والله محتاره ساعدوني؟؟

8 ولا وحد ردت ليه طيب ؟؟
ساعدوني

الف مبروك على الحمل وعقبال الولاده ان شاء الله
بالنسبه للكريمات ينصح باستخدامها بدرى عشان الحلمة ميحصلهاش تشققات من الرضاعه ولون الحلمة بيتغير وبيختلف من حمل والتانى ومن واحده والتانيه يعنى كل حمل وليه ظروفه
من قبل غرفه الولاده بتكونى قالعه ملابسك ولا بسه لبس المستشفى بس ممكن تكون تحته ملابسك الداخليه لكن لما يجى ميعاد الولاده بيطلبوا منك خلعها
وانا مفهمتش يعنى ايه غرفه الرضاعه تقصدى الغرفه اللى بيحطوا فيها المواليد بعد الولاده لو تقصدى كده بتكون غرفه كبيره فيها زجاج عشان كل واحد يقدر يشوف ابنه
بالنسبه لرضاعه البيبى اللبن فى صدر الام لاول مره بيتأخر تقريبا 3 ايام بس تقدرى تحاولى معاه عشان البيبى يتعود على الحلمه وكمان تكونى اتعلمتى الوضع الصحيح للرضاعه وهل بيعلموكى هناك والا لاء انا عن نفسى محدش علمنى اتعلمت مع نفسى وبعد معاناه الحمد لله مشى الحال بس تقدرى تقوليلهم يعلموكى وطبعا والدتك ربنا يخليهالك خبره
بالنسبه لاجهزة الشفط للاسف معنديش فكره بس تقدرى تسألى فى الستشفى اللى هتولدى فيها ان شاء الله
بس عندى نصيحه ليكى فى المستشفى علطول بيدوا البيبى لبن صناعى لغايه ما اللبن ينزل فى صدر الام تقدرى تقوليلهم لاء وتديله جلوكوز عشان بعض الاطفال بترفض ترضع طبيعى بعد ما ترضع صناعى وربنا يقومك بالف سلامه