أصغر مني بأربع سنوات

تجربه الطلاق تجربه صعبه واكيد لها جراحها ولها تاثيرها على التجارب القادمه

حتى لو ماكان اصغر منك راح تخافي وتتريثي كثير

لكن ترى مو عيب اصغر منك
الرسول كان اصغر من خديجه
عارفه بتقولي كلام الناس وهو بعد كم سنه ايش بيقول عني
لكن تاكدي وثقي تماما لو هو فعلا يحبك وبيتفاهم معاك عمره ماراح يفكر بالسن وراح يكون هاجس لك انتي وبس
الرجال اذا عجبهم شيء مايشوفوا الا الي عجبهم وبس
يعني لو كنتي واياه متفاهمه عمره ماراح يهتم بمساله السن

اختي اذا كان العيب الوحيد هو السن والتخوف من الماضي والامه توكلي على الله وقومي توضي وصلي واستخيري واطلبي من ربي الخيره وتممي الموضوع واذا تم ثقي انها خيره من الله
والف مبروك مقدما

قبل كل شئ استخيـــــــــــــــــــــــــــــــــــــــــــري

و بعدين انا و ياج..لازم بتترددين في البدايه من بعد التجربه السابقه..

بس ليش تعبين نفسج...طليقج باجر بيتزوج...و انتي بتمين بحسرتج..

استخيري حبيبتي و توكلي على الله...و العمر عمره ماكان سبب لكلام الناس

الناس بتتكلم حتى لو مافي سبب...

وحطي في اعتبارج نفسج و راحتج...مب راحة الناس...

يوم تطلقتي...نفعوج في شئ؟؟؟؟

خلي كل شئ على جنب و استخيري و اقري سورة البقره كل يوم..

وبإذن الواحد الاحد..راج يجيج الفرج...

الله يسر امرج و يفرج همج و يرزقج الزوج الصالح اللي يسعدج

و يعوضج عن اللي عانيتيه

فجر الخيول ، ندايم ، دموع

مشكورات خواتي. كنت اتوقع بتقولوا لي صغير وما ينفعك بس ردودكم كانت غير. طبعا مستحيل اغفل عن صلاة الاستخاره.

بفكر في الموضوع وأنتوا لا تنسوني من دعائكم ترى والله محتاجته.

ياأختي جاءك نصيبك لاترفضين


الحمد لله إن رزقك زوج آخر بعد الطلاق من الزوج الأول

هناك الكثير يتمنون يطرق بابهم ليخطبوهن من أهلهم

وقالوا لهم أهاليهم إذا جاءك واحد طلب يدك وافقي مباشره

حتى ولو ماعنده وظيفه أهم شي الأخلاق

والله العظيم أعرف الكثير من الفتيات ومن خيرات الفتيات لم يطرق بابهن

والله دعوت لهن من كل قلبي أن يرزقهن الزوج الصالح وييسر أمورهن

بينما شاهدت الكثيرات من الفتيات ذات اخلاق قليله ويرزقن الزوج

بسبب جمالهن من الخارج فقط بينما من الداخل لاشي فقلت

قدر الله وماشاء فعل ربما بعد الزواج يصلح مابداخلها

والحمد لله بعد الزواج تغيرن للأفضل .......


لاتقطعي رزقك .. إستخيري الله ......

والرسول تزوج خديجه وهي كبيره في السن والحمد لله عاش معها .

انتي مريتي في تجربة وللحين احساسج مجروح .. اتمنى انج تفكري بعقلانيه وتستشيري ناس قريبين منج وياريت انكم تسألون عن الشخص عشان تقدري تاخذي قرار

يمكن التغاضى عن السن اذا كانت شخصيته مشجعة على الإرتباط من حيث الأخلاق والتدين و تحمل المسؤولية

ولعله يكون تعويض من الله عن تجربتك السابقة

لا ترفضى بدون تفكير عميق وجدى فى الموضوع

الله يوفقك ويكتب لك الخير

وطمنينا عنك

ربى ملوح ، خنفوره ، تنثر الكون عطرا مشكورات حبيباتي على ردودكم وربي يقدم اللي فيه الخير.

