عادي ما احلق شعر بنتي ؟؟

أنا ماحلقت لبنتي لان شعرها كان ناعم وحلو
بس ندمت اني ماحلقت لها .. لان شعر البطن يكون حفيف ويطيح .. انا انصحج تحلقيلها .. بيغلظ الشعر ويصير كثيف .. بنتي شعرها ناااعم ولونه حلو ما شاء الله بس خفيف .. وكل ماوديتها حلاق قالي اكيد انتي ماحلقتي لها ...
لا تصدقين اللي يقول ان الشعر يتجعد بعد الحلاقة لان نوعية الشعر حسب الجينات ويعتمد ع الوراثة :)

تحيااااااااااتي

احنا ما عندنا هالعادة ابدا وما شاء الله اطفال العايلة كلهم اللي شعره ناعم لانه اساسا ناعم واللي خشن لانه خشن وراثة
مو عشان الحلق
بس امي حلقت لاختي لمن كانت صغيرة وبعدين تأسفت لانه طول عشان يطلع
بس اشوى شعرها ناعم لان احنا اساسا شعرنا ناعم
ما اشوف احد يحلق عياله ابدا من اللي حوالينا

لو من البداية حلقتيها يمكن .. بس الحين كبرت ومدام شعرها ما شاء الله حلو وكثيف
لبسيها وكشخيها بدل ما تصير البنوتة العسولة قرعا
الله يخليها لك وتشوفيها عروسة

يعتمد .... في ناس ما يحلقون لهم و عادي مافيها شي

بس عند ناس ثانين لااااااازم يحلقون لهم ....

وفي ناس يقولون يحلقون بالموس أحسن و حد يقول بالمكينة أحسن... كل حد يقول شي و له عاداته .......... أنا جرييييب بحلق شعر بنتي :)

ما ادري شوفي رد البنوتات الثانيات

الامر راجع الك انا احرف وحدة حلقت لبنتها ومسكينة وين ووين لين طلع شعرها
وفي ناس يطلع بسرعة
بس رايي خليها البنات حلوين بشعرهم وربي يحميها لك

نحن لازم نحلق

لانه اغلب شي يوم ينولدون على راسهم قشرة وتسوي ريحه

فيوم انحلقهم تروووح القشرة نهائيا

أختي العزيزة

أنا حلقت لبنتي بالموس ، وعمرها إلحين سبع شهور شعرها طلع ما شاء الله ، وقمت وديتها الحلاق مرة ثانية عللى أساس يخفونه شوي ويرتبونه ، وما شاء الله شعرها ناعم وحلو ، لأنه انا وأبوها شعرنا ناعم. وعندنا في العايلة بنات ما حلقوهم وشعورهم إلحين خفيفة وتطيح .



روينا

نوووسه:
نحن لازم نحلق

لانه اغلب شي يوم ينولدون على راسهم قشرة وتسوي ريحه

فيوم انحلقهم تروووح القشرة نهائيا

بس انا قاعده افكر


اذا يبت بنوته ما اعتقد اني احلــــــــــــقها



والسمـــــــ:shy: ــوحه منج

ان بعد ماظنتي احلق اصلا سواء جبت بنت او ولد
احب الطفل اقرع بس يكون طبيعي مو محلوق
يصير شكله غلط

أنت وكيفك شاوري زوجك وشوفي،، في ناس مايحلقون والشعر يصير حلو،،أنا ماحلقت ولدي الا يوم عمره 6 شهور لأن شعره وايد كان خفيف وموزع زين،، المسكين كان بقمته وصخ البطن مع أن كنا دوم نحط له زيت بشعره.. والمسكين شكله صار مأساة وكسر خاطري..

المفروض ان بالأربعين يحلقون للطفل يكون مايصير شكله كريهه...

ما ادري والله لين الحين محتاااره ما يهووون عليّه احلق شعرهااا فديتها

بعدني بشوف عقب العيد احلقها ولا لا ( بيكون عمرها شهرين وشوي يوم العيد )

نبع الوله ع العيد بيكون شعرها طلع ان شاء الله

الاحسن انج تحلقين شعرها لانه هاي سنه .. وانا حلقت شعر ولدي يوم كمل اسبوع و ذبحنا له العقيقه وخذت شعره ووزنته عند الصايغ عشان اطلع صدقه وزن الشعر .. هاي هي سنه الرسول صلي الله عليه و سلم .. وترومين تسالين اذا تبين .. لاني سالت و هذا اللي قالوا لي اياه .. و اكيد حلق الشعر له حكمه ..

اماراتيه انا معاج في نفس الشي ..

انا بعد سويت في بنتي نفس الشي وزنته وتصدقت فيه والعقيقه وزعتها ..

شوفي حبيبتي انا حسنت بنتي ومرت اخوي عندها ولد عمرة 5 شهور شعرة ماساة لانه ما حسنته عالجوانب شعرة كله طايح وفالنص ما شاء الله مثل ما هو مع ان شعرة خفيف والحين متحسفه ان ما حسنته يوم صغير ..

وخاصتا البنت اذا ما حسنتيها وهي صغيرة ما تقدرين تحسنينها وهي كبيرة ..

والاحسن انج تحسنينها لانه الوصخ يتيمع على فروة الراس مثل القشور ..

حبيبتي انا اختي ماحلقت بنتها وكان غليظ وحلو وناعم والحين البنت كملت 4 سنوات بس ماشالله عليها شعرها لين اخر ظهرها وماقصته الها موليه لين الحين مب هاين عليها تقصه

والله احنا ما انحلق ,, بس الحمدالله شعورهم حلوه وناعمه ,,, وصدقج الأنجليز ما عندهم هذا الشى وشعورهم حلوه وايد وناعمه ... وانا هني في الغربه ,,, ما شفت قالولي هذا الشى ,,, وانتي بكيفج الغاليه ,,, بس مب شي ضروري في رأي

من ناحية الشرع حبيبتي الولد سنة ويتصدق بوزنه ذهب أما البنت قد يصل الى حد الكراهة خليه يا أختي والشعر مرده على أصله حلقتيه والا ماحلقتيه اسألي مجرب

من ناحية الشرع حبيبتي الولد سنة ويتصدق بوزنه فضة أما البنت قد يصل الى حد الكراهة خليه يا أختي والشعر مرده على أصله حلقتيه والا ماحلقتيه اسألي مجرب

فدييييييييييييييييتهااااا الحيــــــــــــــــــن بني كملت السبع شهور ... وشعرهااااا غلييييظ واسود وكثيف مااااشاء الله ......*_^ .....

ومشكوووووووووورات ع المرور ....

بصراحه انا ولد ومحلقته عورني قلبي

انا اللي اعرفه التحليق للولد مو للبنت

والتحليق سنه واكيد فيها حكمه

بس من وجهة نظري ما أأيد التحسييييييييييييين

انا عندي ثلاث بنات وولد كلهم حسنتهم قبل الاربعين ..حتى اخر وحده انا حسنتها بروحي بالموس ..

اختي ريلها مارضى يحسن بنته واللحين كل شهر قاصينه يبونه يتعدل مافي!!.. مب راضي

يتعدل ..واللحين تقول له لاعاد تقول لي لاتحسنين اليهال ..والله انهم حلوين بقرعتهم وانظف

لهم ..لاقشره ولالين عرق الياهل الريحه تشل الدنيا ..بس بعد كل واحد ورايه الشخصي ..