الكل ما يستغني عنه
مايمر يوم الا شايفين فيلم او مسلسل
واطفالنا مدمنين على قنوات الأطفال مثل Spacetoon و ديزني وغيرها
لكن هل فكرنا في أثر هالتلفزيون على الطفل من الناحية العقلية والفكرية والنفسية ؟
يمكن نعرف ان طريقة المشاهدة مهمة
نوعية البرامج اللي المفروض الطفل يشوفها
بس فيه جوانب كثيرة قد تكون غايبة عنا كأمهات
اتمنى ان موضوعي يقدم لكم صورة واضحة عن التلفزيون واضراره وفوائده لأطفالنا الصغار
جهد شخصي اهديه لكل امهات عروس
قبل طرح الموضوع اسئلة اوجهها لكل ام
[CELL="filter:;"][ALIGN=center]هل تعلمين ماذا يشاهد طفلك في التلفزيون ؟
كم ساعة يوميا يمضي طفلك امام الشاشة ؟
هل تخضع برامج اطفالك للمراقبة منك ؟
هل تتواجدي مع اطفالك في نفس المكان اثناء مشاهدتهم ؟
هل تدركي اثر التلفزيون السلبي على طفلك ؟
ماذا عن الجانب الايجابي للتلفزيون ... هل تعلمين ماهو ؟
في اي عمر ابتدأ طفلك في مشاهدة التلفزيون ؟
مانوعية البرامج التي تجذب طفلك ؟[/CELL]
[CELL="filter:;"][ALIGN=center]طفلك الرضيع والتلفزيون[/CELL]
اللي لفت نظري لهالموضوع من البداية اني اذكر كلام زوجة اخو زوجي ... تقول تحط ولدها عند التلفزيون عشان يسكت
... يمكن البعض يشوفها حركة حلوة وينبسط على الطفل وهو يتابع اللي على الشاشة .. بس هل فكرت كل وحدة فيكم ايش آثار هالحركة على الطفل ؟
الطفل خلال السنة الاولى من عمره تكون اعصابه الحسية مثل اعصاب العين ضعيفة وماتطورت ونمت مثل الطفل الكبير او البالغ ... واذا صار يتابع التلفزيون بالوانه المتعددة وصوره المتحركة واصواته .. هالشي يؤدي انه اعصاب العين عنده تتعب من المتابعة للحركة المستمرة والالوان و تغير الصورة .. وفي النهاية تتعدد النتايج
بين ضعف في الاعصاب البصرية
او ضعف نظر
او ضعف تركيز ( طبعا على المدى البعيد )
ومعظم الأخصائين يفضلوا عدم مشاهدة الطفل لبرامج التلفزيون الا بعد عمر السنتين
[CELL="filter:;"][ALIGN=center]ممارسات وسلوكيات لخاطئة [/CELL]
الغالبية ان لم يكن الكل لاحظ تصرف معين .. او كلمة نابية ينطقها الطفل واستغرب من وين تعلمها !! لا تروح فيك الظنون عزيزتي الام لبعيد
التلفزيون هو مرتع لكل غث وسمين
للأسف حتى الرسوم المتحركة صارت فيها بلاوي الواحد يخاف منها وصرنا نشوف شخصيات الطفل المحبوبة بحركات غريبة عجيبة
مثلا يشرب الخمر ( هم مايقولون صريحة انه خمر ) بس يمسكون كاسين ويضربونهم ببعض
او ... يشعل النار في اي مكان ليهرب من الخطر مثلا
قبلات ... وقلوب .. واسهم وغيرها
قد يكون الموضوع ابسط مما نتصور ونتعقد انه حركات اطفال
لكن هل فكرتي لو شفتي طفلك يتفرج على برنامج خاص للاطفال
فيه بنت وولد ... يبوسون بعض
ودائما مع بعض
هل فكرتي .. ايش الصورة اللي كونها طفلك او طفلتك عن هالمشاهد هذي؟
حتى لو كانت بريئة في ظاهرها
لكن اكيد وراها معاني كبيرة وآثار سيئة
طبعا هذا في برامج الاطفال .. وغيره في الافلام الخاصة بالكبار والمسلسلات
للأسف مسلسلاتنا صارت كلها بلاوي حتى الخليجية .. هذي حامل من ما ادري منو .. وهذا مدمن مخدرات ويعلمون الطفل بالتفصيل كيف الشم واخذ الحقن وغيرها ويمكن هالشي يخليه يقلد او على الاقل يحاول ويؤذي نفسه
غير ان هالمشاهد تظل في ذاكرته
[CELL="filter:;"][ALIGN=center]العنف والتلفزيون [/CELL]
من الملاحظ انتشار ظاهرة العنف في كل الدنيا .. اللي كنا نسمعه في بلدان ثانية .. صرنا نشوفه الحين في بلادنا .. والتلفزيون مايقصر
هل تسائلتي اثر هالمشاهد العنيفة والمرعبة على نفسية طفلك
اختي في اول ثانوي الى قبل سنة كانت تخاف من صور الشخصيات اللي في مسلسل Buffy اللي هم مصاصين الدماء .. كنا نضحك عليها
بس اكتشفنا انها فعلا تخاف ويمكن شافت شي وهي صغيرة خلى صورة هالشخصيات تظل في ذاكرتها على انها شخصيات قد تكون حقيقة ويمكن تطلع لها في الليل مثلا !!
كل ما فتحنا التلفزيون شفنا مناظر الدم والدمار والقتل والجثث والأشلاء
هذا بس في الاخبار
غير الأفلام والمسلسلات والعاب الكمبيوتر
فكرتي مرة اثر هالشي على الطفل ؟
اكيد بينشأ يا عنيف او خواف .. مناظر الدم والقتل والدمار لها اثر سيء على نفسية الكبير فمابالنا بالطفل الصغير
