بنتي تمتن بشكل مو طبيعي

انصحك يا إختي تعرضينها على أخصائية تغذية
راح تساعدك إن شاء الله وتشوفين بنتك أحلى بنوته في الوجود

الله يعينك وعرضها على اخصائية تغذيه هوه الحل وانتي بعد انتبهي لها بس بطريقه ماتحس هيه لها لان بنتك سنها حرج شوي وتبلغ فالموضوع راح يكون حساس بالنسبه لها

الله يعينك اختي
انتي لازم تحاولي معاها ومايكفي انك تتكلمي معاها
اعرضيها على اخصائية تغذية توصف لها نظام غذائي يساعدها على تخفيف وزنها .. لانه حرام وهي في هالسن وزنها يوصل السبعين .. بنات اكبر منها وامهات ماوصل وزنهم كذا
بعدين لازم تتأكدي بعد ان ماعندها مشكلة صحية .. غدة لاسمح الله
انتي قلتي وراثية .. بس في نفس الوقت تاكل بشراهة
لازم تفهميها انها على ابواب مراهقة حلو تلبس ملابس مرتبة في المناسبات وتعيش حياتها وسنها
تقدري تبدأي من البيت وتتبعي نظام غذائي خاص فيها بعيد عن المقالي والدهون وتكتفي بالأكل الصحي
ابتعدي عن الوجبات السريعة خاصة لها
ارمي كل البسكويتات والحلويات والشيبسات من البيت عشان ما تلاقي شي تاكله وشجعيها على التغلب على الجوع باكل الفواكه
شجعيها على ممارسة الرياضة بالاشتراك في نادي صحي
اطلعي امشي معاها خاصة ايام اللي الجو يكون حلو فيه .. المشي ابسط انواع الرياضة
اشركيها معاك في اعمال البيت عشان تحس انها كبرت وصارت مسؤولة وتتحرك في نفس الوقت

وان شاء الله تبشرينا بعد شهرين انها بدت تفقد وزن بطريقة صحية