ببلغكم بآخر أخباري اذا جد جديد. وعسى ربي يفرج عليكم وعلى الجميع كل هم.

خواتي كلهن اكبر من ازواجهم


باكثر من اربع سنوات

لكن ولا واحد منهم عمره حسسهن بهالشي

ترا هذا يعتمد على الشخص وما يهمج كلام الناس اهم شي سعادتج وراحة بالج

استخيري وما خاب من استخار وتوكل على ربه

أختي إبتسامة طفل

مشكوره على الرد. والله طمنتيني. عسى ربي يكتب اللي فيه الخير.

استخيري

ترى العمر هب مهم اذا كان فيه تفاهم
والله الموفق

استخري اهم شي

وخل يسالون اهلج عنه ميت مره

شنو اهو من رجااال


وربي يكتب لج الى فيه الخيررررررررررررررررررر

مرحبا حبوبة يزاهم الله الف خير يوم جالولج استخيري استخيري استخيري لاتهتمين بالسن استخير ي واتوكلي على الله والله وياج يالغالية :ok:

فعلا حبيبتي استخيري وماندم من استخار وشوفي بعد الاستخاره شنو يطلع معك اذا الله كاتبه لك وكاتب فيه خير بيتيسر ان شالله

اللي وياي بالعمل زوجها اصغر منها ب 3 سنوات.. وتقول انه ولا مرررره حسسها انها اكبر منه واهي مر على زواجها 6 سنوات...
يعني السن مو اشكاليه اذا وثقتوا في الشخص ...

اختي اول شي اتسوينه انج اتصلين صلاة الاستخارة ولا تحطين في بالج انج مو موافقة يمكن الريال شاريج وبعدين اسألي عنه زين وعن واخلاقه اهم شي وإذا الله كاتب نصيب افتحي صفحة يديدة في حياتج وتعلمي من الماضي عشان تحاولين ما تكررين الأغلاط نفسها في المستقبل والله يوفقج ان شاء الله

h127، زورق ، ملكة الوادي ، نواره

مشكورات حبيباتي. بستخير ربي.

بس تصدقوا خواتي ساعات أحس المشكله مو فيه أو في غيره. ساعات كثيره أحس المشكله فيني أنا. أحس ما عندي ثقه بنفسي. أقول اخاف اتزوج ويجرحني الانسان اللي باخذه وما اعجبه أو شي من هذا القبيل.

يعني بالمختصر المفيد ثقتي انعدمت مره وحده بعد الطلاق.

ادري المفروض ما افكر كذا لاني احسن بكثييييييييييييييير من غيري ولله الحمد بس هذي المخاوف تخليني وايد أحاتي.

أني ضد الزواج برجل يصغرك سناً.........

اختي خيال ملاك. مشكوره على الرد بس ما قلتي ليش انتي ضد الفكره؟ ممكن نعرف الاسباب؟

حبيبتي بلوبل أول شي أتمنالك التوفيق بحياتك وتلقين اللي يعوضك عن كل اللي صار بالماضي

:)

شوفي يالغالية انا أحس انه وايد عادي لو تزوجتي شاب أصغر منك وخصوصا انه 4 سنين مو وايد

في ناس بينهم أكثر ومتفاهمين حيل

بس أكيد ضروري الإستخاره قبل كل شي واذا من نصيبك بتاخذينه بإذن الله

بعدين دامه هو شاريك وماهمه العمر خلاص

انا من مدة كتبت موضوع عن صديقتي متقدملها واحد أصغر منها بسنة ونص

وبصراحه شجعتها حيل على الموافقه لأنه شاريها ويبيها من زمان وفوق هذا ملتزم وماعليه كلام

ويمكن يعرسون قريب

:)

حبيبتي يكفيك سيدنا محمد عليه الصلاة والسلام لما تزوج السيدة خديجة رضي الله عنها وهي تكبره بوايد مو ب 4 سنين !! وكان يحبها حب كبير

بعدين انا ولد عمي متزوج وحده أكبر منه ب5 سنين ووايد مستانسين ويا بعض وعندهم بنوته
الله يخليها لهم ..

يالله حبيبتي طمنينا عنك

بالتوفيق

:)