اللي تبي تغير كيان بيتها حياها مع OoOo.kuwaiteyah.oOoO

بسم الله الرحمن الرحيم


اخواتي.. حبيباتي في الله..

اللي بخاطرها تكون غير....وتسوي شي غريب...

بشارككم فكرة حلم...حتى قبل ان اطبقها...عشان تعرفون شكثر احبكم...واحب افيدكم..

شرايكم باجواء هاواي؟؟
الغابات الاستوائيه؟؟
البحر؟؟

مممم

زين... اللي حتى لو خاطرها بتغيير جو...

ودها لو تطلع مع زوجها.. بمكان فيه زرع... وفيه هوا.. وعصافير.. وفيه ماي.. ويسر الناظرين...والاحلى انها ماراح تتضطر تتحجب...او تتغطى؟..او حتى تطلع من البيت!!

بعلمكم شلون تسوون جنه خـــاصه فيكم....تروحون لها متى ما اشتهيتو...بالاستعانه مع بعض منتجات ايكيا..وهي معروفه..باسعارها الرخيصه ومنتجاتها الاستهلاكيه والحلوه..انا مابي اسوي دعايه بس اغلب الاغراض اللي نحتاجها راح تلاقونها هناك عشان اسهل لكم الشغل...
وللمعلوميه افرع ايكيا موجوده بالكويت...السعوديه ..والامارات..وانا راح احط الصور عشان اللي تبي تسوي هالجو من اشياء موجوده اساسا عندها بالبيت ..يكون احلى طبعا.. وكل وحده وافكارها...




اول شي اكيد الكل يبي يعرف وين المكان....؟...؟...؟

بقول لكم بكل بساطه....سطح البيت!

اي نعم السطح..

شوفو بهالصوره...بيت... والخط الاحمر اهو سطح البيت هههههههه



سوري عالاستعباط..بس ابي افتح نفسكم للموضوع لانه يبي شدة حيل... لان نتيجة شغلكم راح تكون دائمه باذن الله..مو لفترة معينه...

يالله نبدأ الشرح باسم الله:

اول شي تنظفون السطح...ثاني شي تختارون مكان.. ويفضل يكون زاويه لاتطل على بيت جيرانكم..منعا لحدوث مشاكل ههههههه
لا جد..لازم تحترمون خصوصية جيرانكم..وعدم كشف عوراتهم...

بعدين تشترون نوع من انواع المظلات..ينقال له عريش...له اشكال متعدده بس انا افضل اللي صاير على شكل مستطيل عشان يغطي مساحه كبيره.. واحلى للسطح..لان اللي على شكل شمسيه احسه لايق عالبحر اكثر...وهذي بعض اشكاله..

.












الحين نروح حق الارض.. نفرشها بحصير او نوع من انواع الفرش اللي يكون شكله مناسب للجو اللي احنا ناوين نسويه.. كالآتي:






ومن ايكيا :










وبالنسبه للي مايحبون يقعدون على الارض ممكن يستخدمون التالي:




ومن ايكيا:




وهذي احلى قطعه بنظري من ايكيا ايضا... مقعد منخفض



وهذي للي يبون شي مرتفع..





والحين نروح لعنصر الماي.. ناخذ صحن فخار يكون عميق نسبيا... ونترسه ماي.. ونرش على سطحه ورد مجفف.. ونحط فيه شموع صغيره.. ونسوي تقريبا اثنينه او ثلاثه على حسب حجم الصحن
لانهم راح يعطون شكل عجيب كالتالي:








والحين نتكلم عن الزرع...اللون الاخضر:

استخدمو هذي الاشكال.. واللي ماعندها وقت تعتني بزرع طبيعي..خل تعبي وتترسهم بتراب ورمل وتغرس ورد وزرع صناعي..بس لازم تختار الاشكال اللي جنها طبيعيه.. والوان حلوه...









بعدين نروح للاضاءه... الشموع اللي حطيناها بالماي راح تعطي اضاءه.. بس بعد في طريقه ثانيه عاجبتني من ايكيا وهي معلقات نضع بداخلها شموع., في انواع كثيره بس عجبني هالنوع يطلع شكله حلو وخيالي لمن نعلقه على العريش:





والحين نروح حق الديكورات الجانبيه ولازم تكون من نفس الجو كالتالي:

منظره مزينه بالورد ويفضل الاحمر لانه يكسر لون الحصير


مجموعة صناديق واغراض مصنوعه من القش:


هذا حلو للفواكه



انواع اخرى:
من ايكيا






الحين طبعا انترس المكان اشياء صغيره بس حلوه.. لازم اشياء لها حجم اكبر عشان تعطي المكان نوع من الثبات... وتستخدم بعد عشان التخزين كالتالي:



ومن ايكيا:



تقدرون تزينون المكان بوضع مجموعات من الورد المجفف على الطاوله






وبجذي نكون خلصنا المشروع بحمد الله... عطيتكم الافكار الاساسيه.. والتفاصيل عليكم..كل وحده تشوف وضعها وشنو يناسب امكاناتها... وذوقها...وتذكرو (الاشياء الصغيره واللمسات البسيطه واللعب بالالوان هم اللذين يشكلون الفرق)
ويصير عندكم مكان غير شكل تتريقون فيه الصبح وتقعدون فيه متى ماحلا لكم الجو... وحتى بعد تسهرون فيه على ضو الشموع....بس انتبهو لاتنباق اغراضكم ههههههه

دعواتكم يابنات....