الماي نزل بس ؟؟؟

هذا دليل انه الولادة قربت ياختي

ومب شرط يكون على نفس الموعد

وتولدين بالسلامه اختي

انزين هي مافحصت عليج اذا عنق الرحم مفتوح او لا؟؟

ما قلتلي شي بس قالت سيري البيت ... انا خايفه وايد

الله يعينج انا في اول ولاده نزل عليه ماي بالتدريج وعقب 6 ساعات ربيت بعد ما شربت زيت الخروع
بس حاولي تطولين فالمشي

تسلمون ... الله يستر وإن شاءالله خير

مرحبا اختي
نصيحه روحي المستشفي لان اعرف انه مب زين
حرمت اخوي جذه وطلعت من المتشفي يوم ولدة في مستشفي ثاني قالت لها
انه خطر علي البيبي ممكن يصيبه التهاب وتقومين بالسلامه

مثل ما قلتلج امشي قد ماتقدرين .... ماعليه ولا تخافين ان شا الله تربين بالسلامه .. الله يسهل عليج

حبيبتي شيخه البيت
لا تخافين توكلي ع الله
انا مثلك بالغربه ونزلت علي المويه يوم الاربعاء الظهر على دفعات خفيفه ومع الم خفيييييييييف يروح ويجي رحت لهم قالوا نفس اللي قالولك بالضبط اذا ماولدتي خلال ثلاث ايام احنا راح نولدك واذا تغير عليك لون المويه تعالي
بس الحمدالله بدات معي الالم يوم الخميس وفجر الجمعه ولدت
وتدرين ليه ماكشفوا عليك؟؟
لان اي وحده ينزل معاها المويه يخلونها لمده ثلاثه ايام
ولا يكشفون عليها لانهم يخافون يدخل اشياء تضر البيبي وخاصه انه فقد المويه
حبيبتي والله حاسه فيك عادي توكلي ع الله وادعي وامشي واشربي قرفه وانشاء الله الالم راح تجي وتولدين
الله يسهل عليك ويقومك بالسلامة
ولاتنسين تطمينا عنك

اختى

اذا نزل الماء بتدفق لدرجه انه غرق رجليك

او

نزل عليك دم او زلال مخاطى مختلط بدم

او

قلت حركة الجنين

او

حدوث انقباضات فى الرحم ( الطلق) بصوره متكرره كل ربع ساعه مثلا يعنى بيزيد مش بيقل

كدا معناها ولاده يااختى

لو حصل اى حاجه من دول يبقا تروحى المستشفى

ولما شافوكى لقوا عنق الرحم متوسع او لا؟؟ عموا فحص لعنق الرحم؟؟

مادام شافوكى وقالوا كدا يبقا هما شايفين انك لسه مش فى ولاده

انتى خليكى على استعداد ممكن تدخلى فى ولاده ان شاء الله فى اى وقت

ربنا يقومك بالسلامه ويكمللك على خير يارب

يسعـدنـى مشـاركتكــم فـــى

:.::مشـروع فرصـة العمـر::.:

.:.مـشــروع.. يـلا نجـهــز للـجنــــة.:.

صفحــة تنفيـذ مـشـروع يـلا نجـهــز للجنـــة

صفحـة تسميـع مشـروع يـلا نجـهــز للجنـــة

أزيــــاء غيـــر ,, غيــــر ..

تسلمولي ...الحين الألم قاعد يزيد اشوي بس يروح وبعدين الألم يوم ايني ما اقدر اتحرك واحس انه ابغي اسير الحمام بس ما في شي ... عادي

الله يسهل عليج.....

حبيبتي سيري المستشفى...مب زين الماي ينقص عن الياهل...

الله يحفظ الجنين...بس قلة الماي تاثر....

طمنينا عليج الغاليه...

مرحبا شيخة البيت
انتي اللي فيج هو الطلق خاصه الماء نزل بس الطلق بعده ما زاد عليج
اتوقع ولادتج قريبه و يمكن ينزل منج شوية دم
ااذنزل دم علطول المستشفى و اذا زاد الطلق بعد ارجعي لمستشفى
تقومين بالسلامة يا رب
و ربي يسهل عليج

شدي حيلج حبوبه و اذكري الله ذي بداية طلقج خلي زوجج معاج و لا تجلسين وحدج تراها ولادة باذن الواحد الاحد قريبه


الله يهون عليج يا رب و نسمع اخبارج الحلوه بقومتج بالسلامه

الله يهون عليج .. يالله عاد طمنينا ...

الله يهون عليج ويقومج بالسلامة
وتحضنين البيبي بين ايدينج يارب


دمتم سالمين
اختكم شريفة