كل الشكر اختي الغاليه على هالموظوع الي صدق بيفيد الكثير من البنات الحوامل وخااااااااااصه الي بالغربه حلاتي خخخخخخخ
بنسبه لي ماخليت وصفه ماكتبتها قبل الولادة وخصصة كشكول قسمته ثلاث اقسام
الممنوع بالنفاس
وقسم
الظروري بالنفاس
وقسم
النظافه والعناية الشخصيه
ماطبقة كل الي موجود لان بصراحه في شغلات غير متوفرة عندنا
بنسبه للعنايه الشخصيه كانت تجيني ممرضه للبيت تركيه عطتني علبه فيها مثل البهار قالتلي تستخدمينه غسول لمدة عشر ايام بصرااحه واااااااااااااايد مفيد بس للاسف لا اعرف اسمه ولا اعرف اتفاهم معاها لانها تتلكم الماني وتركي فقط
امتنعت عن الشوكلاته والمياه الغازية والبقوليات لاني كنت ارضع بالفترة النفاس .
دفية عمري قد ما اقدر وخاصه انه كان وقت شتااااااء وثلج .
هذا الي اذكرة الان ولي رجعه ان شاء الله موظوع راااااااائع .
مرحبا اختى الغالية حبيت افيدك باالمعلومات الى ممكن كثير من الاخوات يستفيدو وتحاميل البوثيل اعرف كثير يستخدمنهن ويفضل استخدامه بعد الدورة الشهرية بثلاثة ايام ويفضل فى النفاس يغسل بماء وملح العادى وارطاءمرة بااليوم مفيدددد جدافى التام الجروح وشد المنطقة
: مرحبا اختى الغالية حبيت افيدك باالمعلومات الى ممكن كثير من الاخوات يستفيدو وتحاميل البوثيل اعرف كثير يستخدمنهن ويفضل استخدامه بعد الدورة الشهرية بثلاثة ايام ويفضل فى النفاس يغسل بماء وملح العادى وارطاءمرة بااليوم مفيدددد جدافى التام الجروح وشد المنطقة:clap:
ياليت الكل يتفاعل لأني ماأعرف هالشغلات وودي استفيد لأني على وشك ولاده
أ
أم القمر والعسل
عروس ماسية
02-12-2006 | 11:40 PM
السلام
انا عن نفسي جربت تحاميل البوثيل بس انا ماجاتني الدوره بعد النفاس على طول فوصفتها لي الدكتوره
وقالت لي استخدميها وانا 2 بس كانوا كافيين لتنظيف الرحم لكن قالت لي استخدمي الثالثه واذا جتك الدوره استخدمي الثلاث الثانيين لكن انا استخدمت 2 وجات الدوره فبعدها ان شاء الله رح استخدم الباقي لان فعلا ممتازين لان اشوف اوساخ مثل الاغشيه تنزل وهذا دليل على ان التحاميل مفيده وتطلع الاوساخ فعلا
لكن انصحش ماتستخدميها الا باستشاره الدكتوره احسن
ام جود
العزيزه ام سعيده
الحمد لله على السلامه مره ثانيه
شوفي حبيبتي صحيح انا ما جربت الولاده
بس جربت تحاميل ال ALBOTHYL
الدكتوره كتبتلي إياهم لأنها قالت عندي التهاب خفيف
هذه حبيبتي تحاميل مضاده للألتهاب و غير مكتوب عليها أي شي للتضييق او غيره !!!!
و لما تستخدميها لازم ما يكون في علاقه مع الزوج أبدا
هذا إلبلي أعرفه من تجربتي و ان شاء الله تستفيدي
شكرا ام سعيده موضوع فعلا مفيد
لاني على وجه ولاااااااااااااااااااااااااده الله يسهل
على الجميع
ا
الزوجه الصالحه
عروس جديدة
04-12-2006 | 03:49 AM
:sad: افيدوني أنا على وشك ولاده
موضوع حلو جزاك الله خير اختي ام سعيده انا بعد على وشك ولاده وهذي ولادتي الثانيه
بالنسبه لنفاسي في المرة الاولى ماتذكر اني اتبعت قواعد معينه او شي بس كنت اكثر من شرب الحسو (الرشاد) وادفي روحي قد ماقدر واتغسل بماي دافي وكنت اتنقع في غسول اسمه املاح البحر الميت كتبتها لي الدكتوره يوميا لمدة ربع ساعه
هالمره ودي اني استفيد اكثر من نصايح النفاس خصوصا عن طرق ترجع بطني مثل ماكان او عن التضييق خبركم بعد هذي ثاني ولاده انتي وقت اللعب دخلنا بالجد ههههههههه
على فكره انا في نفاسي الاول كنت اشرب عصير برتقال طبيعي ثلاث مرات باليوم تفاديا للامساك بس سمعت ان الحمضيات مب زينه للنفاس والله اعلم
ابي اتاكد من هالمعلومات هالمره
اتمنى اني افدتكم وان شاء الله نستفيد اكثر من معلومات الامهات الباقيات
موضوع ممتاز جدا يا أم سعيدة
تسلمين يالغالية و الحمدلله على سلامتج
كنتي ويانا في الرابطة و أكيد ربيتي صح ؟
أنا ربيت ليلة العيد و يبت ولد ربي يحفظه ايجنن تبارك الله و سميته ( سعود )
يالله شدو حيلكم نبا نستفيد
يالله سؤال كيف نتخلص من آثار التمدد الجلدي اللي تصير في فترة الحمل ؟؟
أنا حاليا استخدم زبدة الكاكاو بس ما حس الآثار خفت !!
و بالنسبة للكرشة :) شو سويتو وياها هي تقريبا مب واضحة واايد بس لازم اتكون موجودة عالأقل حاليا ،، أنا ما عندي غير شفط البطن على داخل و بالذات يوم آكل أحس بالفعل له نتايج ايجابية :)
ها شو رايكم و شو أخباركم و يا النفاس ؟؟؟؟؟؟؟؟
الله يعطيج العافية اختي على هالموضع...
أنا اول ما ولدت قالي الدكتور انتبهي تستخدمين اي شي لا مرة ولاشي حتى الملح لا تتنقعين فيه، تنقعي بس بماي دافي لمدة 10 دقايق 3 مرات باليوم، وفعلاً الماي الدافي مريح جداً...
وكنت أشرب حسو بس مش دايماً، وكل اليوم عالفطور امي تسوي لي كاس حليب مع 7 حبات تمر في الخلاط يصير مثل الميلك شيك وطعمه حلو...
بالنسبة لتحاميل البوثيل انا استخدمتها قبل ما أخلص الأربعين ب 12 يوم، تاخذينها يوم وترك قالت لي عنها بنت عمي انها تنظف بس بصراحة ما حسيت انها سوت شي، وبعدها اخذت تحاميل ملح فارسي رائعة تنظف وينزل منج ماي كثير واستخدمتها لمدة 6 أيام وتنظف بسرعة... ويقولون لنها تضيق بس ماادري لأن الدكتور سوالي على قولته جراحة تجميلية الى غشاء البكارة مع ان هذي اول ولاده لي والبيبي كان حجمه صغير...
بالنسبة للتشققات الحمد لله ماطلعت لي لكن بطني صاير لونه غامق كثير صار لي 3 شهور والده وللحين لونه ماتغير...
ان شالله اكون افتدج...
اتفاعلنا و الله يا ام سعيده !!!!!!
