الدنيا مشاكل وهموم

اخواتي قبل شوي كنت اقرأ مشكلة للاخت دودا من مصر وكانت عارضة مشكلة لاحدى صديقاتها عن انها انخطبت لشخص وغلطت معه وبعدين افلس وانفسخت الخطوبة .............................................. الى آخر القصة المهم الكثير رد عليها وبصراحة ردهم ممتاز
لكن هنا انا تذكرت نفس القصة حدثت مع احدى البنات الي اعرفهم سبحان الله بخبركم عنها واباكم تعطوني رأيكم انا بصراحة ما حبيت اتدخل بموضوعها بس من شفت موضوع الاخت قلت خليني استشير البنات هنا يمكن اقدر افيدها وأحل المشكلة

الموضوع

ان هالبنت كانت قبل الزواج على علاقة وصار لها نفس الي الصار مع الاخت السابقة يعني غلطت يعني البنت بصراحة كانت ادور على انسان تحبه ويتزوجها تحاول تتعرف على شخص المهمم غلطت وعلى حسب كلامها انها حبت تتوب المهم لما تقدم لها شخص وافقت عليه لكن خافت تخبره ويفضحها وتزوجوا لكنه ابدا ما كلمها الظاهر الزوج حب يستر على زوجته والحمدالله لكنه ظل شايلها في باله الحبيب صار يحاول يهجرها شوي شوي يعني بالشهر يجيها مرة وحدة بس او مرتين على حسب وما كان حابكنه انه يخلف منها ........
لكنه خلف يعني على أساس ان هالبنت او الولد ة انقطع عنها يعني لا قالها السبب ولا عاتبها على الماضي ولا شي ابدا انقطع عنها حوالي سنة ونص البنت كانت تتصل له تقوله احتاجك تعال لي فاهمين علي الزوجه لما تحتاج زوجها ........ وبصراحة كانت تقولي انا محتاجتنه احتاج لزوج لرجل يحميني ويصوني كل اهوال الدنيا يقدرني وهو ابدا ما سائل عني قلت لها اصبري ....... المهم هجره لها طال وفجأة تعرفت على رجل تقول حبها وحست معه بالراحة والحنية والطيبة لكنها في نفس الوقت كانت تترجا زوجها يرجع عليها قبل ما تغلط تترجاه لكنه ابدا ما يفهم ولا يسمع لها
وللاسف انها غلطت مع هالرجل المهم ندمت .......... الزوج بعد هالسنة والنص رجع وحس فيها انها بعيدة عنه يمكن لطول المدة او ما ادري بصراحة المهم جلس معها جلسة وتصارحت هي معه وخبرت بالماضي والحاضر قال لها انا كنت اعرف انج مو بنت بس حبيت استر عليج لكن الحين ما اقدر اسامحج البنت حاولت معه قالت له سامحني ما راح اعيدها خلك معي بجنبي انا احتاج لك تحميني احتاج واترجاك وانت مطنشني

المهم النهاية انه قال لها مافي حل غير الطلاق وبشرط اخذ الاولد وتشوفيهم وقت ما تحبي

البنت ندمانة وما عارفة انا بصراحة ما عرفت شو ارد عليها

فشو تنصحون خواتي كيف تتصرف قلت لها حاول تتقربي من الله روحي الحج وتوبي من الي سويتيه يمكن الله يغفر لج لكنها قالت هو يبا يتم كل شي الحين خلال هالفترة

ممكن تساعدوني اني اقدر اساعدها على الاقل انا عرافة انها لو هو صار جنبها بتحمي نفسها يمكن هو قصر كثير وهي غلط كثير بس الي صار صار نبا الحل الحين