معي حق ولا لأ؟

شووفي حبيبتي

اكيد كلنا بنتضايق لو حصل هالموقف

بس مانقدر نقول الرجال مايحق له ينصح حتى لو ماهو من الهيئه

جزاه الله خير اللي ينصح بهالزمن

وبرضو بيض الله وجه زوجك فيه رجال لو يصير له هالموقف تلاقيه يسبب مشاكل

وانتي ان شاء الله انك تخافين الله وتعرفيه بس يقول ذكر ان الذكرى تنفع المؤمنين

بعطيك مثل لو اجيك واقول لاتنسين الصلاه جزاك الله خير بتقولين خير وش عندك انا اصلي واعرف ربي

لا طبعا اكيد ان فيك خير ولكن قد يدركك احيان الوقت بسبب الشيطان لعنه الله فان اتى احد وذكرك فانما ارسله الله لك

وسعي خاطرك حبيبتي والله يسعدك

اختي ما تهااب


مشكورة اختي على الرد وانا مو قصدي اني ما اتقبل النصيحة بالعكس ما كان كتبت علشان اشاوركم


انا ما ابي زوجي يكون سلبي ويفقد الثقه فيني انا كان نفسي يقول للرجال


جزاك الله خير بس زوجتي ولله الحمد متستره وانا راضي عن غطاها


انا ما ابي احد يدخل بخصوصياتي لا سيما اني اتغطى لاني اخاف من الله مو للناس او للهيئه

تسلمين ياقلبي

بس انا مااشوف زوجك سلبي

وين السلبيه ؟؟؟؟ وين فقد الثقه؟؟؟

الرجال لافقد ثقته بزوجته تلاقيه شكاك ومنكد عليها عيشتها ومايروح معها لاي مكان كان لانه بطبعه مريض

ولكن انتي وزوجك ماشاء الله تمشيتوا وصادفكم موقف ورد زوجك بكل ادب واحترام للشخص اللي كلمه

رده كان عين العقل للرجال

هلابك بينا اخت وعزيزة

اختي

بلاش تعملين من الحبة اوبه زي ما بقولوا

الموضوع خلاص انتهى

ومافي داعي تعلمين زوجك كيف يرد على الناس ويتعامل ...ترى اكرة ما على الرجال ان حرمته بالذات تعلمة كيف يتصرف , انتي بهالشكل تجردينة من شخصيتة

يعني تبينه يفتح تحقيق معاه ليش ؟؟ وانت شنو وظيفتك ؟؟ وما يخصك ووو

انتي بمكان عام وبالأماكن العامة عادتا الناس تحترم نفسها قبل لا تحترم غيرها

انا وخواتي تعرضنا بالسعودية للكثير مثل موقفك

ورجالنا ينهون الموضوع زي ما عمل زوجك

عشان يمشون الأمور

كلمة تنقال والسلام ... جزاك الله خير او عساه في ميزان اعمالك ...عاد هو ونيته وفي رب يحاسب...

انا متعاطفه معاك

[grade="00008B FF6347 008000 4B0082 DC143C"]هلا حبيبتي الصراحه زوجج على صواب والناس في هل الايام ما يسكتوه الا بهذه الطريقه

المهم طنشي وانسي السالفه واعتبريها من الماضي[/grade]

ياحبيبتي لاليس معك الحق انك تزعلين من زوجك
لانه لو رد على الرجال راح تصيييييير مشكله
وتتجمع الناس لان الرجال راح اكيييييد يرد على زوجك تتطول السالفه
وتتكلم الناس طبعا فيييكم وتصييييييييير سمعت زوجك طبعا مو زييييييييييينه
واكيييييد الناس راح تزييييدفي الكلام وانتي خابره الناس مايحتاج يتحرون ادنى كلمه
عشان يزيدن من عندهم ومايحمل انك تزعلين من زوجك على حاجه ماتستاهل
هذا دليل على ان زوجك شجاع ولا عطاه اي وجهه وقال الله يجزاك خيييييير
وخلاه يروح وينهي السالفه
هذا الريي الشخصي
وانسي لسالفه

لا تكبرين الموضوع حبوبه
و لا تناقضين الرجال في المواضيع هذي

اخذيها مني لو انا حاطه نفسي بكيس و مسكره على روحي
زوجي يقول لي تغطي و تستري و و و و انا الحمد لله مثلك متستره

بس لا قال لي جذي اول له ابشر و فالك طيب

و الله يستانس

لو انتي قلتيله ان شاء الله و يزاك الله خير و الله يخليك لي و الحمد لله انه لي زوج يحافظ علي و يحب لي الستر و الله يبيستانس و حتى لو ما غيرتي شي بيستانس

بنات الله يجزاكم خير

















ما قصرتو شكلي فعلا كبرت السالفه بس والله مقهورة ما ادري من الرجال او من زوجي

انا مع الاخوات ان زوجك ماشاء الله رجل عاقل وفكرفيك قبل مايفكربنفسه الله يهنيكم بس فعلا احنا الحريم نتسرع وننفعل بسرعة وسعي صدرك وانسي السالفة كلها

لاحول ولاقوة الا بالله

الله يهديك بس

انتي سألتي معي حق او لا

اسمحي لي اقول لا

انتي تضايقتي من ردة فعل زوجك الصحيحه لكن مازلتي تبين المشاكل لو ماتبينها انسي الموضوع وخلاص

يعني انتي وش تبين من زوجك الحين ؟؟ تبين تتهاوشين معه والا تبينه بالمره الجايه يتهاوش مع الهيئه !!

تصرف زوجك ونعم التصرف لكن انا مادري بعض الناس اذا ماعجبهم تصرف الهيئه يقلبونها هوشه حراااااام هم ينصحون مايسبون والا لأن الناس شايفه ان الهيئه تسكت لهم وقت الهوشات هذا دليل ضعفهم لاااااااا والله الا اجرهم على الله لكن من يقدر

والله اذا الوحده غلطانه او لا تقول جزاك الله خير وانتهينا يعني مب معقوله تتهاوش معهم لأنهم نصحوها

انا احس ان اللي سواه زوجج اهو اللي صح لان مب عدله يهاوش الريال قاله جزاك الله خير وخلاص مع ان هذا انسان حشور ماله خص في هالامور بس ماعليه انسي السالفه عشان ماتكبر

جوريتا:
السلام عليكم ورحمة الله وبركاته



بنات انا جديده هنا والحمد لله اني انضميت لكم وان شاء الله استفيد منكم ومن خبرتكم

حياك الله معنا عيوني =>

جوريتا:
انا حصل لي مشكله مع زوجي



كن انا معاه في مجمع تجاري وكنا نتسوق وفجأه جاء رجال ملتزم وقال لزوجي خلي زوجتك


تنزل نقابها قاله زوجي جزاك الله خير وانا ماكنت ادري عن شئ


لما طلعنا من المجمع قالي زوجي ترى الرجال قالي خلي زوجتك تنزل النقاب


انا انهبلت لاني ولله الحمد عباتي على راسي ووسيعه مرره ونقابي عادي جدا بس مو وسييع


وكنت حاطه كحل داخل العين وخفيف من امس بعد يالله يبين وحاطه الطرحه فوق النقاب


يعني ما امدح نفسي لاني ام عيال وحامل ولاني من بنات هاليومين والمجمع كان مليان بنات


عبايات على الكتف والمخصر واللي فاتشين



المهم انا قلت لزوجي ايش قلت له قال بس قلت له جزاك الله خير


انا زعلت عليه وقلت المفروض انه ماله دخل فيني انت زوجي ووحدك اللي تقولي اتغطى او لا

اول شي الله يبعد المشاكل بينك وبين زوجك .. ثاني شي احمد الله ان عباتك على راسك وتحبين الستر .. من جد استانس انه فيه ناس للحين متمسكين بسترهم والله يهدي الجميع ..
ثالث شي .. حبيبتي وسعي صدرك .. وشوفيه من ناحيه ثانيه ..

الرجال هذا اللي كلم زوجك ما جا يكلمه الا وهو خايف عليك .. لان شافك متمسكه بالحجاب الساتر ماشاالله تبارك الله ( الله يثبتك) .. انا اقول يمكن مثلا الطرحه ارتفعت عن النقاب بدون ما تحسين .. و طلعت عيونك .. انا ماادري بس اقول يمكن .. وهو طاحت عينه عليك بالغلط وخاف عليك من عيون بعض الناس الله يهديهم .. لما حس انك ملتزمه بحجابك ..

بالعكس موقف حلو منه .. وين اللي ينصحون هالايام والله كلن يجامل ولا احد يفكر يقول الحق الا من رحم ربي ..

وارجع اكرر .. هو ماجا كلم زوجك الا من باب الغيره على اخته المسلمه المتستره .. مو انه والله شايفك من اللي يتعمدون الفتنه الله يهدينا وياهم يارب ..

جوريتا:
وهو مو من الهيئه علشان اقول ممكن يحق له يطالع وينصح


يعني ما نيب مصدقه انه ملتزم وقاس نقابي معناته انه ما غض النظر

مازلت متمسكه انه احتمال كبير انه طاحت عينه عليك بالغلط .. ولا لو احد مكانه كان جلس يطالع ولا فتح فمه بشي .. الله يجزاه الخير ..

جوريتا:
انا منقهرة من زوجي مررره هو يقول انه الرجال ينهى عن المنكر ياربي ووين المنكر اللي انا


سويته والله اني متستره وشكلي مثل اللي يشحتون عند الاشارات


ما فيني لا زينه ولا تبرج


بنات معي حق ولا لأ ؟

ياعيوني انتي ماتعمدتي تسوين منكر .. وانتي ماشاءالله عليك عباتك على راسك .. يعني هو عارف انك مو متعمده .. ومازلت اكرر يمكن ارتفع الغطاء شوي بدون ماتنتبهين وهو خاف عليك .. بعدين رد زوجك عليه في منتهى العقل ماشاالله ...

انتي تخيلي معي .. واحد مع زوجته وزوجته من اللي الله يهديهم ويهدينا اجمعين .. لو جا واحد ونصحه انا متأكده انه بيسوي له مشكله .. لأن هو عارف انه غلط وماوده يتكلم احد فيه ..

لكن رد زوجك يأكد انه هو واثق فيك وبنفس الوقت شكر الرجال اللي كان خايف عليك ..

وسعي صدرك ترى الدنيا ماتسوى .. والحمدلله انه للحين فيه ناس يخافون علينا وينصحون ..... :shy: