بنات البحرين من اولدت في التخصصي؟؟؟

ولا رد وينكككككككككم؟؟؟

مرحبا ام الياس
انا بعد انتظر الردود مثلج
لاني كنت بنزل الموضوع بس انتي سبقتيني

بس يقولون المستشفيات الخاصه ما ينتظرون من تتاخر الحامل شوي في الوادة سووها عمليه من جذي انه متخوفه.........

واله يسهل

انا بعد مثلج بس سألتهم عينك بينك قالوا لي انهم اذا احتاجت الوحده سووا لها

يقولون جذي بس في الحقيقه انهم وايد يخافون على الحوامل وخصوصا لان بالمقابل( بالفلوس )
فمن تتاخر الحامل شوي سووها عمليه خوفا على الام والطفل.

بس اعتقد اني بولد بمستشفى حكومي هذا الاقرب لقراري لحد الان


والله يوفق الجميع

انا ولدت عندهم من 6 شهور
والحين اقول خاطري بعد احمل و اولد مره ثانيه من الراحه النفسيه اللي عيشوني فيها :)

و اللي يقول انهم على طول يسوون عمليه يقص عليكم لاني رحت اول يوم مع ان فيني طلق بس كام طلق سلبي يعني ماقاعد يفتح الرحم رجعتني الدكتوره البيت لاني بطول وماتبيني اتم في المستشفى عشان لا تتعب نفسيتي

ورجعت لهم ثاني يوم و نفس الشي الطلق سلبي ماقاعد يفتح الرحم و خيرتني ارجع البيت بس انا مابغيت ارجع لان الألم كان زايد عليي

و خلوني في غرفه الولاده ( و غرفه الولاده تشرح القلب واسعه و مضويه و فيها جلسه حق اذا احد بيقعد معاك فتره الطلق )
و كل شوي يجيبون لي عصير عشان يعطوني طاقه لاني كنت منتهيه و يسوون لي مساج حق ظهري

و حطوني بالجاكوزي عشان الألم و مع اني ترجيتهم ابي عمليه لاني يأست اولد بس مارضت الدكتوره والاحلى من هذا انها يوم مارضيت لها تقيس لي التوسع لا هاوشتني ولا صرخت ولا شي خلتني على راحتي حزه اللي بولد اولد دام كل شي عندي طبيعي بس انها ماكانت عارفه متى بولد تقريبا و كانت تتوقع لي بولد في الليل او يمكن يوم ثاني

بس ما وعو الا وانا والده العصر الحمد لله

هذي تجربتي اللي استمتعت فيها و ودي اكررها مره ثانيه :)

الأخت مراوى مشكورة على الافاده

حبيت اسألج من ولدج؟
وكم كلفتج الولاده عندهم بالكامل مع كل شي؟
هل رحتي و شفتي المكان اللي بتولدين فيه قبل و الحجره اللي بتحجزينها و اشرايج فيها اصغيره و لا عوده؟

السلام عليكم

سلام

من الدكتورة اللى ولدتش

وسووا لش خياط

وهل هم نفس الحكومة اقيسون باليد حق التوسع او متطورين عندهم شئ ثاني

مشكورة اختي بس رديتي متاخرة وايد
انه وام الياس ننتظر من زمان محد عطانه وجه

المهم
اضافه الى الاسئله المطروحه
انت كنت تتابعين الحمل عندهم؟
لاني سمعت ان الحامل اذا تبي تولد عندهم لازم يكونون متابعين الحمل معاها كم جلسه قبل الولادة

وما ادري اذا المعلومه صح او لا


افيدينا جزاك الله