خلطة نور لكل مشاكل الشعر<< مسويه بنت عذاري خخخخ

اولا السلالالام عليكم

ثانيا انا حبيت انزل لكم خلطة الشعر اللي صار لي عليها شهرين والحمد لله فررق كبييييير بشعري

طال وكثر وهو اساسا ناعم بس حسيته صار اقوى يعني اول كان نعومه على خفيف الحين اقوى نوعا ما وعلى فكره مع الخلطه ذي ودعي التساقط للأبد ..

وبعدين هالخلطه جامعه زيوت واعشاب وعسل ..

المهم ما اطول عليكم

المقادير ..

الزيوت .. علبة زيت عافيه الكبير .. زيت زيتوت .. زيت نارجين.. زيت خروع ( وكل هالزيوت كمية العلبه أم عشره توفي بالغرض )
الاعشاب .. حلبه مطحونه + محلب مطحون + قرنفل مطحون + ميرميه مطحونه + سته فصوص ثوم مقطعه قطع صغيره ( لا تدققين كثير على الكميات انا اخذت بخمسه ريال من كل شي )
كاسه عسل ..

الطريقه ..

تخلط كل المكونات وتترك 15 يوم وترج يوميا وبعدين تستخدم يوميا لمدة شهر .. حطيتها بعلبة الموية الدبه ام 3,8 لتر

أنا بصراحه بدأت استخدمها 1 رمضان بس كان صعب علي مرررره الاستخدام اليومي .. استخدمتها يوم بعد يوم .. والان بعد ماصار لي شهرين وشفت النتايج والحمدلله مررررررضيه لأبعد الحدود قررت استخدمه يومين بالاسبوع أو 3 أيام بالأسبوع ..

وطبعا على الريحه ترا ريحته مرررررررره شينه هههههههه بس بعد الغسيل واستخدام كريم حمام فاشكول ما يبقى لها أي أثر .. وزيادة حرص اذا كان فيه مناسبه او خرجه ابخر شعري واحط خمريه .. وأتمتع بشعر حلووو وريحه أحلىى

أتمنى اكون قدمت شي بسيط لها المنتدى الرائع اللي اخذت منه كثييييير ولا اعرف وشلون ارد له الجميل ..

ودمتم بخير