستقبل

بس ممكن تفيدونا اكثررررررر

وووووينكم حوامل جده ؟ ....... UP :)

سحر ملودي
في سليمان فقيه وبس ماشاء الله عليها

ايش رايكم في الدكتوره عزه . في مستشفى الاطباء المتحدون...

سلام يا عسولات

بالنسبة لسحر ملودي ممتازة بس وقت الولادة انتي وحظك مو دايما تحضر معاكي

أختي راجعت معاها ويوم الولادة قالولها معتكفة في مكة

وواحدة ثانية قالولها عندها عملية

وعلى دا الحال

بصراحة لا أنصح الولادة في فقيه أبدا

أنا حضرت مع أختي ولادتها في فقيه .. الحلو إنهم يخدروكي وما تحسي بالطلق .. بس بعد الولادة أختي قعدت يومين تهلوس وبس نايمة من تأثير المخدر .. وكانت وقت الولادة كل ما تقول آه أعطوها المخدر في المغذي .. الصراحة نظافتهم وقت الولادة مو قد كدا يعني الحبل السري قصوه ورموه في الأرض وصاروا الممرضات يدوسوا عليه

النظافة ترى سيئة عندهم والغرف حدث ولا حرج ..

الصراحة زي الأطباء المتحدون ما راح تلقون .. أنا الآن دا حملي الثاني وباراجع عند دكتورة هبة فؤاد في الاطباء .. أتعب أقلكم قد إيه عسل وحنونة

على فكرة دكتورة عزة ممتااااازة في الاطباء بس من زماااااان سابت المستشفى ومحد عارف فين تشتغل

مستشفى المستقبل قذرة جدا جدا جدا

هم بجهة والنظافة بجهة وفي منطقة معفنة أصلا والدكاترة فيها كلهم معرف على أي أساس صاروا دكاترة

أتمنى أكون فدتكم

اختي samsoma
انا ودي اولد في الاطباء المتحدون .. انتي قلتي على الدكتوره هبه فؤاد .. هل سمعتي عنها .. او ولدتي عندها قبل كذا ... ابغى اعرف عنها اذا كانت مممتازه او لا لاني انا قبل كذا ولدت في الاطباء عند الدكتور باسمه دلعو .. الله لايوركم .. بس الحمد لله ..
وانا عاجبتني المستشفى من حيث النظافه والسمعه .. بس ما ادري عند اي دكتوره اروح ..

انا مع كلام الاخت samsoma في كل اللي قالته عن مستشفى سليمان فقيه والمستقبل
وعن نفسي ارشحلك الدكتوره نوال السناني أو الدكتوره سميه العاصي في مستشفى بخش
كأفضل دكتورتين في المستشفى اما عن نظافة المستشفى وقت الولاده فلا توجد نظافة تخيلي زوجي يدخل معي غرفة الولاده بالجزمه (الله يكرمك )

هلا ام وجد55

أنا ولدت بنتي الأولى مع دكتورة هبة فؤاد .. ودحبن أنا على وشك أولد ولادتي الثانية وبرضه مع هبة فؤاد بصراحة تعاملها جدا حنون وعسل ودايما بشوشة .. باسمة دلعو جدا سيئة لأنها ما تبنج وقت الخياطة .. بصراحة ودي تجربي هبة وتقوليلي كيف

على فكرة سمية العاصي اللي في بخش كويسة بس الولادة والنظافة ما اعرف الصرحة ما جربت وما أعرف ليش ما أرتاح لهالمستشفى

ربنا يوفقك ويدلك على دكتورة تريحك يااااارب