ما خاب من استشار :)

وعليكم السلام ورحمة الله وبركاته ..

1- بصراحة ..الشوفة الشرعية مب حق الريال بس بعد هي من حق البنت ..أتفهم أنها كانت مستحية بس على الأقل لو نظرة وحدة تبين مدى قبولها للشكل بوجه عام ..والحين هي ما شافته عدل وتوسوس أحسن شيء إنها تطلب صورته على الأقل ..عادي ما فيها شيء ومن حقها ..وخل يقولون أهلها حقه إنها ماشافته عدل لأنها كانت مستحية ما فيها شيء ..

2-يعني أحسها وايد مترددة ..ليش ترفضه عشان شكله أو تعليمه؟! بالنسبة للشكل مب المقياس جماله وقبحه ..ترى يمكن يكون أجمل واحد في البلد لكن سبحان الله النفس تنقبض منه وما ترتاح له والعكس صحيح ..يعني يمكن يكون شين ومب حلو لكنه مريح نفسيا وتحس وإياه بالأمان ..المقياس هنيه مدى الراحة النفسية يوم تشوفه ..وقال رسول الله -صلى الله عليه وسلم-: "الأرواح جنود مجندة ما تعارف منها ائتلف، وما تناكر منها اختلف" ..
أما بالنسبة للتعليم ..أشوف التعليم الثانوي زين بعد يعني هو متعلم مب جاهل ..والشهادة الجامعية تفيد أكثر في مجال الوظايف مب الزواج ..وانا ما أشوفها عيب أو نقص ..

3- الشاب عقب الزواج يحب يعيش زوجته وفق وضعه المادي الحالي مب في وضع أهلها قبل الزواج بعدين هو من نفس مستوى العائلة المادي يعني ما فيه فرق ..

4- ربيعتي تزوجت واحد عنده الاعدادية وخلته يكمل حتى الثانوية ..

وأخيرا ..إذا الريال زين وأنتو راضين عن أخلاقه ودينه لا ترفضونه بأسباب واهية لأن الفرصة التي تروح ما تتكرر والعمر ما في أسرع من مروره والكمال لله وحده سبحانه ..

والاستخارة أغلى وأعز نصيحة ..

نازو

جزاك الله خير ومشكوره على النصح والرد :)

خلها تطلب منه صوره وتتأمل فيه عدل
والله يوفقها

مآثر:
خلها تطلب منه صوره وتتأمل فيه عدل
والله يوفقها

مشكوره على الاقتراح

رتـوش:
السلام عليكم

ابي منكم مساعدة لهالبنت او نقول تشجيع .. ولو فيه وحده مرت بحالتها تفيدنا ؟

...

البنت تقدم لها شاب على خلق ودين وولد ناس محترمين تعليمه ثانوي مستواه المادي عادي ويعتبر من مستوى اهلها المادي وشكله بعد عادي

والبنت عمرها 26 سنه وكل اللي سبق وتقدموا لها صفاتهم قريبه لصفاته لكن ما توافق او اهلها يرفضونه وهذا سبحان الله هي واهلها وافقوا عليه وتسهل الموضوع والله يتمم لها بالخير لو فيه خير لها

السؤال ؟؟

البنت جا الولد واهله وشافوها ووافقوا عليها
وهي طبعا مثل اي بنت ما شافت الولد زين فـ هي

(1) ماتدري توافق وهي ما شافته زين وتخاف بعدين يطلع شين بنظرها كثير ؟؟

ايه توااافق وهي مرتاحه بعد ماتصلي الاستخاره واذا كان لها خير بيكونوا لبعض وصدقيني الشكل مايفرق كثير خصوصا اذا كانت البنت كبيره لانها بتكون عاقله ومابتركز بمساله الجمال بكثر اشياء ثانيه واذا حاسه انه هالمساله ضرورية تطلب صورة له مافيها شيء

(2) عمرها مو صغير فـ تخاف لو رفضت ما يجيها اللي تبي .. وارجع واقول هي مرتاحه للشاب اللي متقدم لها بغض النظر عن شكله وتعليمه لكن ما تدري هل تتخذ قرارها وتوافق والا ترفض وتنتظر غيره ؟
ارجع واقول طالما فيه راحه توافق وهي مستخيره ولو فيها خيره بتكمل

(3) هل برأيكم الشاب بيقدر وضع البنت المادي قبل الزواج وبيحاول ما يقصر عليها
او موافقتها بنظره موافقه على وضعه المادي والرضى فيه بأي حال كان ؟
هنا لازم تتاكد انه تقدر تتاقلم على وضعه وهذه اسوا الاحوال لانه حتى لو حاول يعوض عليها ظروفه راح تمنعه وراح تجي ايام بتفقد فيها اشياء كثير بس بالمقابل تعوضت باشياء ثانيه وهي كذا الحياه اخذ وعطا

