الله يخليكم قول من معه الحق انا ولا زوجي

السلام عليكم ورحمة الله وبركاته

خواتي انا ترددت كثير في كتابة هذي الرساله بس والله ماني قادره اتحمل مافي عندي احد من اهلى اشكي له انا لوحدي في بلاد واهلى ببلاد ثانيه اذا ضاقت بي الوسيعه لجت لربي ابكي له واشكي له همي بس ببعض الاحيان الانسان يحتاج الي شخص يتكلم معه ياخذ ويعطي معه ويقوله اذا كان هو في تفكيره صح ولا غلط


ادري اني طولت عليكم بس اعذروني واتمنى انت تتحملوني

مشكلتي بدت لما زوجي فنش من شغله وقدم استقالة رغم اني كنت معارضه لهذا القرار بس هو ما سمع كلامي وسوا الي في باله ونسي ان عنده زوجه واطفال

المهم قلت قدر الله ومشاء فعل ولم ايئاس من رحمة لله فضلت اصلي وادعي واكثر من الاستغفار عسى الله ان يفرجها علينا وصبرت وتخليت عن اشياء وايد وهذا واجبي كزوجه وام

وللامانه زوجي ماخلى دائره حكوميه ولا قطاع خاص ما قدم فيه بس للاسف يتم رفضه علماً انه جامعي ومعدله جيد بس وين ما يطقها عوجه حتا الواسطه الكبيره مانفعت معه الحين لنا سنه ونص

كل يوم اقول ان شاء الله الاسوع الي بعده واذا خلص شهر اقول الي بعده

المهم قبل فتره سمعته يكلم واحد من ربعه ويتلكم معه عن وظيفه بس بعيده في البحر يروح يقعد اسبوع او اسبوعين والراتب جدا كبير

انصدمت لما سمعته يقول حق ربيعه انه يعرف وانه بمجرد ما يقدام السي في حقه راح يوفقون عليه

تكلمت معه وقلت ليش رافض

قال الدوام طويل وشغلهم تعب ولو تحت اي ظرف مراح يشتغل هناك

قلت له فكر فينا انا وعيالك لنا سنه ونص وحالتنا تعبانه

قال مافي شي ناقص عليك ماكله شاربه وعيالك بعد احمدي ربك

انقهرت من كلامه ومسكت اعصابي وقلت الحياة مو اكل وشرب فيه اشياء ثانيه من حقنا نعيش من الناس ونلبس وفكر انا الحين انا حامل وكله كم شهر واربي قال باخذك وبحطك عند اهلى وانا عارفه ومتاكده وواثقه ان اذا انتقلنا بيت اهله يعني اسنى انه يفكر يشتغل لان المسكن ببلاش والاكل ببلاش وخلاص هذا الي يبيه وعادي عنده اذا اشتغل براتب ثانويه عامه اكتشفت انه ماعنده اي طموح اهم شي يكون هو مرتاح ومو مهم انا وعياله

اخواتي حقيقه ماني عارفه كيف اتصرف وايش اسوية معه

عطوني رايكم قول لي هل انا غلطان يمكن اكون غلطانه وماني حاسه او انا مكبره السالفه وهي صغيره والله اني بديت اشك بنفسي من بروده باقي على الاجار ثلاثه شهور وبعدها على بيت اهله

اخواتي الله يخليكم انصحوني وش اسوي ادعولي ان الله يفرجها علي انا جدا تعبانه