من زمان ما نزلت موضوع وعقب طلبات المعجبااات........:cool2: شو اسوي مصدقه عمري
يايبه لكن مرقه سمج....أكيد احنا في الخليج دوم انسويها بس حبيت أتحفكن بطريقتي (:gum: متواضعه)
والحين يالله نبدأ
المقادير:
أي نوع من السمج..
بصل مقطع مربعات
شبت، كزبرة، وبقدونس (مفرومين)
لومي يابس (أسود) مقطع
طماط مفروم في الخلاط
بطاط مقطع ومحمر
فلفل أخضر بارد
فلفل أخضر حار (اختياري)
بهارات مشكله
صلصة طماط
&&&&&&&&&&&&&&&&&&&&
افركي السمج بالكركم والملح وخليه حوالي نص ساعه.
اغسلي السمج وبهريه بالبزار (البهارات المشكله) وخليه في الثلاجه على الأقل ساعه
حمري البطاط
الحين حمري السمج تحمير وسط (نشفي السمجه من الماي عشان ما تلصق في التاوه)
شلي السمك وخليه في صحن منفصل
صبي الزيت اللي قليتي فيه السمج في صينية وحمري فيه البصل شويه وضفي بعدين الكزبرة والشبت والبقدونس والفلفل الأخضر...واخلطي لين ما تذبل..
ضيفي اللومي اليابس والبهارات وصلصة الطماط وحركي شويه
وبعدين ضيفي الطماط اللي خلطتيه في الخلاط...اخلطي وخليه حوالي خمس دقايق على نار هاديه...
ضيفي كمية ماي مناسبه ولا تنسين البطاط اللي حمرتيه ...خليه 5 دقايق على نار متوسطه
وبعدين ضيفي السمج وممكن تضيفين كمية اضافيه من الماي لو تحبين كمية المرق تكون اكثر...ولا تنسين في هالحالة تضيفين صلصة طماط وتضبطين الملح..وممكن تضيفي ملعقة ليمون فرش حامض وممكن بعد أوراق الليمون...تخلي ريحة المرقه خنينه
خلي المرقه حوالي 10 دقايق على نار من هاديه لمتوسطه....
زيني الصالونه بالكزبرة وقدميها ويا عيش أبيض وسلطه ويا سلام لو آجااااار عربي...يمييييييي