(4) هل فيه وحده منك تزوجت واحد ما كمل تعليمه وقدرت تخليه يكمل بعد الزواج ؟

..نعم عزيزتي الحالات هذه حصلت كثير واعرف ناس كثير كلموا بعد الزواج


وجزاكم الله خير والله يوفق الجميع لما يحبه ويرضاه

اتمنى لها التوفيق من الله
وقولي لها توافق وخليتها تفرح وتفرحنا معاها

لاحظي جوابي بعد كل سؤال لاتفكرين انه بس سويت كوبي وبيست

فجر الخيول:
لاحظي جوابي بعد كل سؤال لاتفكرين انه بس سويت كوبي وبيست

فجر الخيول جزاك الله خير
واجاباتك وصلت حبيبتي :)

بالنسبة للشكل ماعتقد ان في احد لحد الحين يهتم بالشكل كثر الاخلاق يعني المسألة عادية ومو

مهمة ... اما عن المادة فلا تحمل هم اذا كان انسان خلوق ماراح يقصر عليها بشي ولاتنسين

خذوووهم فقراء يغنيهم الله ...

عن موضوع الدراسة انها تخليه يكمل لين تزوجو اعتقد انها شوي صعبة لشخص في سنه يعني

الواحد من يكبر تقل رغبته في الدراسة وينتبه لمشاغل ثانية طبعا مو الكل بس الاغلبيه من

الرجال .. واذا اهو يحب الدراسة راح يكمل منه ومن نفسه


اتمنى انها ماتتردد اكثر من جذي لان الشخص مافيه اي عيب عشان تفكر في الرفض .. والله مسهل الامور

انا مالاحظت انه هناك اي اسباب تنمعها من الموافقه

تتوكل على الله والله يتمم الزواج على خير

خليها تتوكل على الله

خنفورة:
بالنسبة للشكل ماعتقد ان في احد لحد الحين يهتم بالشكل كثر الاخلاق يعني المسألة عادية ومو

مهمة ... اما عن المادة فلا تحمل هم اذا كان انسان خلوق ماراح يقصر عليها بشي ولاتنسين

خذوووهم فقراء يغنيهم الله ...

عن موضوع الدراسة انها تخليه يكمل لين تزوجو اعتقد انها شوي صعبة لشخص في سنه يعني

الواحد من يكبر تقل رغبته في الدراسة وينتبه لمشاغل ثانية طبعا مو الكل بس الاغلبيه من

الرجال .. واذا اهو يحب الدراسة راح يكمل منه ومن نفسه


اتمنى انها ماتتردد اكثر من جذي لان الشخص مافيه اي عيب عشان تفكر في الرفض .. والله مسهل الامور

جزاك الله خير اختي على الرد
وهي فكرت انه يكمل لان عمره ما وصل للثلاثين حتى الان

نوووسه:
انا مالاحظت انه هناك اي اسباب تنمعها من الموافقه

تتوكل على الله والله يتمم الزواج على خير

مشكوره على التشجيع :)
والله يتمم على خير ويوفقها ويوفق الجميع

انسه فله:
خليها تتوكل على الله

ومن لنا غيره نتوكل عليه سبحانه :)
جزاك الله خير فله :)

الرجل ماتقيمينه بتعليمه بل بطباعة واخلاقه بس
اذا اهلها مايعرفونه زين تقلهم ابغاكم تسالون عنه
في حيهم او في عمله
اما عن التعليم كثيرين اللي معاهم تعليم ثانوي ويوازي دكتور برجاحه عقله
وفي من هم دكاتره بالجامعه وعقله عقل بزر في اوله ابتدائي
وشكرا

الرجل ماتقيمينه بتعليمه بل بطباعة واخلاقه بس
اذا اهلها مايعرفونه زين تقلهم ابغاكم تسالون عنه
في حيهم او في عمله
اما عن التعليم كثيرين اللي معاهم تعليم ثانوي ويوازي دكتور برجاحه عقله
وفي من هم دكاتره بالجامعه وعقله عقل بزر في اوله ابتدائي
وشكرا

يارا*:
الرجل ماتقيمينه بتعليمه بل بطباعة واخلاقه بس
اذا اهلها مايعرفونه زين تقلهم ابغاكم تسالون عنه
في حيهم او في عمله
اما عن التعليم كثيرين اللي معاهم تعليم ثانوي ويوازي دكتور برجاحه عقله
وفي من هم دكاتره بالجامعه وعقله عقل بزر في اوله ابتدائي
وشكرا

مشكوره اختي