التوصيل بسلم واستلم؟؟؟؟ شو راي التاجرات

ليدي بيرد 25-11-2006 14 رد 92 مشاهدة
ل
" alt="" loading="lazy">

الواضح ان اكثر شركة توصيل وشحن مرغوبة لدى زبوناتنا الغاليات هي التوصيل يد بيد وسلم واستلم ... والشركة الاكثر تداولا عند التاجرات حاليا هي ايلايت بالطبع...
وهذا الاسلوب وهذي الطريقه وااااااايد مريحه للزبونه من ناحية الاطمئنان والثقة التي يصعب ان تعطى لشخص لا تعرفه و الكثير من الايجابيات...........!!!
وفي نفس الوقت لها الكثير من الايجابيات والسلبيات ايضا للتاجره.....
في هذا الموضوع نحب نسلط الضؤ نحن التاجرات المتواضعات على هذا الاسلوب في الاستلام والتسليم ...وما هي ايجابياته وسلبياته بالنسبه للتاجره....
وايضا للزبونه ما رايها وكيف تحب ان تصلها طلبيتها...

اتمنى التفاعل لتعم الفائده.....

" alt="" loading="lazy">
ع
:angry: :angry: :angry:

مريح للزبونه
بس لي كتاجره لااااااااا


لان مرات حضره الزبونه ما تستلم طلبيتها وحتى لو ماتبي ممكن تدق علييج وتقول لج هوونت

لو مثلا متأخر


والله حرام عليهم نرسل ونعبل في اهلنا لمشاورينا واخرتها يردون الطلب وانتي يا تاجره ادفعي قيمة الطلب

ولا بيزتنا اتم عندهم شهر شهرين ماتفرق

والحين انا اتعامل مع الامبوست
توصيل سلم واستلم ب 15 درهم
بس لازم تشتركين قبل
ومندوب الشركه سعيد ماشاءالله علييه عربي اييني وين ما كنت ولا اذا اتفقت معاها على شي وما يانا يدق علي اليوم الثاني وهو متلوم
بنات جان تبون رقمه خبروني والله انه محترم وسررررريع التوصيل

:clap:

مشكوره اختي ع الموضووع
ل
مشكورة الغالية عيون الورد عالرد
فعلا غناتي مثل ما قلتي الزبونه ساعات " تلبسج" بعد ما طلبتيلها وبعض البضاعة ما تكون متوفرة عندج وتييبينها بتعب... لا وهذا كله ساعات اطرش رسايل خاصة (هااااااااااا...شو رايج الغالية في الطلبيه انشاء الله عيبتج ومثل ما تبين... ما ترد على الرسايل) بالعكس انا ما بزعل بس لو قالتلي حاليا ما اقدر عندي ضروف ..اي شي بس يكون عندي علم.....
هذا غير الحوطة في السوق وادور مندوب ايلايت وين لازم اترياه لانه حضرته بعد ما اييني وين ابى لازم انا اسيرله...
ولكن هذي حالات نادرة والحمدلله اكثر الزبونات عيني عليهم باردة التعامل معاهم شييييييييي :ok: ...
والله يوفق الجميع
م
بصراحه موضوعج يخلي الواحد يكتب اللي في خاطره ...اشكرج عليه

بنسبه لسلم واستلم وااااايد مريح للزبونه وانا اتعامل جذي عسب راحتهم لان في بنات ما يرومون على التحويل وهذي السوالف..

لاكن المشكله يوم البنت ما ترد على التلفون والا تكنسل الطلبيه من غير ماتعطي خبر حق التاجره

وتضطر التاجره اهي اللي تدفع بنسه للطلبيه مب مشكله غيرها بتاخذها بس كل مره تتكنسل الطلبيه واهي اللي تم تدفع الخساره اهي المشكله ..

اتمنى من كل وحده تطلب تاكد على طلبيتها واتكون واثقه ...
ل
مميزه... حبيبتي انا مثلج حبيت اطلع اللي ف خاطري فحبيتكم تشاركوني الموضوع...
ا
انا لين الحين اطلب من البنات ان يكون الدفع مقدما لأني حسيت انكن تشتكن من هالنقطة وايد (ان البنات ما يستلمن الطلبية) بس صراحه ما احس حد يطلب مني خارج العين كل الا شتروا من داخل العين سلم واستلم

فما ادري شو الحل؟؟
D
بالنسبه لي اريح طريقه سلم و استلم

لان الدريول يتعامل مع ايليت مب انا..ازهب الطلبيات و هو يسير يوديهم..و عقب هو يستلم البيزات

