زوجي و بنته

شلونكم يا بنات
جايتكم طالبة العون عجزت و أنا أفكر
أنا عروس جديدة من شهر و نص ... زوجي عنده بنت من طليقته عمرها 9 سنوات و عايشة عند أمها
زوجي متعلق بها كثييييييييير يموت عليها و كل يوم إذا ما قدر يجيبها يكلمها مرتين و ثلاثة
هو طبعا يتمنى يجيبها تعيش عنده بس ظروف عملي تمنعه
أنا موظفة من الساعة سبع لأربع العصر و راتبي قوي و زوجي الحمد لله راتبه ضعيف مرة و يعطي بنته ربع راتبه كل شهر
أنا اللي تقريبا شايلةحمل المصاريف الثقيلة إيجار شقة و قسط بنك و غيره و تعرفوا ديون الزواج ماخذة راتبي كله و ألحين داخل الشتاء و موقادرة حتى أشتري لي هدوم راتبي كله رايح لزوجي وديونه
و رغم هالشئ من يومين ما شفته إلا داخل معاها و في يدها جوال N70 .... تصوروا حالتي يعني أنا بخلانة على روحي من فلوسي و تعبي و هو شاريلها جوال رغم إن جوالها اللي قبله كان جديد و زي الحلاوة و أكيد من فلوسي و إلا هو راتبه 2000 ريال منين له؟؟
و فوق هذا تحاملت على نفسي و قمت أقلب في الجوال و أشوفه إلا يقول لي :باقول لك شئ و ما تزعلي ؟ ترضين حد يحوس في جوالك؟ انبطت جبدي و الله رميت الجوال قمت و شياطين الدنيا تلعب براسي
من فلوسي و ممنوع ألمسه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حتى لما أروح معاه السوق أشتري غرض لي أنا أدفع و هو بس يطالع في لبس الصغار و يشتري لها؟؟؟
و الله ذابحني القهر

أنا أقدر حبه لبنته بس أشوفه مزودها واييييد معاها
اليوم من فجر الله صاحي و طول الليل ما نام لأنه يفكر فيها و يقول ما أقدر أبعد عنها أحتاج بنتي أنيمها في حضني و أمسح عليها و أحضنها
يطلع معاها لوحدهم و يوديا ملاهي و غيره
و اللي ذبحني زود أمس كلمني و أنا في العمل و قال لي اليوم لا تزعجيني مشغول و رجعت بيتنا أنظف و أرتب و لا حتى اتصلت له في الأخير جاي لي الساعة عشر و نص يقول لي كنت أتمشى مع بنتي؟؟ يعني هي تتمشى أنا مرمية زي الشغالة
و هو و الله ما يقصر معاها من تجي في حضنه وهاتك يا دلع حبيبتي مرتاحة؟ ناقصك شي؟ مبسوطة؟ أحبك موت
حتى لما يصادف نازلين مطعم يشترون عشاء أو غدا أشوفه من الزجاج يحضنها و يبوسها و يدللها
تجي بيتنا تعفس و تمشي , تاكل و ترمي و أنا ما فيه إلا أمشي وراها و أنظف رغم إني حامل توني و دوامي صعب و ما عندي شغالة وو لاهو اللي يمد يده و يساعدني في شغل البيت
أنا ما أنكر إن زوجي يحبني و حنون على بس هالموضوع مأثر فيني
أحس إني ضايعة صرت رجال و مرة في البيت بعد ما كنت مدللة في بيت أهلي
لما يوديلها مصروفها كل شهر أبكي على حالي و أنا ما أخذ مصروف من زوجي بالعكس أنا اللي أدفع له

نفسي أطلع من العمل تعبت زام الصبح و زام لليل و بعد حامل
شاسوي؟؟؟؟