الظالم لن يطول ظلمه فان الله يمهل ولا يهمل

سكون:
اللهم أحسن خاتمتنا .. والله لو الناس تفكر بلحظه ان الدنيا ما تسوا شي كان محد ظلم أحد

مشكورة أختي على هالقصة المؤثرة

انسه فله:
السلام عليكم ورحمة الله وبركاته

خاوتي بنات عروس انا قريت مشاكل بنات وايد واكثرهم مظلومين فحبيت اخبركم بهاي القصه لعلها تخفف عنكم................

خواتي هذي قصة ناس يقربون لنا كان ام الزوج عايشه مع ولدها بالبيت واخت زوجته عايشه معاهم واعيالهم فام الزوج كانت دايما تشتكي من سوء معاملة زوجة ولدها واختها تخيلوا الحرمه كانت كبيره فالسن والله شكلها يكسر الخاطر انا كنت صغير بس كنت اسمعها تشتكي منهم.........كان ودي اساعدها.........

الحرمه ذاقت منهم اشياء كثيره وصبرت صح كانت تشتكي بس ماتقدر تدافع عن نفسها لانها كبيره فالسن حتى تخيلوا مابالغ كانوا هم عايشين في الفيلا وهيه عايشه برع في غرفه..........

مرت الايام وماتت أخت الزوجة من الم فضيع كان يجيها في الرأس وبين نومين تتنوم فالمستشفى وكان ماينفع معاها شئ مالمستشفى مش عارفين اتيش فيها وسافرت مصر وماتت هناك
وبعدها ماتت العجوز الله يرحمها......
وبعد مامرت سنين ... الزوجه فجاها مرض الكيلى والله مابالغ انها سافرت مصر وسوت اول عمليه وفشلت وبعدين سوت عمليه ثانيه ورجعت الامارات ايام وتنومت فالمستشفى..........وعقبها بكم يوم ماتت كانوا يسولها غسيل وهيه ماتحملت المرض..........

وشفتوا الله يهمل ولا يهمل صح العجوز ماتت..وهم طبعا ارتاحوا بس راحتهم ماطولت ........

والله يهمل ولا يهمل..........
واللي تحس نفسها تنظلم لازم تصبر وحقها عند رب العالمين.....الله يمهل الظالم بس الظالم مايعطي نفسه فرصه يسامح ويتوب.........

اللهم احسن خاتمنا يارب

آآآآآآآآآآآمين

rose2006:
تسلمين على القصه والله فوق كل ظالم.
اختي حبيت انبهج على جمله كتبتيها غلاط وهي
والله يهمل ولا يهمل .