صح يتأخرون وايد لين اييبون البيزات بس عادي عندي مب مشكله

و فعلا في وايد طلبيات صاحبتهم ما تستلمهم و يردن..طبعا ادفع انا جيمة التوصيل...هذي ضريبة التجاره ..في كل شي سلبيات و ايجابيات

بس الحركه اللي ما احبها..ان مثلا اكون مطرشه اماره بعيده مثلا بوظبي...تيني الزبونه و تقول و الله ما يابولي و ماعرف شو..رمسيهم و تفاهمي معاهم

يعني مال دبي مقدور عليهم..لكن مكاتب الامارات الثانيه شو بسويبهم..عندج رقمهم و رقم فاتورتج تصرفي عاد انتي..كل شي انا انا انا

و اخر شي ترد الطلبيه..والله طرشيلي مره ثانيه بشركه غير...عاد انا مول ما عندي شغل..لو طالبه عشرين غرشه بنقوول بعد

شي زباين ما ايي من وراهم غير الشقا...

عشان جذيه ما احب اتعامل بالتلفون...شي ناس ما ينعطون ويه يحرقون التلفون جني انا ما عندي شغل غير تلبية طلباتهم

و شي منهم ما يبون يتعاملون الا بالتلفون...ما جنه شي اختراع اسمه الرسايل الخاصه

ضغط لوووول بعد باجر ورايه برزنتيشن الله يعيني
ق
كنت اتعامل بهالطريقه

بس تبت و حرمت بصراحه

الحين عندي الدفع مقدم بالايداع

عيون الورد
متأكده حبيبتي من سعر امبوست؟
احيدهم بـ 35 توصيل بس
بدون سلم و استلم

كيف طريقه الاشتراك؟؟
ق
انا ما اشتركت في امبوست بس يوم يا ياخذ الطلبيات شافها وايد كانت 8 طلبيات قالي عشان وايد ودام ببتعاملين ويايه دوم

ساير راد القيمة تكون النص يعني جنه مشوار واحد مدفوع والثاني مجاني ...

بس صارلي موقف غاااااااااااااظني وقهرني ورفع ضغطي ... واحد طلب منيطلبيه وتم يطرشلي رسايل خاصه ليش تاخرتي وانا اتريا يعني ذلني مع اني قلتله اني اطرش مره كل اسبوع ... وعقب ماطرشتله ماصار يرد على شركة الشحن :(

مادري شسوي انا قلت بخليها سلم واستلم عشان اكسب ثقتهم واريحهم بس هم مادري شقايل .. الحين خايفه يتكرر ويايه هالموقف جان بعلن افلاسي يعني اشتري والبضاعه اتطيح في جبدي لا واخسر رسوم الشحن بعد ...

يا ترى شو الحل ؟؟
ل
قلب طفلـــه:
انا ما اشتركت في امبوست بس يوم يا ياخذ الطلبيات شافها وايد كانت 8 طلبيات قالي عشان وايد ودام ببتعاملين ويايه دوم

ساير راد القيمة تكون النص يعني جنه مشوار واحد مدفوع والثاني مجاني ...

بس صارلي موقف غاااااااااااااظني وقهرني ورفع ضغطي ... واحد طلب منيطلبيه وتم يطرشلي رسايل خاصه ليش تاخرتي وانا اتريا يعني ذلني مع اني قلتله اني اطرش مره كل اسبوع ... وعقب ماطرشتله ماصار يرد على شركة الشحن :(

مادري شسوي انا قلت بخليها سلم واستلم عشان اكسب ثقتهم واريحهم بس هم مادري شقايل .. الحين خايفه يتكرر ويايه هالموقف جان بعلن افلاسي يعني اشتري والبضاعه اتطيح في جبدي لا واخسر رسوم الشحن بعد ...

يا ترى شو الحل ؟؟


الله يكون في عونج... والتجاره يبالها صبر وطولة بااااااااااال ولا تنسين انج تتعاملين مع ناس تتختلف طباعهم ونفسياتهم ورضا الزبون غايه ساعات لا تدرك....
وبصراحه من خلال خبرتي المتواضعه في هذا المجال .....
انصح التاجرات ما يآخذون كمية كبيره من البضاعه ... يآخذون دفعات كل ما خلصتي اللي عندج خذي مره ثانيه جذيه احسن عسب ما تخسرين واتم البضاعه عندج....وبالمره تشوفين مدى الاقبال على هذي البضاعه....
وتحياتي للجميع
ش
هلا اختي الغالية
من وجة نظري
تحويل المبلغ احسن
لانة ساعات التاجرة عندها حسابات
وطريقة سلم واستلم مش وويا اي حد لانة ساعات اطرشين الدريول ويتم يترا ولا يردن على التيلفون
واذا سلم واستلم يدفعن مال التوصيل وارجاع المبلغ ما يطعين مدري ليش هذي الحركات
ل
مرحبا

اللي ما احبة بسلم واستلم شغلتين

الاولى ممكن الزبونة لما تستلم ونكون من قبل متفقين عليها الدفع التوصيل .. يدق علي مال المكتب يقولي البنت دفعت فلوس الاغراض بس وما طاعت تدفع فلوس التوصيل ... الصراحة انجلط بس حركة مب حلوة واقوللة مب مشكلة انا بدفع.

والثانية انطر يا *** لين ما اييك الربيع بالفلوس ... الزبونة يوصلها اقل من يومين ونحن عادي نقعد اكثر من اسبوعين نتريا الفلوس

بس ما نقول الا الحمدلله
B
هلا أخواتي
أنا صراحة جديدة عالتجارة وهالسوالف لكن التجارة شغلة تعجبني بالمرة ..مع إنها لها إيجابيات وسلبيات أكيد ..والواحد لازم يصبر.....وشغلة فيها الكثير من المغامرة ..عشان جي أنا قلت ببدأ ببيع بأشياء بسيطة عشان أتعلم كيفية التعامل مع الزبون...بس أنا صراحة يعني كوني كنت زبونة وما زلت ..أفضل أتعامل بسلم إستلم ...أريحلي . وأتشجع دايما أشتري من الشخص اللي يقلي سلم إستلم ....مع إن شركات التوصيل ما تجي لين بيتنا .كريهين فأضطر أقول أحد من الأهل يسير لين عندهم ومكانهم بعيد عن بيتنا بنص ساعة تقريبا يعني صدق شغلانة .....لكن أول ما أشوف التاجرة تقلي عن طريق صرافة أو حساب ...صراحة ما أشتري من عندها ...يعني حبيت أقلكم عن تجربتي

بس يا أخوات كيف أشترك عن طريق الشركات ...يعني الحين مثلا أنا طرشت لأحد الأخوات عسل ..وقلتله طرشلها ياه وجيب من عندها البيزات بس قلي ياخذ نسبة 35 بالمئة ..يعني ما بقالي شيء من المبلغ ...فأضطريت أقلها ترسله عن طريق الصرافة ....ياريت تنصحوني أو تقوليلي كيف أشترك في شركات الشحن
ع
انا الحمد لله الطريقه ذي مريحه لي وللزبونه بس متعبه لي شويه لان بعضهم تختار مكان غير مكان زبونه ثانيه بس عموما الحمد لله احاول قد ماقدر مايكونو بعاد بلعاده اسلم واستلم بالمراكز التجاريه بمنطقه العليا عندنا بالرياض بس بعض االزبونات الله يهديهم ماتحترم المواعيد يعني لطعه بو ساعه وساعه ونصف ياكثر ماتصير (n) واضطر استنى اشين شي التاخير بس الحمد لله ماحد طنش للحين:qaq:
الحمد لله على كل حال ..........وكل عام وانتم بخير يابنات قبل الزحمه :shy:
ا
السلام عليكم

اتكلم عن الي يصير عندنا في قطر

انا عن نفسي اوزع البضاعة عن طريق سواق خاص يستلم الفلوس و يسلم البضاعة و يرجع لي الفلوس

لول كنت ابي اكسب زباين و كنت اخلي التوصيلة علي بس يا خواتي لما البنت تطلب كريم و معطر فقط و يطلع عليها 60 ريال مثلا و على التوصيل ياكل علي السواق 15 ريال

طيب و الاغراض معناها بايعة برخص ؟؟؟ طيب شسوي خصوصا ان البضاعة مو لي للبنات غير و انا وسيط و عمولتي تضحك بس شا سوي

قويت عيييني و قلت بره الدوحة 20 و داخل الدوحة 15

عيل يروح جزء من المبلغ على التوصيلة ؟؟؟

و على فكرة اطرش البضاعة لما ادق تلفون للزبونه مو عمياني و احيانا تاخر الطلبية مو مشكلة و احيانا تكون ملتزمة

بس و الله مرتاحة بها الطريقة
ما يسوى على الزبونه تسوي تحويل على 60 و 70 ريال كل مرة

و سلامتكم

قلت لكم انا وااايد اتكلم
X