أحس حد كفخنى هالويه

حبيبتي من حقج تضايقين و تزعلين .....لانه معروف من ناحيه الذوق والاتيكيت في التعامل انه الهديه لا ترد ولا تهدى ....يعني انا شايفه موقف هالأخصائيه ما يدل لا على الرقي ولا على الذوق بأي شكل من الاشكال....وبعدين شالمشكله لو قبلت الهديه .....هي هديه عاديه عربون شكر....مو رشوه....والله مدري هالاخصائيه وش سالفتها .....لا و تحرجك بعد /....يعني يا صانع المعروف في غير أهله ...هالمثل ينطبق عليج حبيبتي....لانج صنعتي معروف في غير أهله ....بعدين انا مثلا جات فتره كنت مريضه و كنت أتعالج في أمريكا ...وكان دكتوري بروفيسور و شي عظيم في الطب ...و كنت دايما اهديه هدايا لما اسافر امريكا ...تكون شغلات بسيطه مثلا ربطه عنق حلوه او زجاجه عطر...وكان يقبلها و هو مستانس .....و هاي العلاقه الحلوه بين الطبيب او الاخصائي والمريض.....
بصراحه حبيبتي هي الغلطانه مو انتي....بالعكس انتي موقفج وايد ذوق....وهي صج تقهر
خلاص بالعربي خليها تولي...ولا تزعلين روحج يا قمر:)و\الحمدالله انه بنتج بدت تتحسن:):)

خيتو لا تحطين بخاطرج انتي عطيتيها وهي بدوااااااااااااااااام اكيد مرح تقبل لانه ان حد جافها من مسؤليها بوديها بالف داهيه رشوه والخ فيعني طبيعة اي عمل نخلي الواحد ارد الهدايا........ يعني لو بتقولين طيب نحن خلصنا علاج معها بس ماعليه مرؤسينها مايفهمون هالشي وبعدين انتي كذيه تعدوينها لو انتي وكمن شخص كذيه سوى نفسها ببتعود عالهدايا فيوم محد بيعطيها بتضايق لانها تعودت فبتفتحين باب عليها كانن مغلق فانصحححححححححححححج نصيحة لا تهدين حد في وقت العمل وبسب عمله

يعني الموضوع خارج نطاق تحكمها

مشكوره أختى يا قمر الزمان..

سافرت كم مره علاج لندن مثلج أخذ لهم هديه سيطه يفرحو فيها وايد


المهم يجزاك الله خير يالغاليه

لا تضايقين الغاليه

يمكن عندها سببها عشان مب حلوه فمكان عمل

واذا كان سبب ثاني الله يسامحها

مشكوين خواتى ...
بنت حوه
حاوه دبدوبه
يعطيكم العافيه ياربى

والسموحه

طبيعي ماتقبل الهديه بالعمل وحتى خارج العمل طالما مرتبطه معاك بشيء بخصوص العمل الدين والشرع يحتم عليها ماتقبل منك اي هديه خصوصا انه المعرفه الي بينكم بخصوص العمل و بس
حبيبتي لاتتضايقين منها انتي كانت نيتك طيبه وهديه لمجرد الهديه
لكن في ناس نيتهم خبيثه وعندهم مبدا اكل العين يستحي الفم
اول يهدونك وبعدين خذ الطلبات قدمي لنا مو عد اخري لنا موعد دخلينا اول وووو وتبدا المواقف المحرجه واعتقد تفكيرها كان من هذا النوع
عشان كذا لاتزعلي منها
ورده فعلك الي صارت لك منها لازم تتجنبيها يعني لازم تتاقلمي انه ممكن يصير لك موقف بايخ زي كذا لازم تتعلمي انه يكون عندك قدره تمتصي الاحراج بسرعه وتففاعلي معاه بسرعه ياغاليه عشان ماتتضايق نفسيتك بهذا الشكل
يعني كان ممكن لما ماقبلتها تتفهمي موقفها وتبتسمي وتقولين لها انا ماهديتك الا بنيه طيبه
لكن عموما معاك حق واعذريني انا اسفه

النبي صل الله عليه وآله وسلم لم يرد الهدية

وانتي االي عليج سويتيه بس يمكن اهي رفضتها عشان اسباب او احد ياخذ عنها فكرة انها تاخذ هدايا من المرضى بس المفروض ترفضها بلباقه مو جذي

بس انتي طنشي ماعليج

لا تتضايقي اختي
هالمرأة معذورة ، اكيد هي فرحت بهديتك لكن على الاغلب انهم في الادارة مانعينهم ياخذوا هدايا من المرضى ، ومرات تكون العقوبة فصل من العمل .

