إلى كل عرايس المنتدى عضوات ومشرفات ومراقبات أرجوكم أريد حلا

أولا:
أعرفكم بنفسي اسمي أم جنة أخت m+nالكبرى أستعمل جهازها لأني الآن في بيت والدي وهي التي عرفتني على منتداكم الرائع
ثانيا:
المشكلة هي أنه قد حدث من حوالي شهر بعد العيد مباشرة سوء تفاهم بيني وبين زوجي ولكن
وللحمد لله استطعنا تجاوزه ولأن نفسيتي كانت متعبة جدا طلبت منه أن يتركني فترة عند والدي
فوافق واتفقنا أنه سيتصل بي باستمرار لكي يطمئن علي وعلى ابنته الأولى والتي لم تتم 6 أشهر
إلى الآن الأمور تسير على مايرام...........................فأين المشكلة إذن؟؟؟؟؟؟؟
المشكلة هو أنه بعد وصولي عند أهلي بيومين اتصل بي ولكن تغير كل ما اتفقنا عليه كلمني
بطريقة جافة جدا ومن حينها لم يتصل ولم يسأل
طلبت من والدي أن يتصل به عند والدته أو أخيه لأن شقتي لا يوجد بها تليفون ففعل والدي وطلب منهم أن يخبروا زوجي أنه يريده وفعلا اتصل زوجي بأبي ولكن بعد اسبوع كامل فقال له والدي أن يأتي لمقابلته لأن الكلام مش هينفع في التليفون فقال زوجي إن شاء الله سوف آتي
ولكن لم يأتي إلى الآن
اتصلت من اسبوعين عند أخيه وقلت له أن يخبره أن يتصل بي لأمر هام بخصوص جنة فهي مريضة قليلا ـــــ وبصراحة كنت أتمنى أن يكلمني لأعرف ما الذي حدث ــــ ولكن اتصلت والدته
والتي تتمتع بشخصية قوية ومتسلطة وووووووووووربنا يهديها
كلمتني وقعدت تزعأ وتتخانق وقالت "هاتي جنة علشان أكشف عليها عند الدكتور"
قلت "ولكني كشفت عليها " قالت "أمال بتتصلي ليه؟"
قلت "كنت عايزة باباها يعرف " قالت بصوت عالي وممطوط "إنتي مش قلتي مش عيزاه"
قلت "أنا مقلتش كده "
المهم فضلت تتكلم بصوت عالي وتقول كلام كتير وكان آخر كلامها "إلي عندك اعمليه زوجك سافر" بصراحة اتصدمت ومعرفتش أتكلم
اخبرت والدي بما حدث اتصل بها وكان ملخص الكلام ( لما يرجع هيجيلك ) ومن ساعتها مفيش اى حاجه حصلت
ودلوقتى انا عايزه ارجع البيت فكرت انى اروح لكن معيش مفتاح الشقه وبابا قالى خليكى قاعده انشاء الله سنه انا مش هتصل تانى وهو الى المفروض يسأل ذهبت لخالى فقالى نفس الكلام وللعلم زوجى باع موبايله (جواله)ومش عارفه اتصل بيه ازاى
اكيد انتم عارفين احساس الواحده لما تكون معلقه . ماما عايزه الطلاق وبابا بيقولى اصبرى
وانا مش عارفه اعمل ايه مش هقدر اكلم امه تانى وعايزه اعرف ان كان رجع من السفر ولا لأ وازاى اكلمه لانى مش عايزه دمار لبيتى
ارجوكــــــــــــــــــــــــــــــــــــــــــــــــــــــم افيدونى وقولوا لى اعمل ايه :confused: :sad: