كل حاجه عملتها وجربتها فى شعرى ونتيجتها من 5 سنين لدلوقتى اللى يحب يستفيد

[grade="00008B FF6347 008000 4B0082"]السلام عليكم يا بنات عاملين ايه انا حبيت اكتبلكم عن كل حاجه جربتها وعملتها فى شعرى واللى نفع وايه اللى منفعش معايا ونتيجته
اولا_انا من 5 سنين كده كنت مدمنه حنا كل اسبوع اعملها مرتين او مرة واحده والله العظيم شعرى كان حلو جدا مكنش مقصف وكان يتحمل كتر السيشوار عليه المهم اقولكم على الحنا اللى انا كنت بعملها
حنا+اتنين بيضه+قشر رمان مطحون +كركديه مغلى+بودرة دم غزال للون الاحمر كنت بعجنهم واخليهم تقريبا ليله وتانى يوم احطها 6 ساعات على شعرى والله من غير زيوت ولا اى شىء شعرى كان ناعم جدا وصحى موت
لما سيبت الحنا وصبغت واهملت شعرى طبعا ضعف جدا واضطريت اعتنى ببيه علشان جوازى اللى فاضله 6 شهور
جربت الجرجير والتوم بس شعرى تساقط ومشفتش نتيجه
جربت مجموعه زيوت بس كمان شعرى وقع ومقبلش الزيوت خالص
اخر حاجه بقى اللى هى البوب بتاع كل الخلطات الى عملتها ومستمرة عليه من 6 شهور فاتوا
اتنين صفار بيضه+اربعه م عسل ابيض+اربع م زيت خروع
بحطه على فروة راسى 6 ساعات وبس وبعمله تلات او اربع مرات فى الاسبوع
والله يا جماعه شعرى اتحسن تانى وبعد ما كانت جوانب شعرى رجعت ورا دلوقتى شعرى نبت تانى ورجع لطبيعته وكمان فى شعر جاى على ادام زى القصه الصغنونه كده فعلا الماسك تحفه
حاجه مهمه بقى بستعملها
عملت محلول اعشاب من ورق الكافور والسدر والزعتر والريحان والروزميرى وغليتهم مع بعض وحطيتهم ببخاخ وكل يوم او مش شرط يعنى يوميا ببخ على فروة راسى منه
المحلول ده بقى بيتقل وينعم ويمنع التساقط ويقوى ويخفف التقصيف بالشعر وطبيعى ميه الميه
بس هو ده كل اللى عملته وجربته فى شعرى لحد وقتنا الحالى وشعرى نبت ونعم واتحسن عن اول وطول الحمدلله
اخيرا ونصيحه منى بقى الحنا ثم الحنا ثم الحنا متستغنوش عنها بتتقل الشعر جدا وتطوله والله انا خلاص شريت حنا وهرجعلها من تانى لان مفيش احسن منها فى المفعول
يارب اكون افدتكم بحاجه مفيدة ومستنيه بقى ردودكم عليا[/grade]