لا تتضايقين حبيبتي ...
فيه ناس ينحرجون ... بصراحه انا احيانا ارد الهدايا لأني بجد اكون منحرجه مرررره

يا ستي صلي على النبي محمد صلىالله عليه وسلم

وعادي اكدي لها بعذرها

وهي حره تبيها ولا اعطيها لنفسك

هلا اختي حصه

لا تحطين في خاطرج صدقيني هذا الشي عادي
وصدقيني كانت بتقبلها لو انج زايرتنها في بيتها ومقدمتلها هيي الهديه
لانه اكيد هيي من النوع الحساس اوالمحافظ
خافت حد يشوفها وهيي تاخذ او حتى يشوفها عندها وهيي طالعه من عيادتها من الممرضات
لا تحطين في خاطرج
انتي على الاقل يا بنت الحلال
سويتي باصلج الطيب وكان اسلوبك وايد حلوه
يدل انج انسانه طيبه وحبوبه وقلبج نظيف ابيض
كان ودج تكافينها عشان اهتمامها في بنتح واسلوبها الحلو

صدقيني هيي اكيد شافت فيج هذا الشي الحلو انج انشالله طيبه بس خافت من شغلها ومركزها
لا تكدرين نفسج ولا تحطين في بالج شي غناتي

بصراحة انا احترمت هالأخصائيه وايد ... لأن شي طبيعي ما تقبل هدية على عملها

اختي لا تاخذين الموضوع بحساسيه .. بالعكس فرحي واستانسي لان بنتج كانت بيد أمينه تخاف

الله .. الله يعطيها على قد نيتها والتمسي لها العذر أكيد لها وجهة نظر مقتنعه فيها

وعليكم السلام ورحمة الله

انتي فكري بشكل ايجابي علشان ترتاحي مثل ما قالوا البنات عن الاسباب اللي تخلي

بعض الاشخاص ما تقبل الهدايا


وبصراحه انا موووووووووول ما احب حد يهديني شي :) والسبب نصة احراج ونصه اني

طبعي انطوائية ما ارتاح للعلاقات الاجتماعية سواء السطحيه او العميقة

وقبول الهدية عند بعض الناس معناته تعمق العلاقة

وانتي عارفه في ناس احم احم مثلي يعني ما يحبون هالشي :)


اختي لا تهتمي والناس مشاعر واحاسيس ما نقدر نغير فيهم شي ما نحبه

يمكن انتي اعتبرتيها مثل اختج وحبيتيها في الله بس ما تدرين هي شو مشاعرها

هي شكلها حذرة بتعاملها مع الناس وتحط حدود للامور فلا تزعلي عليها

اول شي قبل ما نحكم على الحرمه ان ما عندها ذوق و نتكلم عنها نحاول و نقارنها بكفار ما عندهم مذهب من الاساس نلتمس لاختنا سبعين عذر

و الخوات ما قصروا .. هذه مب اجنبيه و اكيد تعرف الشرع و المعروف ان الهديه في العمل رشوة ... و ان شاء الله لو شو كانت ...


و انا مثل الاخت سكون ..بصراحه احترمتها وايد .. مثل ما تقولين ان معاملتها ممتازة و متقنه عملها .. و اكيد هيه تبا تحافظ على صورتها جدام ربها و المسؤولين و نفسها ...

يعني تخيلي لو هيه قبلتها من هنا و انت طلعتي و هم سولها سالفه كبيرة على شي ما يستاهل .. مب بهذه الطريقه هديتج راح تظلمها .. او ممكن الموظفين يتكلمون عليها من وراها

انتي بهذه الطريقه ممكن تضرينها ...

فيا اختي قبل ما نشل في قلبنا على انسان و نحس انه جرحنا .. نفكر كم ممكن نحن نكون قريبين من انه نضره

و عمرج ما تقارنين كافر بمسلم .. لان الكافر لو تهدينه غرشه خمر بيحبج وايد ... و هذه هديه بعد .. بس هم ما عندهم شي اسمه حرام و حلال .. عندهم شي قانوني و غير قانوني ..

و لو غرشتج العطر سوتله حساسيه .. ممكن يرفع عليج قضيه هههههههه

[frame="4 80"]من الذوق انها تتقبل الهديه ...
لكن في بعض الناس مايهدون لها هديه للشكر ولكن يهدونها للمصلحه
مثلا للزواج او للصداقه وهي دكتوره يعني اكيد صادفها هالشي
ولاتاخذين بخاطرج هي اكيد ماتبي تزعلج لكن في نفس الوقت ماتبي تاخذالهديه[/frame]

لاتزعلين منها

في اطباء ماخذين عهد انهم مايقبلوون هدايا من المراجعين وفي اماكن العمل اغلبها جذي مثل عندنا في البنك اللي يقبل هدايا من العملا عطوول يوقع على ورقة استقالته

فكان لازم تكونين متوقعه انها بترجع الهديه

مشكورين عالرد خواتى والله رفعتو من معناوياتى....

بس حبيت اوضح لكم اني مب قاصده اسبب لها مشاكل بدوامهم او شىء

ولا كنت معتبرتنها رشوه ولا غير .. لان اصلا بنتي خلصت العلاج .. يعني لا محتاجه

تجدم موعد او تاخر .. وبس ...

عالعموم .. حصل خير.. وكل انسان يتعلم من غلطه ..

ويعطيكم العافيييييييييييييييييية