مديري .. .. ماساه حياتي

:sad: والله يا بنات مب عارفه شاقولكم

لكن اضطريت اني الجأ لكم بعد طول عناء

واتمنى من الله ثم منكم انكم توجدون لي الحل وتكونون بجذي تساعدوني وتكسبون فيني اجر

قصتي هي مع مديري ...اول ما داومت اكن مديري هندي ...وعقب طلع وجا مكانه قطري

في البداية حسيت ان مديري اوكى وبديت ارتاح ...وكنت اتحاشا اكلمة على اساس اني استحي منه ...وهو كان يتصل فيني ويقول لي ليش ما تمرين مكتبي ولا تقولين لي صباح الخير ومادري شنو ...

ماعلينا مديري كثير كلام ومابي اعور راسكم بكلامه التافه

اللي صار يا بنات ...ان مديري قام يحذف علي الشغل ..والله يا بنات انه ياخذ الشغل من موظف ويقطه علي ...وفوق مانا مشغولة يجي يحن فوق راسي او يتصل فيني وايد ...ويطلب مني اسوي له اشغال

واخر اللي صار ...قالي انا ابي اعطيج شغل ثاني ...اصندمت :qaq:

وصار هالحوار بيني وبينه

هو : مب على كيفج ترفضين لازم تشتغلين انا مديرج ولي الحق اني امرج
انا : بس مب لهالدرجة ..يعني انت تريح غيري وتكرفني ...هالشيء ما يرضي الله
هو : يعني انتي تبين تقعدين فاضية
انا : :sad: ...حرام عليك انا والله مب فاضية واذا مب مصدقني كلم مسؤول قسمي وهو بيقولك شكثر شغل عندي
هو : بعد هذا مايدل على اني ماعطيج شغل

:angry: :angry:
والله يا بنات اني تضايقت وعصبت وقمت اكلمه وانا ارجف واحس اني ودي اصيح ومنقهره

والله ثم والله اني اشتغل ومب فاضية يابنات وهو مادري شفيه علي

وعقب وهو يكلمني ..جاتني الصيحة ...طلعت من مكتبه وهو يناديني ..ورحت اصيح في الحمام ...:sad:

ومن يومها وهو ما يكلمني وفي الاجتماعات كله يتكلم عني ..بس برموز والموظفين والموظفات عارفين انه يقصدني ويكمل بوقاحة ...تعب نفسيتي ...وقام يقطط علي شغل لاقصى الحدود ...

تعبت يا بنات وانا محتاجة للشغل علشان اساعد زوجي

وهو مب حاس فيني ..والله ثم والله اني منقهره منه وايد ....


ساعدوني شنهو الحل

:sad: :sad: