ابي احب؟ وما عارف

اولا لازم يتوب لله سبحانه توبه نصوح
ويدعي دوم ربي يرزقه بالزوجه الصالحه
ثاني شي
ممكن يكلم والدته ويقول لها تخطب له
واذا فباله وحده معينه نصيحه يختصر الطريق ويتقدم لها ويخاف الله بكل تصرفاته
ومهما كان لا يكون علاقه محرمه على طول يخطب افضل
والحب بيجي بعد الزواج ان شاء الله

أخي العزيز ..

أنا مع أختي أسيرة قلبه جزاها الله خير ..
شبابنا اليوم يتمنى يتزوج عن قصة حب رومانسية مثل الأفلام يكون هو طبعا بطلها .. ويتم يدور عالبطلة الي يظن أنها ملكة الكون جمالا ودلالا وحسنا واللي بتغنيه عن نساء الدنيا ..ويتم يجرب هذي وهذايك حتى يتعب ويمل من كل شيء ..

ما عليه أخوي سامحني يعني عمرك 27 مب صغير والمفروض يكون تفكيرك أنضج من شذيه ..علشان تحب غيرك لازم أول شيء تحب نفسك وتحترمها وتنزها من العبث ..بعدها أكيد بتحترم أعراض الناس أكثر وما بترضا حق البنات المئتين ما لا ترضاه حق وحدة بس من خواتك ..

أنت تعبان علشانك لين الحين تلعب وتلهو ومب مستقر .. يا اخوي ليش تعذب نفسك صونها واحفظها من هذا الطيش وعفها بالزواج أكيد برتاح ..خل الوالدة أو وحدة من محارمك تدور لك على بنت الحلال اللي تتمناها وتوكل على الله واخطبها ..ترى لو تقرأ الاحصاءات بتشوف أن أفشل زواج هو الزواج اللي يسمونه زواج الحب وأنجح زواج الزواج اللي فيه الطرفين يخافون من الله وما يسوون أي شيء يغضبه حتى لو كان مجرد تعارف خارج أطر الشرعية ..

اخطب وحدة مختلفة كليا عن اللي عرفتم ..يعني متدينة ومحتشمة وأخلاقها قمة وحياوية ..وترا المرأة الصالحة في هذا الزمن من أعظم نعم الله وفيها سعادة الإنسان وراحته وهناه ، والبيوت مليانه بالعفيفات الملتزمات بس يترين اللي يدق بابهم مب شباكم !!


أسأل الله أن يهديك ويشرح صدرك ويرزقك من فضله ..

اخي الفاضل
نحن لانبحث عن الحب
الحب هو ياتي نعم هو من ياتي
لاتنتظر ان تتحدث مع هذه وتلك لترى ان كنت تحبها لانك عندما تحب لايهم ان كنت قد كلمتها اوعرفتها لان قلبك هو من سيعرفها هذا هو الحب
ولاانصحك ان تضل تبحث عن الحب لتتزوج
ابحث عن الزواج لتحب
نعم اخي الكريم
تقول انك لاتريد من بنات العائله اتمنى لك التوفيق في كل الاحوال
اوكي اترك الحياه تاخذ مجراها الطبيعي واخبر الجميع بانك نويت الزواج لاتوجد عروسه محدده من تدلك عليها الاقدار هي من ستتزوجها
واتركهم يبحثون وانت اكمل حياتك بشكل طبيعي ولاتشغل وقتك بمكالمات البنات التي تشغلك عن الصلاح
واذا حصل انك التقيت بانسانه مناسبه للزواج لاتفكر ان تتعرف عليها وانما فكر ان يتقدم لها اهلك ويتعرفون هم عليها
ولكن تبقى مع الشيطان وتطلب من الله ان يكون معك هذا ليس حل

صح لسانج اختي فجر الخيول

انا معاها بكل حرف

الله يوفقك ويسرلك امرك يا صاحب المشكله

هذا الشخص من كثر ما لعب بمشاعر البنات على قولته انسدت عينه عن كل البنات المفروض اذا عرف بنت وعجب فيها يتقدم لها مايتعبث بمشاعرها وبعدها يدور غيرها .. ومن هالنوعية من الشباب يتعبثون في بنات الناس ولين يبون يستقرون يجوفون لهم وحده غير ..

المفروض يكثر من الاستغفار ويترك الموضوع لاهله يجوفون له بنت بالمواصفات اللي يبيها ويشوفها واذا عجبته يتزوجها

الي يبي يبح ويستقر ويتزوج مايقول أبي أحب !!

بالعكس هالشي يجي من نفسه يعني مايشوف البنت ويقول خلاص باحب هذي !! كل شي مع العشره يعني ينتظر لين ربي يكتب له ينعجب في وحده ويخطبها بدون علاقات وغيره لان ماوراها غير التعب ...... وفترة الخطوبة هي الي بتخليه يحبها .... يعني اهم شي الاراااده انه مايغلط عشان ربي يوفقه

يخبر امه او اخواته
يدورون له عروووس

والمفروض اول شي يتوب عن اللعب
ويودر كل البنات اللي عرفهن

او اذا عنده ربع يخطب عن طريقهم

بس اول شي التوووبه

جد اللي يبي يتزوج ما يقول ابي احب .. _صدقتي بنت الغــالي)

وصدقوا كل البنــات ..

اتق الله .. وتوب توبــة نصوحــة خـالصــة لوجهــه تعــالي ,

وبنات النــاس موجودات ..

وان شالله تتوفق يا رب

لا نلهث وراء الحب..عمر المشاعر ما يات بالإجبار..
الحب من الله اذا الانسان تعلق قلبه بانسان ثاني خلاص..ما باليد حيلة تعلق..لكن اول شي يفكر فيه كيف يرتبط بهالانسان..النية اهم شي
اذا الانسان تم يدور عنالحب عمره ما بيلقاه..خير الامور تاتي بتلقائية ..بعفوية..
اذا حصل و الانسان لقى شخص يتعلق به.على طول يفكر بالارتباط الشرعي..ونيته تكون سليمة عشان الله يبارك له..واذا ماشي نصيب..بعد بر العالمين له حكمة..
واذا هو مستعيل خله اهله يدورون له على عروس بمواصفاته..
المشاعر مب لعبة..مافي انسان يقول احب 200 بنت..وين بيحط مشاعره هذي كلها؟ القلب واحد
يمكن حبهن كلهنلنهمايعرف شو يبي وعن شو يدور في البنت اللي يبغيها..
المهم يتوب..ويدعو الله دعوة صادقة خالصة انه يرزقه بنت الحلال سواء بحب او بلا حب..
في النهاية الأرواج جنود مجندة ما تعارف منها ائتلف و ما تناكر منها اختلف وهذا حديث صحيح عن الرسول عليه الصلاة و السلام..
الله ييسر له اللي فيه الخير ..

نازو:
أخي العزيز ..

أنا مع أختي أسيرة قلبه جزاها الله خير ..
شبابنا اليوم يتمنى يتزوج عن قصة حب رومانسية مثل الأفلام يكون هو طبعا بطلها .. ويتم يدور عالبطلة الي يظن أنها ملكة الكون جمالا ودلالا وحسنا واللي بتغنيه عن نساء الدنيا ..ويتم يجرب هذي وهذايك حتى يتعب ويمل من كل شيء ..

ما عليه أخوي سامحني يعني عمرك 27 مب صغير والمفروض يكون تفكيرك أنضج من شذيه ..علشان تحب غيرك لازم أول شيء تحب نفسك وتحترمها وتنزها من العبث ..بعدها أكيد بتحترم أعراض الناس أكثر وما بترضا حق البنات المئتين ما لا ترضاه حق وحدة بس من خواتك ..

أنت تعبان علشانك لين الحين تلعب وتلهو ومب مستقر .. يا اخوي ليش تعذب نفسك صونها واحفظها من هذا الطيش وعفها بالزواج أكيد برتاح ..خل الوالدة أو وحدة من محارمك تدور لك على بنت الحلال اللي تتمناها وتوكل على الله واخطبها ..ترى لو تقرأ الاحصاءات بتشوف أن أفشل زواج هو الزواج اللي يسمونه زواج الحب وأنجح زواج الزواج اللي فيه الطرفين يخافون من الله وما يسوون أي شيء يغضبه حتى لو كان مجرد تعارف خارج أطر الشرعية ..

اخطب وحدة مختلفة كليا عن اللي عرفتم ..يعني متدينة ومحتشمة وأخلاقها قمة وحياوية ..وترا المرأة الصالحة في هذا الزمن من أعظم نعم الله وفيها سعادة الإنسان وراحته وهناه ، والبيوت مليانه بالعفيفات الملتزمات بس يترين اللي يدق بابهم مب شباكم !!


أسأل الله أن يهديك ويشرح صدرك ويرزقك من فضله ..

انا اتفق مع الاخت الفاضلة في كل ما تقوله وليس عندي اضافة غير

أسأل الله أن يهديك ويشرح صدرك ويرزقك من فضله

ههههههههههه..أنت عندك هل شعورر لانك كتير لعبت بحياتك... أنا بقول لا تاخد ولا وحدة من الي عرفتون..وخلي ماما تخطبلك وحدة وانت روح شوفا نظرة شرعية واذا ارتحتلا كان بها..واذا ما ارتحتلا انشالله بتشوف غيرا...ولا تتزوج وحدة من الي عرفتون لانك رح تتعب وتتعبا لانك أولا واخيرا رجل شرقي..واخيرا بحب قول لا تنتحر أحسن لانو انت بتتخلص من الدنيي بس أهلك رح يبقو زعلانين طول عمرون

ماشوف انها مسأله تخلي الشخص متضايق او يفكر انه ينتحر


البنات اللي كلمتهن وكل شي من الماضي فره ورا ضهرك وابدا حياه يديده

واذا انت جاد وهذا شي مستبعد ممكن تكلم الاهل يخطبون لك وحده برع العايله وهذا مب بهذي الصعوووبه!!!! وانا استبعد جديتك ولا مابتطلب هالطلب انك تبي تحب يعني رجعنا للموال نفسه!!!! تحب وتودر وتزيد العدد ل 400 مب ميتين وبعدين !!! ولعلمك الحب ما احلاه واطهره يوم يكون حلال وفي شرع الله

مرحبا بالغاليات

عذرني حبايبي كنت في اجازة ونسيت اشكركن بالنيابه عن زميلي

يشكركن واااااااااااايد واااااااااااااااايد ويجولكن جريب بذن الله راح تسمعوا اخبار تسركم

وانه خلاص بكلم الوالده جريب عشان تدورلة على بنت الحلال



تحياتي
almazyo0ona

الله يوفقه ببنت الحلال الي تسعده ان شا الله

وهو خل ينوي التوبه الخالصه لوجه الله تعالى والله بيسر اموره ان شا الله ..

وننتظر احلى الاخبار ..

انا مع الاخت اسيرة قلبه بلي تقووله


والله يهديه و يوفقه انشالله ... و صح الحب مايي الا مع لستقرار و المواقف ...

انا الي هو مر فيه مجرد فراغ عاطفي لا غير .. و الفراغ بدووره يخلي الانسان يتوهم و يمشي وره الغلط وهو مو حاس ... الفراغ عمره ماجاب المسؤولية

و مع المسؤولية اكيييد ايي لستقرار و يكون الانسان اهني بس عرف نفسه و علرف قدراته

قوليله انه قاعد يظلم نفسه قبل اي شخص ثاني و يه الوقت الي يتووب و يدعي ربع بالذرية الصالحة .. و عسى الله يتقبل دعوته و يوفقه انشالله

الله يهدييك انشالله
و نبغي نسمع جريب

منك المـــــال و منها العيـــــــــــال :shy: :shy: