التجارة عن طريق موقع

بصراحه كان ودي أساعدج بس ما عندي جواب لسؤالج وان شاء الله الباقيات ما يقصرون معاج ويعطيج العافية

هناك فروع كثيرة لموقع الامازون الشهير وافضلهم http://go.3roos.com/a8CYG24VR9x

وانا افضل الاول لانه يوفر افلام ديفيدي مترجمة الى العربية طبعا مو كل الافلام :)






وطريقة الطلب ما يلي

1-اول شي تكتب الشغلة اللي انت تبيها من عناوين افلام او اسامي فنانين او اسامي الالبومات
على سبيل المثال batman begins
يوديك على نتائج البحث







اول ما تدش على المنتج اللي تبيه يطلعك تفصيل المنتج يعطي يقولك شنو داخل الغلاف!!

2-التسعيرة بالجنيه الاسترليني طبعا بعد الخصم!
3-اهني يبينلك المنتج المعروض من الافراد طبعا بسعر اقل من سعر الامازون وتحصلهم مستعمل استعمال خفيف بس ما اضمنلك يمكن ما يقدر يدزه بره بريطانيا وبعض المرات ما يكون بنفس مواصفات المنتج المعروض بالموقع
4-اذا عجبك المنتج المراد شراؤه تقدر تحطه بسلة التسوق طبعا بعد التأكد من مواصفاته ويكون مترجم عربي او انجليزي اذا كان المنتج ديفيدي





5-هذا بيانات الديفيدي والريجون او المنطقة اللي يشتغل فيها الديفيدي
6-هذا مواصفات الديفيدي يعني بالعربي يبينلك اللقطات الخاصة ودعاية الفيلم ومقابلات الممثلين والمخرج وخلفيات لسطح المكتب وحافظة للشاشة وخلاف ذلك
7-اهني ترجمة الفيلم ويبينلك انه من ضمن الترجمات الموجودة بالديسك اللغة العربية




بعد ما تحط المنتج بالباسكيت او السلة يقطك عند الصفحة الرئيسية عشان تكمل التسوق وتطبق نفس الخطوات السابقة واذا تبي تروح للكاشير طق على كلمة View Basket او انظر الى السلة عشان تشوف الماجلة وتكون في قمة صفحة الموقع ويمها رمز العربانة :)


ولما تشوف المنتجات اللي شريتهم طق على المربع الاصفر "proceed to checkout" يعني ودني عند الكاشيرعشان ادفع :)


بعدين يقطون على صفحة الدخول تحط ايميلك وبعدين تظلل على i'm new customer يعني انا زبون يديد طازه واترك مربع الباسوورد وخله فاضي
اهني المهمة الكبرى



8-اول شي تكتب اسمك الكامل بالانجليزي وبعدين تحط بالفراغ الثاني عنوان بيتكم او عنوان صندوق البريد بالانجليزي طبعا يعني على سبيل المثال


اذا تبي المنتج يوصل عند باب بيتكم اكتب جذي
قطعه 2 شارع 4 منزل 45 الشويخ السكنية بالانجليزي Block 2 Street 4 House45 Residental Shuwaikh
او اذا تبيه يوصل بصندوق البريد اكتب 11237 P.O.Box 114,Safat , Kuwait


اترك الفراغ الثالث
بالفراغ الرابع حط المدينة اللي انت عايش فيها الشويخ السكنيةمثلا او اسم منطقتك
بعدين بالخامس حط البلد "الكويت مثلا" والسادس الرمز البريدي والسابع اسم البلد والثامن رقم تلفون البيت او الموبايل





بالصورة رقم 6 يبينلك خيارات التوصيل اذا تبيه بالبريد الممتاز او العادي وطبعا السعر يفرق ونصيحتي انك تحط العادي اول شي توفير ثاني شي انه بريد مؤمن عليه
تحت تفاصيل المنتج تشوف رمز التغليف يعني اذا تبي غلاف عشان تهدي المنتج حق صديق او حبيب ويكلف جنيهين ونصف الجنيه يعني حوالي دينار كويتي





بالصورة رقم 7 ابيك تسوي التالي
تنقي خيارات الدفع اما ببطاقة فيزا او ماستر كارد او بشيك مصدق او بأرسال الاموال وانصحك بالفيزا لانه اضمن واحسن
9-تختار نوع البطاقة اما فيزا او ماستر
10-رقم البطاقة
11- تاريخ الانتهاء
12-اسم صاحب البطاقة
13-خيار الدفع اما بشيك او ارسال النقود
14-ضع الباسوورد

ولما يتأكد الكاشير او الموقع من صلاحية بطاقتك راح يعطيك الفاتورة ويوريك تفاصيل الشراء والعنوان وكل المعلومات اللي حطيتها ولما تتأكد من ان كل شي اوكي طق على Place Order يعني خلاص تأكدت من كل شي وابيك توصل بضاعتي حالا اهني توصلك رسالة وفيها الفاتورة ويعطيك مهلة يومين عمل يمكن فيها تغير رايك ويسمحلك بتبديل المنتج او زيادة او الغاء المنتجات اللي شريتهم بعد يومين توصلك رسالة انه البضاعة طلعت من المخزن والموقع سحب فلوسك من البطاقة :)

[اختي انشالله قدرت افيدك لو بشي بسيط
بس للأسف الصور معرف ليش ماطلعت
منقول للأمانه

السلام عليكم
بارك الله فيك